3. Al tuffan

Al gissa di ti guul chunu?

1. Chunu al Allah dawar yi sawi le nas al mujurumiin wa fasiliin fil ard?

   Hu dawar yi dammirhum be matara chadide (3:1)

2. Kikef Noh kan nadum chik min akhariin?

   Noh kan rajil saleeh, wa hu sakhan been nas al ma salihiin (3:2)

3. Chunu al sabab al Allah gaal le Noh yi adila safina?

   Al safina ti afid Noh wa haal beeta fi wakit hanal tuffan (3:3).

4. Kam nafar dakhalo fi safina?

   Tamayna nafar dakhalo fil safina, Noh maa marta wa iyala al talata be awinuhum. Nadum akhar ke ma mukasid kadar al tuffan da yabga (3:4, 3:5).

5. Mala al bahayim humma joo fil safina?

   Achan Allah rassal baad min ayyi nafar hana bahayim fil safina (3:6).

6. Al matara sabbat takhriban kam wakit?

   Almi sabba arbaiin yom leel wa nahar (3:7).

7. Chunu al hassal lel nas wa bahayim fi wakit al tuffan?

   Al usra hana Noh wa haywanat al ga’idiin dakhal fil safina muhafiziin. Kullu nas wa haywanat al ga’idiin barra min al safina maato (3:8).

8. Kam wakit al tuffan akhar fil ard?

   Al safina jaari fi ras almi muddat khamsa chahar. Baad talata chuhur akhar gabul kullu ras al jubaal anchafo (3:9). Chuhur katiir fato, gubal al ard taybas achan Noh wa usrata yamurgu min al safina (3:10 to 3:13).

9. Chunu al awal chey al Noh sawa baad marak min al safina?

   Noh bana gusur wa sadakh baad min al haywanat le Allah (3:14).

10. Al ahad al weenu al Allah sawa maa Noh baad al tuffan?

    Allah ahad kadar hu ma yi dammir al ard be tuffan. Hu khatta ajjaz-al-matara al bi wassif al alakha beena wa been al insan (3:15, 3:16).

Al gissa di maanata lena chunu?

1. Mala Allah chal al alme le yi dammir al dunia?

   Achan Allah khalag nas le yagodu maaya. Lakin Allah adil wa ma mukhasid be chey al ma adil. Achan kullu nas dol bigo mujurumiin wa ma karamo, chal nie le yi dammirhum (3:1).

2. Mala Allah najja Noh wa usrata?

   Achan Allah ma yi door yi dammir kullu chey al hu sawa. Achan ke da, hu najja Noh wa usrata achan Noh kan rajil saleeh wa karam Allah. Allah khalla le zurriyat Noh le yamalo al ard baad moot hana kullu mujurumiin.

3. Mala nadum akhar jahiz ke mafi bala usrat Noh, gubal wakit tuffan ja?

   Achan al safina bilhain kabire, Noh wa iyala chalo wakit katiir le yabunu. Al nas katiir chafo Noh ga’id yabini al safina wa saalo minna. Lakin nadum ma khasad kadar Allah yi dammirhum, achan ke da nadum jahiz mafi yom al tuffan ja (3:4).

4. Mala nadum ma gidir dakhal fi safina wakit al matara badat ti sub?

   Achan Allah zaata bas sadda al baab hanal safina gubal al matara tanzil. Baad al derib bigi mazdud, khalas mafi tarikha le nas yadkhulu fil safina le yi najju nufusum min al tuffan (3:6).

5. Mala Noh bana gassir wa saddakh le Allah?

   Achan Noh kan rajil al yi karim Allah min awal wa baad al tuffan kulu. Hu ba’arif kadar Allah yi najji hu wa usrata. Fi chan da awal chey al Noh sawa le yi karima Allah da hu gadam saddakha (3:14).

6. Mala hajjasat al matara muhimma?

   Hajjasat al matara al yi biin wakit al matara ti sub da ti wassif ahad al Allah khatta le yi zakkir Allah wa nas yi fakuru kadar battan hu ma yi dammir al ard be tuffan.

Zibdet al kalam

Al gissa hanal tuffan di ti wassif kadar Allah yi azzib kullu nas al aznabo didda. Lakin hu yi door yi najji nas al karamo. Noh sakhan been al nas al ma salihiin. Lakin hu karam Allah wa garra al beeta zaata yi karumu. Khalas, Allah anta hikma le Noh wa usrata kikef yanjo min izaab hana Allah. Noh karam Allah wa bana al safina wa chaala usrata. Ba’adeen Allah sadda al baab wa hafazahum min al tuffan. Ba’ad al tuffan, Allah gaal lehum min jadid khali yammalo al ard. Noh bi waasil yi karim Allah, wa Allah anta wa’ad kadar battan ma yi dammir al ard be tuffan.