26. Isa bada khidimta

Al gissa di ti guul chunu?

1. Kikef Isa liga sulta le yi sawi khidime al hu sawada?

   Ruh al Khudus antata khuwa chedid (26:1).

2. Mala al sukhan hana Nazirath ya’arfu Isa adil?

   Achan Isa aach fi Nazirath wakit al hu sakhayar (26:2).

3. Yatu katab rissala al fil garfa al chuyukh sa’alo le Isa achan yagiri?

   Al chuyukh sa’alo le Isa achan yagiri kitab al nabi Ichaya kataba (26:2).

4. Fi yatu rissala al Isa garaha di ga’ide ti hajji?

   Rissala al Isa garaha di ga’ide ti khuss al Masih (26:4).

5. Mala al nas ankarro?

   Isa gaal kadar al achia al hu garahum dol tammo fil wakit da khalas. Hu gaal kadar al Masih sawa al achia dol fil wakit da khalas. Al chey da bigi le chaab le chaab da ajiib (26:4).

6. Yatu al nabi Ichaya macha sa’ada?

   Ichaya macha ga’id yi sa’id mara wahide armala fi balaad akhar (26:5).

7. Yatu al nabi Iliyaas chaffah?

   Iliyaas chaffa kha’id wahid min al adu hana Israiil (26:6).

8. Mala al sukhan hana Nazirath tarado le Isa min beet al salah?

   Al nas dawaro yi lizzu le Isa min foog al jabal le yaktulu achan hu gaal kadar al anbia sa’ado adu hana Israiil (26:7).

9. Chunu al Isa sawa fi wakit al sukhan hana Galile jabo leya katiir min al mardaniin wal majnuniin?

   Isa chaffahum kullu (26:8, 26:9).

10. Kikef Isa samma rujal al atnachar al hu nadahum le yi safuru ma’aya wa yi allumu minna?

    Isa samma rujal al atnachar dol russula (26:10).

Al gissa di maanataha lena chunu?

1. Isa kibir fi Nazirath. Hal al chey da assar? Wa kikef al nas raddo leya wakit hu gaal kadar hu bas al Masih.

   Achan al sukhan hana Nazirath ya’arfu Isa min wakit hu sakhayar, humma da’iman ga’idiin yi chufu misil nadum al ma muhim. Achan da bas Isa gaal kadar al nas ma yagbalo nabi fi bakan al hu kibir fooga. Hal intu yiftu al chey da hassal?

2. Isa ma gaal tawali le chaab hana Nazirath kadar hu bas al Masih. Fi chan da, hu gara kalam hana kitab bas wa gaal kadar al kalam da tamma fil wakit da. Fi fikirku mala Isa bayan nafsa be tarikha di?

   Isa ya’arfa kadar chaab hana Nazirath dol ma yagbalo kadar hu bas al Masih. Achan da, le yi oorihum al chey da tawali, hu gara kalam hana kitab bas wa gaal kadar kalam da yi khussa. Kan al sukhan hana Nazirath dawaro le ya’arfu hu yatu, humma yagdaro yi chufu kadar hu ga’id yi sawi kullu chey al kalam hana kitab yi guul kadar al Masih yi sawi. Kan kaano jahiziin le yi amunu beya da, humma yagdaro ya’arfu, min kalam hana kitab, kadar hu bas al Masih.

3. Mala al yahuud zi’ilo bilhain fi wakit al Isa gaal lehum fi chey al Ichaya wa Iliyaas sawo?

   Al yahuud ga’idiin yi fakkuru kadar Allah yi hibb al yahuud weheeduhum bas wa hu ma dayir yi sa’id al chaab hana ummam al akhariin. Humma bigo khaltaniin. Isa hajja fi Aliya wa Iliyaas le yi wassif kadar Allah ga’id yi hibb al chaab hana ummam al akhariin kulu. Allah arsal al anbia le yi sa’udu nas al dayiriin yi amunu beya. Lakin hu ma rassalahum le yi sa’udu al yahuud fi wakit al humma dol ma ga’idiin yi karumu.

4. Mala Isa ikhtar atnachar rujal le yi kunu russula?

   Isa ya’arfa kadar hu yi mut fi chan zunubna. Baad moota, lazim nadum yagdar yi oori nas kullu fi chey al Isa sawa fi channa. Achan ke da, hu ikhtar rujal atnachar achan yi jahizuhum le yi khaburu nas fooga. Humma safaro ma’aya wa ligiyo minna ta’alim le yi kunu jahiziin le yabgo leya chahada baad gabilina fi sama.

Zibdet al kalam

Isa macha Galile fi madinat Nazirath bakan al hu kibir fooga. Nas hinak ga’idiin yi lummu kullu usbu le ya’abudu Allah. Lakin, humma ma kaano jahiziin le yi amunu kadar Isa jayi min Allah. Wakit al hu wassaf lehum be kalam hana kitab kadar hu ga’id yi sawi khidime hanal Masih, humma ma dawaro yi sadduku. Wa fi wakit al Isa gaal lehum kadar Allah yagbal al nas hana ummam al akhariin al yi amunu beya, humma bigo za’alaniin bilhain lahaddi fatacho le yaktulu Isa. Baad da, hu macha ga’id yi bachir le nas al akhariin fi Galile. Katiriin minnuhum chafo khidime al hu sawa wa amano beya. Khalas Isa ikhtar atnachar rujal min nas al amano beya le yi kunu ma’aya wa hu bada ga’id yi allimuhum le achan humma yagdaro yi hajju fooga.