21. Allah anta wa’ad hanal Masih?

Al gissa di ti guul chunu?

1. Yatu yeji yarhakh ras hanal daabi?

   Al Masih, wahid min zurria hana Hawa, yarhakh ras hanal daabi (21:1).

2. Yatu dol nas al Masih bi najjihum?

   Al Masih bi najji nas min ayyi gabila fi dunia (21:2).

3. Kikef al ahad al jedid yi farig maa ahad al gadim?

   Fi ahad al jedid, al nas ya’afu allah chaksian. Humma yi hibbu wa yi dawuru yi tabukhu khawanina. Wa khanuna tabga maktuba fi gulubuhum (21:5).

4. Dahiye kamila al weenu al Masih yanti le Allah?

   Al Masih yanti nafsa le Allah misil dahiye kamila (21:7).

5. Chunu al anbia gaalo fi waluda hanal Masih?

   Al anbia khaboro kadar al Masih da talda biney al ma chafat rajil fi madinat Bathlaham (21:9).

6. Be nizba le nabi Ichaya, kikef al nas yagbalo al Masih?

   Al nabi Ichaya gaal al nas yankhuru al Masih wa ma yagbalo. Wahid min suhubana yi chagilib fooga wal chaab yaktulu (21:11).

7. Be nizba lel anbia, mala al Masih yi mut?

   Al Masih yi mut achan Allah yi akhiba fi sabab zunub hana dunia kullu. Hu yi mut achan al nas yalgo salama maa Allah (21:13).

8. Chunu al Allah yi sawi le al Masih baad moota?

   Al anbia gaalo Allah yab’as al Masih min al moot (21:14).

9. Baad al anbia kamalo kalamhum fil Masih, kam wakit fat gabul Allah rassala fi dunia?

   Allah rassal al Masih fi dunia baad urbumia sana (400 sana) min kalam al akhir al anbia gaalo fooga (21:15).

Al gissa di maanataha lena chunu?

1. Fi fikirku mala Allah hajja fil Masih le Adam wa Hawa wa ma rassala badri?

   Wakit al Allah khalag al dunia, hu jahaz al Masih le yi rassila achan yi najjina min zunubna. Achan ke da, hu hajja fil Masih le nas min al bidaya.

2. Al yahuud, humma chaab al ikhtiyar hana Allah, bigo min zurriyat Ibrahim. Mala muhim bilhain achan Allah gaal le Ibrahim kadar hu yi barik kullu majmu’a hana nas al fi dunia be sababa?

   Abadan Allah ma jahaz le yi najji al jahuud bas. Fil hagiga, min al bidaya, hadaf hana Allah da le yi najji al nas min kullu majmu’a hana dunia. Lakin, Allah gaal le Ibrahim kadar hu yi barik kullu nas be sabab wahid min zurriyta. Al wahid min zurriyta da hu bas al Masih.

3. Al ahad al jedid yi kun maktub fi gulub al nas. Mala al chey da muhim?

   Al ahad al gadim kaan maktub fil lihan hana hajar wal awrag. Hatta al yahuud al ligo nisiyo wa ma tabakho. Lakin Allah yaktib ahad al jedid fi gulub al nas le achan ma yanso. Achan Allah yi khayir gelbhum, al nas yi tabukhu ahad al jedid. Humma ya’abudu wa yakhadumu le Allah be nia wahid.

4. Mala anina nalgo chajaa fi achan al Masih abadan ma yanti dahiye tani fi zunub?

   Al Masih anta nafsa misil dahiye kamila le Allah. Allah gibil dahiyta fi badal ikhabna achan dahiyta bigat kamila, hu abadan ma yanti min jedid. Da maanata Allah abadan ma yi azzib al mu’miniin fi chan zunubhum, achan dahiyat al Masih taamma lel abad le ta’ajib Allah.

5. Al Masih abadan ma aznab. Mala Allah anta fursa lel nas achan yaktulu?

   Allah dawar kadar al Masih yi mut achan di bas tarikha al wahida le Allah yi sami zunub hana nas. Allah hu saleeh wa ma yakdar yansa nas al maznubiin, lakin Allah akhab al Masih fi badalhum le achan taani ma yi akhibuhum.

Zibdet al kalam

Wakit Allah khalig dunia, hu kharar khalas le yi rassil al Masih le achan yi mut fi zunub hana nas. Fi tul al gissa, Allah bayan lena chey al Masih yi sawi. Hu wa’ad Adam wa Hawa kadar al Masih yi dammir al cheytan. Hu gaal le Ibrahim kadar al Masih yi barik kullu najmu’a hana nas fi dunia. Hu gaal lel anbia kadar al Masih yabga nabi, kahin wa malik kamil. Al Masih talda bineye al ma chafat rajil wa abadan ma yaznib. Lakin al nas yakraho wa yaktulu be ayyi tarikha. Allah yi khalli chey da yi kun le achan al Masih yi mut wa yil’akhab fi badal nas dunia.