17. Alakha hana Allah be nabi Daud

Al gissa di ti guul chunu?

1. Chaul kaan rajil al kikef?

   Chaul kaan rajil tawiil wa same, misil al nas yi dooru. Lakin hu biga rajil fasil al ma yi ti’i le Allah (17:1).

2. Yatu al ikhtara le yabga malik baad Chaul?

   Allah ikhtar ra’i wahid sabi hana Bathlaham. Hu kaan rajil miskin, saleeh, amin le Allah wa ga’id yi ti’i leya (17:2).

3. Yatu kaan Jaluuth al Daud katala da?

   Jaluuth kaan rajil tawiil wa arid tula yi sawi talata miter wa hu kann askari al adu (17:3).

4. Kikef Daud wassaf le Chaul kadar hu ma dawar yaktula?

   Wakit al humma ga’idiin fil karkur, Daud gata min khalag hana Chaul. Hu lazim yagdar yaktul Chaul fil wakit da, lakin hu ma sawa leya chey fasil. Fi wakit al Chaul chaf al chey da, hu irif kadar Daud ma yi door yaktula (17:4).

5. Chunu al Daud dawar yabini le Allah?

   Daud dawar yabini haykal le yi kun bakan al israiiliin yagdaro ya’abudu fooga wa yi gaddumu leya dahiye (17:6).

6. Kikef Allah radda fi niye hana Daud al chala le yabini al haykal?

   Allah rassal nabi wahid usuma Nathan le Daud achan yi guul leya kadar ma hu bas yabini al haykal da. Lakin wileeda bas yabini (17:7).

7. Yatu, fi kalam al Allah oora da, yamluk lel abad?

   Wahid min zurriyat Daud bas yamluk ilal abad. Nadum al da hu bas al Masih. Lakin yeji takhriban alif (1000) sana baad moot hana Daud (17:8).

8. Kikef Daud aznab le Allah?

   Daud ragad maa Bathcheba. Wa hu bas biga sabab moot hana rajilaha, Uria, al kaan wahid min assakir al kubar hana Daud (17:10, 17:11, 17:12).

9. Kikef Allah akhab Daud fi sabab zunuba da?

   Allah sawa wileed hana Bathcheba hu da mat. Hu battan sawa usrat Daud bigat ti harib didda (17:14).

Al gissa di maanataha lena chunu?

1. Kikef Daud biga chik min Chaul?

   Al nas dawaro Chaul misil al malik achan hu kaan kabiir wa same. Lakin hu kaan nadum fasil. Allah ikhtar Daud le yi kun malik achan Daud kaan nadum mutuwadi wa gadir le amana wa ga’id yi karim Allah.

2. Kikef Daud gidir yi allim le yabga malik hana Israiil wakit hu lissa ra’i bas?

   Wakit hu lissa ra’i bas, Daud allam le yi kun gawi wa yahfiz al khanam hana abu. Lissa wileed sabi bas, hu lahaddi katal dhub wa duud wakit al humma hajjomo khanam hana abu. Fi chan da, hu biga gadir le yahfiz al israiiliin min aadahum.

3. Chaul dawar yaktul Daud. Mala Daud ma katal Chaul wakit hu ligia fil karkur hana hajar?

   Daud ma dawar yaznib gabul yabga malik. Hu ikhtar le yarja wakit al Allah yi sawi malik. Khalas, hu ma katal Chaul, lakin, hu khatta baala fi Allah al ga’id yahfaza min Chaul.

4. Mala Allah ma anta fursa le Daud achan yabini al haykal?

   Daud hakam Israiil adil wa Allah kaan radian be Daud. Allah dawar kadar Daud yi kun leya askari al adil. Da bas fikira le Daud. Allah dawar kadar nadum akhar chik yabini haykal da. Wileed hana Daud ma yi kun askari. Hu da bas al yabini da. Allah yistakhdima le yabini al haykal. Be tarikha al di, Allah yanti charaf le Daud be baraka yanti le zurriyta.

5. Di baraka kabiire al weenu Allah wa’adaha le Daud?

   Allah wa’ad le Daud kadar wahid min zurriyta bas yi kun al Masih. Hu yahkim fi chaab hana Allah lel abad.

6. Mala Daud sabbab moot hana Uria?

   Daud dawar yi labbid zunuba be katilin hana Uria. Kan Uria mat da, Daud fi fikira da nadum ke ma yagdar ya’arif kadar hu bas abu wileed hana Bathcheba.

7. Mala Allah akhab Daud baad al hu i’tirafa?

   Allah sama le Daud wakit al hu i’taraf. Lakin achan Daud khalaf Allah gidam al chaab da, Allah yi akhiba. Daud khassad bel ikhab da wa karama le Allah.

Zibdet al kalam

Allah ikhtar Daud le yi kun malik hana Israiil. Daud kaan rajil miskin al ga’id yi karim Allah. Khalas, Allah wa’ad kadar wileed hana Daud bas yabini leya haykal da wa wahid min zurriyta yahkim lel abad. Hu bas yi kun al Masih, al beji takhriban alif (1000) sana baaden. Baad zunuba al chedid da, Daud i’taraf wa battan ga’id yi karim Allah. Hatta kan Allah akhaba fi sabab zunuba kulu, hu tamam kullu chey al hu wa’ada le Daud kadar yi sawi.