43. Bidayat al kanisa

Al gissa di ti guul chunu?

1. Mala al mu’miniin ga’idiin yi lummu da’iman madinat al khudus?

   Humma ga’idiin yi lummu da’iman le yi sallu (43:1).

2. Chunu al hassal wakit al mu’miniin lammo fi iid al khamsin?

   Wakit al mu’miniin lammo sawa, al beet ammala be soot rih al chedid wa chey wahid misil al nar zahar fi rasuhum. Humma kulluhum bigo maliyaniin be Ruh al Khudus wa bado yi hajji fi lukhat akhariin (43:3).

3. Chunu al biga ajiib le jamaa wakit al humma simiyo al mu’miniin?

   Humma simiyo al mu’miniin ga’idiin yi hajju fi rutana hana ayyi chaks minnal jamaa (43:4).

4. Kikef Bitrus radda wakit al jamaa gaalo kadar al mu’miniin kaano sakharaniin?

   Bitrus gaal lel jamaa kadar humma ma sakharaniin, lakin da Ruh Allah bas nazal fil mu’miniin, misil al nabi Yu’il gaala fi zaman tawiil al fat (43:5).

5. Be nizba le Bitrus, kikef Allah charaf Isa?

   Allah al Ab charaf Isa wa ga’ada fi nussa al yemin wa sawa fi nafs al wakit Rabb fi kullu chey wal Masih (43:6, 43:7).

6. Wakit al nas sa’alo Bitrus fi chey al wajiib humma sawu, kikef hu radda?

   Bitrus gaal khalli yi tubu min zunubuhum le achan Allah yakhfir lehum zunubuhum wa yi barrudu barrud mamudia be usum Isa al Masih (43:11).

7. Nas kam amano be chey al Bitrus gaala wa bigo talamiiz hana Isa fil yom da?

   Takhriban talata alif (3000) nas amano be kalam hana Bitrus wa bigo talamiiz hana Isa (43:12).

8. Chunu al mu’miniin al judad sawo sawa fi madinat al khudus?

   Humma ga’idiin da’iman rassamo taalim hanal russul. Humma lammo battan, akalo wa sallo sawa. Wa humma ga’idiin da’iman yachkuru Allah sawa wa yi gassumu ambeenatuhum kullu chey al induhum (43:13).

Al gissa di maanataha lena chunu?

1. Chunu kaan chey muhim al mu’miniin ga’idiin yi sawu da’iman fi wakit al yi lummu?

   Al sala kaanat muhima bilhain lel mu’miniin. Humma ga’idiin yi lummu da’iman le yas’alo Allah wa, ziada min da, humma ga’idiin yi sallu weheeduhum. Ankun achan da bas Allah sawa amal al gawi bilhain fi ussutuhum.

2. Kikef al hadiya hana hije fi lukhat akhariin da sa’ad al mu’miniin le yi bachuru rissalat Isa?

   Al sukhan hana madinat al khudus ya’arfu kadar al mu’miniin ma yagdaro yi hajju be rutana hana kullu nas min al jamaa dol. Wakit al humma chafohum sawo chey da, humma bigo jahiziin le yassamo Bitrus wakit al hu ga’id yi bachir lehum. Achan ke da, al talamiiz yagdaro yi hajju fi Isa le ayyi nadum al yi kun min ayyi lukha wa nadum da yagdar yafaham tamaman chey al humma ga’idiin yi guulu.

3. Chunu al Bitrus gaala lel jamaa fi Isa?

   Bitrus gaal lehum kadar humma salabo Isa, lakin Allah ba’asa min al maytin misil al anbia gaalo badri. Bitrus wal mu’miniin bigo chuhad. Bitrus gaal lehum battan kadar Allah charaf Isa wa ga’ada fi nusa al yemin fi sama, wa kadar Isa da bas rassal Ruh al Khudus.

4. Kikef al nas raddo fi bichara hana Bitrus?

   Allah lammas gulub hana nas wa khalas sa’alo Bitrus fi chey al wajiib humma yi sawu. Allah ma yi lammis gulub al nas da’iman be tarikha al di, lakin fi fursa di, talata alif (3000) nas amano be rissala di wa tabo min zunubuhum.

5. Kikef al sukhan hana madinat al khudus raddo wakit al humma chafo kadar al mu’miniin ga’idiin yi lummu da’iman le yi sallu, yachkuru Allah wa yi gassumu kullu mabaad?

   Wakit al kullu nas al fi madinat al khudus chafo kadar al mu’miniin ga’idiin yi sawu al kher ambeenatuhum wa yachkuru Allah, humma ajabo bilhain fooguhum wa be katiir ziada nas bigo mu’miniin.

Zibdet al kalam

Baad ruju hana Isa fi sama, al mu’miniin ga’idiin da’iman yi lummu le yi sallu mabaad. Gariban, Allah rassal Ruh al Khudus le ti sawi khidime gawiya ma’ahum. Hu antahum fursa le kallumu fi rutana hana ayyi nadum al ga’id yassamahum. Al nas bilhain ajabo wa simiyo Bitrus al hajja lehum kadar Isa, al humma salabo da, kaan Seid wal Masih, wa rassal Ruh al Khudus le achan ti tamim khidime al ajiba di. Wakit al simiyo kalam da, tawali talata alif (3000) nas amano wa barrado barrud mamudia. Fi wakit al humma ga’idiin da’iman yi lummu da, nas wahidiin chafo kikef humma ga’idiin yiachkuru Allah wa yi sa’udu mabaad. Khalas, al kanisa ga’ide da’iman ti ziid.