5. Waleed hana wa’ad

Al gissa di ti guul chunu?

1. Mala Sarrah gaalat le Ibrahim khalli yalga sakhir maa Hajara?

   Sarrah bigat mara kabiire wa ma tagdar talga sakhir (5:1). Al aade hana wakit da banti fursa le mara achan hi talga sakhir be tarikhat khadimitaha.

2. Chunu usum hana waleed al wildata Hajara?

   Ibrahim samma waleed al Hajara wildata leya da Ismaiil (5:2).

3. Chunu al Allah gaala le Ibrahim yi sawi le yi wassif leya wa’ad al hu sawa ma’aya?

   Al ichaara hana alakha al Allah sawaha maa Ibrahim da, Allah gaal le Ibrahim kadar yi tahir kullu dukura al ga’idiin fi beeta (5:3).

4. Yatu al yi kun waleed hanal wa’ad?

   Sarrah ti jiib waleed le Ibrahim. Yi sammu Isaakha. Hu bas yi kun waleed hanal wa’ad (5:4).

5. Chunu maana hana asame al judad al Allah anta le Ibrahim wa Sarrah?

   Isim Ibrahim da maanata abu al mu’miniin, wa isim Sarrah da maanata malikka (5:4).

6. Wakit wildo Isaakha da Ibrahim wa Sarrah induhum kam siniin?

   Ibrahim umura miya sa (100 sana) wa Sarrah umuraha tis’in sana (90 sana) (5:5).

7. Chunu chey al Allah ammara le Ibrahim achan yi sawi le waleeda Isaakha?

   Allah gaal le Ibrahim kadar hu yi gaddim waleeda Isaakha dahiye (5:6).

8. Fi ween Ibrahim gaal le Isaakha kadar hu yalga kabich hana dahiye?

   Ibrahim gaal le Isaakha kadar Allah bas yafta lena be kabich al ni gaddumu dahiye (5:7).

9. Hal sahi ke Allah yi door Ibrahim yi gaddim waleeda Isaakha dahiye?

   La, Allah gaal le Ibrahim khalli ma yaktula Isaakha. Allah yi door bas yi jarrib Ibrahim le yi chiifa hal yi karima wala la. Allah anta kabich le yi gaddima sadakha fi badal Isaakha (5:8, 5:9).

10. Mala Allah gaal kadar hu yi barik Ibrahim?

    Allah gaal kadar yi barik Ibrahim achan Ibrahim wassaf kadar hu yagdar yanti le Allah ayyi chey hatta waleeda al wahid (5:10).

Al gissa di maanataha lena chunu?

1. Hal sahi ke Sarrah gaalat le Ibrahim khalli yalga sakhir maa khadimitaha Hajara?

   Al aade hana wakit da banti fursa le Sarrah talga sakhir be tarikhat khadimitaha. Lakin, ankun hi sawata ke da achan hi ma amanat kadar Allah yagdar yantiha sakhir min Ibrahim fi wakit al humma chayabo.

2. Mala bi nadu Isaakha waleed hanal wa’ad?

   Isaakha kaan waleed hanal wa’ad achan Allah yi door yi tamim wa’ada al hu sawa le yi barik kullu gabayil fi chana. Low kan Ismaiil zata waleed hana Ibrahim, Allah dawar yi barik zurriya hana Ibrahim be Isaakha wa ma be tarikhat Ismaiil (5:4).

3. Mala Allah anta asame judad le Ibrahim wa Sarrah?

   Fi ahad al gadim, yantu isim le nadum le achan yi wassif bakana fil mustama be khidime al ga’idiin bi sawu. Allah anta le Ibrahim wa Sarrah asame judad da le yi wassif kadar humma yabgo zurriya kabiire wa yi jiib lehum al charaf.

4. Mala Allah jarrab Ibrahim be kadar yi gaddim leya Isaakha dahiye?

   Allah jarrab Ibrahim le yi wassif kadar Ibrahim yi karima, hatta low kaan Allah sa’ala chunu kulu hu yi sawi. Hu mukhassid le yi gaddim waleeda Isaakha dahiye, hu al waleed al Allah wa’ada beya.

5. Mala Ibrahim mujahiz le yi gaddim waleeda dahiye misil Allah ammara?

   Ayye, Ibrahim jahiz le yi karim kullu chey al Allah ammara. Hu garrab le yadbah Isaakha wakit Allah gaal dara le yi sawi (5:8).

6. Mala Allah anta kabich le dahiye?

   Ibrahim gaal le Isaakha Allah ga’id bi jiib lena kabich le ni gaddumu dahiye. Lakin fi wakit al da, Allah anta leya kabich badal Isaakha (5:9). Ibrahim ga’id bi hajji fi gaddimin hana dahiye fi mustakhbal wakit al Allah yantihum kabich tamam.

7. Mala Allah Isaakha waleed al wahid hana Ibrahim?

   Ismaiil kulu waleed hana Ibrahim. Lakin Isaakha bas waleed hana wa’ad al Allah dawar yi barika. Isaakha bas waleed al Allah azala le yahfiz wa’ada.

Zibdet al kalam

Wakit Ibrahim wa Sarrah bigo chuyab, humma lissahum ma ligo waleed be wa’ad al Allah sawa lehum da kulu. Khalas, Sarrah gaalat le Ibrahim khalli yalda sakhir maa khadimitaha. Waleed wahid, Ismaiil, da bas al Hajara wildata le Ibrahim, lakin Allah ma yi door yi tamim ahada ma Ibrahim be tarikhat Ismaiil. Baad da, Allah anta fursa le Sarrah achan hi talda Isaakha baad al humma chayabo. Hu bas « waleed hanal wa’ad ». Allah jarrab Ibrahim le yi chiif hal hu yagdar yi karima wa yadbah leya Isaakha. Wakit al Ibrahim wassaf kadar hu jahiz le achan yi sawi chey da, Allah dara wa anta kabich le yi gaddima dahiye. Achan Ibrahim karama da, Allah wa’ad kadar hu yi barik dunia kullu be tarikhat usra hana Ibrahim.