38. Yahuza khanah le seida Isa
Al gissa di ti guul chunu?
-
Chunu maanat al tifal bel fus’ha?
Al fus’ha di ti wassif kikef Allah najja bani Israiil min al ubudiye hana Massir (38:1).
-
Chunu al Isa gaala lel talamiiz kadar yahassal leya fi madinat al khudus baad al fus’ha?
Hu gaal lehum kadar al nas yaktulu hinak (38:1).
-
Chunu Yahuza gaal yi sawi lel masa’il hanal yahuud fi badal gurus?
Hu gaal yi khuna le Isa achan humma yagdaro yaktulu (38:2).
-
Isa gaal kadar khubza al hu kassara da ga’id yi massil chunu?
Isa gaal kadar khubza al hu kassara da ga’id yi massil jisma, al hu yanti fi badal talamiiza (38:4).
-
Isa gaal kadar kas hana assir al hu chiriba da ga’id yi massil chunu?
Isa gaal kadar kas hana assir da yi massil ahad al jedid be damma al hu yi dafiga fi sabab talamiiza (38:5).
-
Fi wakit al Isa wa talamiiza machin fi jabal al zeytun, chunu al Isa gaala kadar al talamiiza yi sawu fi al leel da?
Isa gaal kadar al talamiiza yi khallu kulluhum misil al khanam al yi chuttu fi wakit al daggo ray hanahum (38:8).
-
Chunu al Isa gaala kadar Bitrus yi sawi fi al leel da, gubal al diik ma yi kawik?
Hu gaal Bitrus yankura talata marrat kadar hu ma ya’arfa wala chiya kulu (38:9).
-
Chunu al Isa sa’ala min Abu le yi sawi wakit al hu ga’id yi fil jinene?
Isa sa’al le Abu ma yi khalli yacharab kas hana taab da. Lakin hu sa’al battan le Abu khalli yi sawi muradata bas hatta kan mafi dalil akhar illa yi mut (38:12).
-
Chunu al talamiiza sawo fi badal al yi sallu maa Isa?
Humma namo, achan humma kaano fataraniin chedid (38:13).
-
Kikef Yahuza khana le Isa gidam al jamaa?
Hu fakkar yi charifa Isa wa salama bel hub (38:14).
-
Chunu al Isa sawa le khadim hana Kahin al kabiir?
Isa chaffa al khadim da baad al Bitrus gatta adana be seef (38:15).
Al gissa di maanataha lena chunu?
-
Mala al talamiiz ma chakko kadar Yahuza yi khuna Isa?
Yahuza kaan ga’id yanchaf misil al talamiiz al akhariin. Be sahi da, humma wassago fooga ziada hatta wakalo le yabga amiin al maal. Yahuza khana kullu al talamiiz. Illa Isa weheeda irif kadar Yahuza yi khuna.
-
Chunu maana al jedid al Isa kachafa fog eid al fus’ha?
Isa al Masih gaal al khubza wal asir fi ta’am al fus’ha da zakir al talamiiz kadar Isa antahum jasada wa dafak damma le yi khalisuhum.
-
Fi fikirku mala al talamiiz ma amano kadar yi khallu Isa?
Al talamiiz fakkaro kadar humma faliin bilhain le yagodu wara Isa. Humma zi’ilo wakit hu khabarahum kadar humma yajeru yi khallu. Achan ke da, humma namo badal al yagodu be eenuhum wa yi sallu misil al Isa oorahum. Fi chan da, humma ma gidiro hamo leya wakit Yahuza jaa maa jamaa le yakurbu Isa.
-
Sala hana Isa al Masih fil jinene ti alimna chunu fi muradat hana Allah?
Isa ma dawar yataab wa yi mut, achan ke da hu sa’al le Abu achan yi hafiza. Lakin, Isa kaman gibil al izzab le achan yi sawi muradat Allah. Hu irif kadar mafi derib akhar al yi khalis al muznibiin illa hu bas yi mut wa yi khalisuhum. Khalas, hu kaan mukhasid le nas yakurbu wa yaktulu.
-
Mala chuyukh al diin hana yahuud dawaro kadar Yahuza yi khuna le Isa al Masih?
Isa al Masih kaan bi allim kullu yom, lakin chuyukh al diin kaano khayifiin le yakurbu Isa gidam nas al katiriin al joo le yassamo Isa al Masih. Humma kaano muhtajiin kadar Yahuza yi guul lehum wakit al Isa yi kun fi bakan wahid weheeda bala nas akhariin le achan humma yagdaro yakurbu bel achir.
-
Fi fikirku mala Bitrus chal al seef wa gatta adan khadim hana rajil al diin al kabiir?
Bitrus lissa ma fihim kadar lazim Isa yi mut fi badal nas al muznibiin. Hu ma ga’id yafaham fi ayyi marra al Isa ga’id yi guul leya kadar lazim al chey da yahassal. Be sabab al da, hu dawar be khalat le yi najji Isa be gudurta. Lakin Isa warwara le Bitrus wa hatta hu dawa khadim al Bitrus gatta adana da. Hu ma dawar kadar khudama dol yadaro karibina.
Zibdet al kalam
Seidna Isa al Masih ya’arif kadar akil hanal fus’ha da ga’id yi massil tarikha al hu yataab wa yi mut fooga fi sabab al muznibiin. Hu fassar al chey da le talamiiza, lakin humma ma fihimo wala ma amano be kadar hu yi mut. Wala wahid min al talamiiz ma salla aw jahaz nafsa lel wakit al yi khunu Isa da. Wa al fasil bilhain, tilmiiza halala, Yahuza, bas khana. Khalas talamiiz al akhariin arrado khallo. Lakin, chey da ma biga ajiib le Isa. Hu ya’arfa kadar humma yamchu yi khallu wa kadar hu yi mut. Da bas sabab al hu jaa fooga fi dunia.