31. Isa al Masih raikh fi ras alme

Al gissa di ti guul chunu?

1. Chunu al Isa sawa baad rassal talamiiza fi mukhta al bahar be markaba?

   Isa al Masih gaal le jamaa al katiriin achan yamchu fi buyutuhum wa baad da hu rikib fil jabal le salli weheeda (31:1).

2. Suuba al weenu al talamiiz ligio fil bahar?

   Al rih sagad chedid wa barjala lel markaba fi ussut al bahar lahaddi bigi lel talamiiz gasi le yagto be markaba di (31:2).

3. Kikef Isa al Masih wassal lel talamiiz?

   Isa rakh fi ras alme lahaddi wassal le markaba fi ussut al bahar (31:3).

4. Mala al talamiiz kafo min Isa wakit al hu wassalahum?

   Al talamiiz kafo wakit chafo Isa al Masih machi fi ras alme achan humma fakkaro kadar hu da dul (31:4).

5. Chunu al Bitrus sa’ala le Isa yi sawi le yi wassif kadar hu ma dul?

   Bitrus talab min Isa khalli yanti le yamchi leya fi ras alme (31:5).

6. Chunu al hassal wakit Bitrus dakhal fi alme?

   Bitrus gidir yi rukh wakit chiya fi ras alme (31:6).

7. Mala Bitrus bada ga’id yi tamis fi alme?

   Bitrus bada ga’id yi tamis fi wakit al hu chal wijja min Isa al Masih wa le yi chiif al chalal wal rih (31:6, 31:7).

8. Chunu al Bitrus sawa le yi najji nafsa fi wakit al hu ga’id yatumus fi alme?

   Bitrus sarakh le achan Isa al Masih yi najji. Isa madda idda wa karaba le Bitrus (31:7).

9. Chunu al hassal lel rih?

   Al rih tawali wigif wakit Bitrus wa Isa rikibo fil markaba (31:8).

10. Kikef al talamiiz raddo fi wakit al Isa dakhal fil markaba?

    Al talamiiz ajabo bilhain. Humma sajado wa abado Isa misil Ibn Allah (31:8).

Al gissa di maanataha lena chunu?

1. Mala Isa ga’id fi ras al hajar wa salla lahaddi fi ussut al leel?

   Isa al Masih fakkar al sala di muhimma bilhain hatta leya hu kulu. Hu kaan ga’id yi wakit katiir achan yi kalim le abu al samawi. Hatta fi wakit al hu machkhul chedid, hu ga’id yi chil wakit le yi salli. Hu biga massal le talamiiza kulluhum wa lena anina.

2. Fi fikirku mala al talamiiz wajo al suubat le yakhto al bahar? (Isa rassalahum hinak).

   Tilmiiz al yi tabi Isa al Masih munkin yalga suubat fi hayata. Isa al Masih ma gaal kadar hayin le tabga tilmiiza. Fi wakit al da, hu rassal rih chedid did al talamiiz le achan yi wassif lehum kadar hu inda foog al rih. Allah da’iman yi khallina ni wajju suubat fi hayatna le achan hu yagdar yi wassif lena gudurta.

3. Fi fikirku mala da ilim adil wakit Bitrus dawar yi rukh fi ras alme le yamchi yalga Isa?

   Bitrus da’iman ma yi fakkar adil fil achia gubal ma yaf’aluhum. Munkin da massal wahid battan. Da kaan munkin chey wahid al ma adil le yi sawi. Lakin fi nafs al wakit, da kaan rujaliye min Bitrus. Mafi wahid min al talamiiz al akhariin al jarrab le yamchi yalga Isa. Humma kulluhum ga’idiin yarjo fil markaba achan Isa yeji lehum.

4. Mala Isa al Masih gaal kadar Bitrus da imana chiya?

   Bitrus bada ga’id yi saddikh Isa al Masih. Hu talab min Isa le yi khalli yi rukh fi ras alme. Da yi wassif kadar Bitrus aman be Isa al Masih. Lakin, wakit Bitrus chaf al rih wal chalal, hu bada ga’id yakaf kadar Isa ma yagdar yi najji min alme. Imana bada yi barjil. Fi wakit da, hu bada ga’id yatumus. Imana ma kaan gawi le yi saddikh le mudda tawiila.

5. Mala al talamiiz abado Isa?

   Al talamiiz chafo kadar Isa chagga al bahar fi wakit al Rih ga’id yi sukh wa hu sakhat al rih. Katiriin min al talamiiz kaano al hawatiin. Humma ya’arfu kadar mafi nadum al yagdar yi rukh fi ras alme. Humma fihimo adil kadar ga’id yi sawi achia al Allah wahid bas yagdar yi sawi. Achan ke da, humma sajado leya wa abado.

Zibdet al kalam

Isa al Masih faddal wara fi wakit al hu rassal talamiiza fi mukhta al bahar be markaba. Wakit al humma machin, hu salla le abu lahaddi ussut al leel. Al Masih da’iman yi chil wakit katiir fi salla, hatta kan hu machkhul kulu. Imkanian, Isa bada yi rukh fi ras alme machi lel talamiiz. Humma kafo wakit al humma chafo, lakin Bitrus sa’al Isa al Masih le yanti izin achan yeji leya fi ras alme. Hu rakh musaffa chiya gabul kaf min al chalal wa bada ga’id yatumus. Isa al Masih najja Bitrus, lakin haraja achan hu ma aman beya tamam. Wakit al Isa rikhib fi markaba, al rih wigif. Al talamiiz ajabo bilhain fi chey al Isa sawa lahaddi kulluhum sajado leya wa abado misil Ibn Allah.