2. Al zunub dakhal fi dunia

Al gissa di ti guul chunu?

1. Chunu al mafi fil jinene al Adam wa hawa yi dooru?

   Adam wa Hawa induhum kulu chey al yi dooru fi jinene. Mafi eeb wala zunub. Wa humma ga’idiin bi rukhu wa bi hajju ma Allah (2:1)

2. Kikef al dabi gidir khachaah le mara akalat min fawakhi hana chajarat al maarifat al kher wal cheer?

   Al dabi saal chunu al Allah gaala gubal (2:2). Tawali kadab Allah (2:4). Fi nihaya, gaal le mara tabge misil Allah (2:4).

3. Mala al mara akalat al fawakhi?

   Hawa chafat al fawakhi da chakila seme, wa hi dawarat talga hikma misil Allah. Khalas hi karrarat le ti khalif kalam Allah wa taakul al fawakhi.

4. Baad akalo al fawakhi chunu al Adam wa Hawa sawo?

   Kullu al itneen khijilo wa yi dooru yasturu irrituhum be warchal. Baad da humma fattacho le yi labudu min Allah (2:6, 2:7).

5. Adam radda chunu wakit Allah sa’ala hal inta akal min al fawakhi?

   Adam ma khasad kadar hu khiti. Baad da, hu tahama le marta.

6. Hawa raddat chunu wakit Allah sa’alaha fi chey al hi sawata?

   Hawa ma khasadat kadar hi khitat. Baad da hi tahamat al dabi.

7. Al dabi yi sawi chunu le zurriyat Hawa, wa zurriya hana Hawa yi sawu chunu le dabi?

   Al zurriya hana Hawa yaktulu al dabi wa yarhako rasa. Al dabi yi addi le zurriya hana hawa min kaba.

8. Allah sawa chunu le yastur Adam wa Hawa?

   Allah satarahum be farwa hana haywanat. Katiir min al ulama fakkaro kadar da dahiye bal awal. Allah katal haywanat wa chaal farwituhum le yastur Adam wa Hawa.

9. Allah dawar yi guul chunu fi wakit al hu gaal jisid hana Adam yi gabbil fi turab?

   Allah khalag Adam min al turab (1:10). Wakit Adam yi mut, hu yi gabbil fi turab.

10. Mala Allah tarad Adam wa Hawa min al jinene?

    Allah ma dawar kadar humma yaakulu battan min chajarat al haya al fi jinene wa yi ichu dayman misil muznubiin.

Al gissa di maanata lena chunu?

1. Kikef al dabi gidir khacha Hawa le taakul min al fuwakhi?

   Awal ke da, al dabi ma gaal le Hawa ti khalif ammur hana Allah. Lakin bas hu saal Hawa as’ila al lazoha le ti fakir fi fakiha al akhara al Allah gaal ma yaakulu minna. Khalas al dabi gidir khachaha wa gaal Allah ma sawa chokhol seme wakit hu gaal ma taakulu al fakiha.

2. Mala ti fakkuru kadar Hawa nisiyat kulu chey al Allah antaha, wa hi hammat bas fi fakiha al Allah gaal ma taakul?

   Dayman, al nas ma bi dooru bi gulu lehum ma yi sawu chey al bi dooru. Humma bi dooru bi sawu chey al galibhum bi doora bas. Hawa ma gay ti him fi kalam hana Allah al gaal ma taakul al fakiha, wala kadar Allah gaal leha ma taakuli le achan ti hafiza.

3. Mala ti fakkuru kadar Adam wa Hawa sataro irrituhum min al eeb wa labbado min Allah?

   Wakit humma khalafo ammur hana Allah min akalo al fakiha, humma bigo maznubiin. Wa eeb sawahum bilhain lahaddi ma bi dooru Allah yi chifhum.

4. Kikef Adam wa Hawa raddo le Allah wakit al hu sa’alahum fi chey al humma sawo?

   Adam wa Hawa khatta kalam le nadum akhar fi chey al humma sawo. Adam taham Hawa, wa Hawa tahamat al dabi. Wahid minhum kulu ma gidir hajja sahi le Allah fi chey al humma sawo.

5. Kikef al la’iniin al chabba fi hasab Adam, Hawa wa dabi wakit al humma isso Allah?

   Adam akal al fakiha, khalas Allah sawa akila biga low gasi. Hawa lazzata Adam fi khata, khalas Allah anta le Adam sulta foog Hawa. Al dabi kalam misil hu bas inda hikma ziada min Allah, khalas Allah le dabi yi rukh be batuna.

6. Mala kan hawan le Adam wa Hawa ya’arfu al kher wal cheer?

   Al dabi akkad le Hawa kadar hi tabga misil Allah kan akalat min al fawakhi (2:4). Hu yi door Hawa ti fakir kadar maarifat al cheer da ti kun leha adil. Lakin wakit akalo al fawakhi, humma irifo kadar akilin al fawakhi da amal charir. Achan Adam wa Hawa humma ma chaririin, Allah ma samah lehum yaakulu min chajarat al haya achan ma yi ichu maznubiin (2:12)

Zibdet al kalam

Allah waffar le Adam wa Hawa kulu chey al humma dawaro. Al fawakhi hana chajarat al maarifa hanal kher wal cheer kan chey al wahid al Allah daharahum minna. Al dabi chacha Hawa wa akkad kadar Allah ma yi door kadar humma yabgo hakimiin, achan da hu gaal lehum ma taakulu min al fawakhi. Wa be ke da Hawa wa Adam khalafo wa isso kalam Allah. Tawali humma khijilo wa labbodo min Allah. Allah la’ana Adam, Hawa wal dabi achan al chey al sawa. Khalas Allah taradahum min al jinene achan humma ma bi ichu fooga maznubiin. Lakin wa’ada le Adam kadar wahid min zurriyat al mara yeji baadeen yaktul al dabi.