28. Rajil al khani

Al gissa di ti guul chunu?

1. Chunu rajil al khani dawara min Isa kadar yi oori leya?

   Rajil al khani dawar min Isa kadar yi fassir leya kikef hu yagdar yadukhul fil haya al abadiya. Hu dawar yi ich maa Allah illal abad (28:1).

2. Kikef Isa radda fi wakit al rajil da nada al saleh?

   Isa sa’al al rajil da fi cheyb al hu dawar guula wakit al hu nada al saleeh. Isa ma khalla al rajil radda. Hu zakkara le rajil da kadar Allah wahid bas saleeh bel hagiga. Ankun Isa sa’al al rajil da hal hu ga’id yi fakkir kadar Isa bas Allah (28:1).

3. Chunu al Isa gaala le rajil da kadar hu yi sawi le achan yadukhul fil haya al abadiya?

   Isa gaal leya kadar yi tabikh chaariyat Allah le yadukhal fil haya al abadiya (28:1).

4. Fi mustawa al weenu al rajil da fakkar kadar hu tabakh chaariyat Allah?

   Al rajil da fakkar kadar hu da’iman tabakh chaariyat Allah bel kamil. Be ta’akid, nadum ma yagdar yi sawi. Lakin be sahi ke da, hu fakkar kadar hu sawa kullu chey al Allah dawara minna le yi sawi (28:3).

5. Chunu al Isa gaala le rajil achan yi khalli?

   Isa gaal le rajil da achan yi khalli kullu chey al inda (28:4).

6. Chunu al Isa gaala le rajil da yi sawi baad al hu yi khalli maala?

   Isa gaal le rajil da achan yeji yi taabi misil tilmiza (28:4).

7. Mala al rajil da gabbal za’alan?

   Al rajil da, gabbal za’alan achan hu inda maal katiir wa ma dawar yi khalli (28:5).

8. Be nizba le Isa, kikef al maal yagdar yi sidd derib hana janna le nadum?

   Isa gaal kadar gasi marawahid le siid al maal yadukhul fi malakut Allah (28:6).

9. Kan al talamiiz khallo kullu chey fi chan muhabbat Isa, kam marra yalgo ziada minna?

   Al talamiiz al ga’idiin yi khallu kullu chey le yi tabu Isa yalgo mukafa miya marra (100 marra) ziada minna (28:10).

Al gissa di maanataha lena chunu?

1. Mala al rajil sa’al kadar hu yi ti’ih le chaariya al weenu?

   Al rajil da ma fihim kadar lazim al nas yi tabukhu chaariyat Allah kullu. Allah yi chiif kadar anina ga’idiin na’aznubu kan ma tabakhna hatta wahida bas min al chaariyata. Al rajil da fakkar fikir al ma adil kadar ankun Allah yagbala kan hu tabakh wahidiin min al chaariyata Allah al muhimma bilhain.

2. Mala Isa hajja le rajil da fi chey yi al khuss nadum al kamil?

   Al rajil da fakkar fikir al ma adil kadar hu yagdar yi kun « saleeh bilhain » le yadukhul fil haya al abadiya. Isa dawar le hu ya’arif kadar hu ma yagdar yi kun kamil, da ma’anata hu yi kun bala zunub wahid kullu, le yadukhul fi haya al abadiya. Hu ma dawar yi dum al chaariyat Allah be kamil. Tarikha al wahida achan yi kun kamil da illa yi tabi Isa yi amin Isa bas yi najji min zunuba.

3. Kan al rajil da dawar yadukhul fi haya al abadiya da, mala hu ma dawar yi khalli maala?

   Isa wa’ad al rajil da kadar hu yalga mukafa kabiire fi sama kan hu taba. Lakin, al rajil da ma yagdar yi chiif wa yi lamis mukafa da min hassa. Lazim yi amin kadar Isa yanti al mukafa da. Lakin hu yagdar yi chiif wa yi lamis maal al inda fi dunia hassa. Bigi leya gasi bilhain le yi khalli maal al inda hassa le achan yalga chey al hu ma yagdar yi chiifa.

4. Mala al talamiiz zi’ilo bilhain fi wakit al simiyo kadar gasi bilhain le siid al maal yadukhul fi malakut Allah?

   Al nas al zaman da fakkaro kadar kan Allah ga’id yi hibb nadum da, hu yi sawi siid al maal. Kan nadum inda maal katiir, al nas yi fakkar Allah habba bilhain. Al talamiiz dol bigi lehum ma halu wakit simiyo kadar Allah ma yagbal illa nadum al siid al maal bas.

5. ata Isa yanti mukafa le talamiiza achan humma khallo ayyi chey fi chana?

   Isa ma gaal mata yanti mukafa le talamiiza. Hu yagdar yantihum achia hini fi dunia, lakin juzu al kabiire min mukafatuhum ti kun fi sama. Isa bayan le talamiiza kadar hu yantihum miya marra (100 mara) ziada min al humma khallo fi chana hini fi dunia. Baad min al nas yagdaro yi fakkuru kadar humma fagaraniin hini fi dunia, lakin Isa yantihum mukafa kabiire fi malakuta.

Zibdet al kalam

Al rajil al khani al jaa le Isa dawar be hagiga yadukhul fi haya al abadiya. Hu fakkar kadar hu ta’a Allah katiir achan yi gadir le yadukhul fil haya al abadiya. Isa habba, lakin hu irif battan kadar al rajil da yi hibb maala. Baad da, Isa jaraba wa gaal leya yi khalli maala wa yi tabi le achan yadukhul fil haya al abadiya. Lakin al chey za’ala rajil da bilhain. Al talamiiz istakharabo be kadar Isa ma gibil rajil al khani da. Lakin Isa fassar kadar hu yanti mukafa lel talamiiz al khallo maaluhum fi chana.