23. Al waluda hanal Masih

Al gissa di ti guul chunu?

1. Mala Yusuf kharar le yi talig Mariam be achir?

   Mariam kaanat khalbane wa Yusuf ya’arif kadar al sakhir da ma hagga. Baad da, hu kharar le yi taligaha. Lakin, hu chal niye le yi hinnaha wa ma dawar yi ayibaha. Khalas, hu dawar yi taligaha be achir (23:1).

2. Al malak oora le Yusuf kikef Mariam bigat khalbane. Kikef hu oora chey al kan?

   Al malak gaal le Yusuf kadar Ruh al Khudus khatta sakhir da fi batun Mariam (23:2).

3. Usum “Isa” da maanata chunu?

   Isim da maanata “Allah yi najji” (23:2).

4. Fi muddat kam wakit Mariam ga’ide ma chafat rajil?

   Yusuf ma ragat ma’aha lahaddi baad waluditaha gabul (23:3).

5. Mala Yusuf wa Mariam bigo muhtajiin le yamchu fi Bathlaham?

   Achan jidduhum, al malik Daud, wildo fi madinat al khudus. masa’il al romaniin gaalo le kullu nas achan yi gabbulu fi dar abbahatuhum. Achan da, Yusuf wa Mariam macho fi Bathlaham (23:4).

6. Yatu gaal lel ru’uyan kadar wildo al Masih?

   Malak wahid gaal lel ru’uyan kadar wildo al Masih. Baad da, mala’ika akhariin katiir zaharo battan lel ru’uyan, ga’idiin yachkuru Allah fi chey al hu sawa (23:6), (23:7).

7. Chunu al ru’uyan sawo baad al malak kalamahum fil Masih?

   Al ru’uyan dol macho fi Bathlaham wa ligo al sakhir ragid fi chaaya, misil al malak oorahum (23:8).

8. Mala nas joo min cherig le yi chufu al sakhir?

   Achan humma chaafo fi nujum najma wahida ajiiba fi sama. Khalas irifo kadar wildo malik hanal yahuud. Baad da, humma joo le yi chufu (23:9).

9. Chunu al munajimiin sawo fi wakit chafo al sakhir da?

   Humma sajjado leya wa abado, wa anto hadaya al khaliin bilhain (23:10).

Al gissa di maanataha lena chunu?

1. Yusuf chaaf kadar Mariam bigat kalbane wa irif kadar al sakhir da ma hagga. Fi fikirku mala hu kharar le yi hinna le Mariam?

   Yusuf fakkar kadar Mariam bigat khalbane achan hi kha’ine wa machat ragadat maa rajil akhar. Ankun Yusuf kaan zaalan min Mariam wa dawar yi akhibaha. Hu kaan rajil adil wa ma dayir yakhud mara al zannaya, lakin hu biga rajil zain wa ga’id yi hibb Mariam. Achan ke da, hu kharar le yi hinnaha badal min yi akhibaha.

2. Mariam ti hiss kikef fi wakit al nas simiyo kadar hi khalbane?

   Ankun Mariam zi’ilat wakit al nas simiyo kadar hi khalbane achan humma ma yi saddukhu kadar al sakhir da jayi min Ruh al Khudus. Al nas katto fi fikiruhum kadar hi mara zannaya. Hatta Yusuf fakkar kadar hi zannat wa hu ma dawar yaakhudaha. Lakin, Mariam ta’arfa kadar hi ga’ide ti tabikh kalam hana Allah wa ma chafat rajil. Hi ga’ide tarja be sabur le achan Allah yi guul le Yusuf kadar hi amine wa yagdar yaakhudaha.

3. Mala Yusuf ma ragat maa Mariam lahaddi baad waluda hanal sakhir?

   Allah gaal le yusuf kadar Mariam ma chafat rajil wa sakhir al fi batunaha da jayi min Ruh al Khudus. Ankun Yusuf ajjab bilhain kadar Ibn Allah yi kun fi batun Mariam, khalas hu ma lamasaha. Wala ankun hu dawar le yagdar yi wassif le kullu nas kadar sakhir hana Mariam da ma yi kun natija min abu al insaani. Achan da, hu ma ragat ma’aha lahaddi baad waluda hana Isa.

4. Be tarikha weenu bakan waluda hana Isa kaan farikh min bakan al ti fakkuru lazim yaldo Ibn Allah fooga?

   Jabaro Yusuf wa Mariam achan yi safuru le madina akhara al ba’ide be khalaba hana Mariam da kulu. Hi wildat Isa fi bakan al yi kuttu fooga bahaayim. Humma fagaraniin ma yagdaro yalgo beet al adil le yagodu fooga. Humma ma induhum nadum al garib lehum wala rafig ma’ahum. Yusuf wa Mariam karamo Allah wa thaa’o. Wa Isa kaan al Masih, Ibn Allah. Battan humma ligo suubat katiira gidamuhum. Lakin, Allah chaf lehum fi wakit da.

5. Chunu al Allah sawa le yi chajji Yusuf wa Mariam baad waluda hana Isa?

   GAllah arsal al ru’uyan achan yi hajju le Yusuf wa Mariam fil mala’ika al zaharo lehum. Wa battan hu arsal munajimiin al jaabo hadaya al khaliin bilhain wa abado Isa.

Zibdet al kalam

Al haya bigat saaba le Mariam fi wakit al hi bigat khalbane. Rufuganaha wa usrataha, wa hatta khatibaha ma saddakho kadar sakhir da jayi min Allah. Lakin, Allah sa’adaha gaal le Yusuf yakhudaha. Yusuf tabakh kalam Allah wa chalaha ma’aya wa ma lamasaha lahaddi baad waluda hana Isa. Yusuf wa Mariam ga’idiin weheeduhum wakit wildo Isa. Lakin, Allah arsal mala’ika hagga wal munajimiin le yafrahaho be waluda hagga.