39. Isa gidam al mahkama

Al gissa di ti guul chunu?

1. Fi ween al assakir dol waddo Isa awal baad al humma karabo?

   Humma waddo fi beet hana kahin al kabiir (39:1).

2. Chunu al masa’il hana yahuud dol sawo le yi wassufu kadar Isa kaan khalfan?

   Humma jabo chuhud al kaddabiin wa humma kaddabo fi Isa. Lakin al chuhud dol ma kaano muwafigiin ambeenatuhum wa ma yagdaro yi wassufu kadar Isa da kaan khalfan fi ayyi chey kulu (39:2).

3. Chunu su’al al kabiir hana rujal al diin sa’ala le Isa wa kikef Isa radda leya?

   Kabiir hana rujal al diin sa’al hal Isa da kaan al Masih wa Ibn Allah al Hay. Isa gaal le kabiir hana rujal al diin kadar da hu bas ga’id da (39:3, 39:4).

4. Chunu al masa’il hana yahuud gaalo fi Isa wakit al hu gaal kadar hu bas kaan al Masih wa Ibn Allah?

   Humma kulluhum zi’ilo chadid wa sarakho kadar hu da wajiib leya katil. Khalas rabato uyuna, bazakho leya, jaalado wa chammato leya (39:5).

5. Chunu al Bitrus gaala wakit nas al ga’idiin barra min beet hana rajil kahin al kabiir gaalo kadar hu kaan maa Isa?

   Bitrus halaf wa gaal kadar hu ma ya’arfa Isa (39:7).

6. Chunu al Yahuza sawa baad karabo Isa?

   Yahuza hizin wa macha katal nafsa (39:8).

7. Su’al weenu Bilatus sa’ala le Isa?

   Bilatus sa’ala le Isa hal hu kaan malik hana yahuud (39:9).

8. Mala Isa gaal kadar khudama ma yi dawusu wa yi dafu leya?

   Malakut hana Isa ma fil ard, khudama ma dawaso fil ard hina le achan yi najju (39:10).

9. Chunu al Bilatus kharrara fi chey al bi wassif hal Isa khalfan?

   Bilatus kharrar kadar Isa ma inda ayyi jerime wa oora kharrar da talata marra le jamaa al ga’idiin (39:11).

10. Mala Bilatus gaal lel assakir yi salubu Isa?

    Bilatus khaaf le achan al nas yabdo yi zahu. Hu ammara le assakir a yi salubu Isa le achan yi farrih al nas al katiriin. Khalas, humma jalado Isa wa jahazo le yaktulu (39:12).

Al gissa di maanataha lena chunu?

1. Chunu kaanat al jerime al wahida rajil diin al kabiir ligiaha did Isa al Masih?

   Isa ma sawa ayyi khata, lahaddi rajil diin al kabiir ma gidir yalga chuhud le yachhado didda. Akhiran, hu taham Isa be kawna jaal nafsa al Masih wa Ibn Allah. Isa kaan Ibn Allah bel hagiga, hu jaal nafsa sakit. Hu kaan bari, lakin rajil diin al kabiir ma dawar yi saddikha. Achan ke da, kullu majmu’a hana chuyukh al diin hakamo Isa.

2. Kikef nakirin hana Bitrus le Isa al Masih da yanti chajaa lel masihiin?

   Bitrus kaan wahid min talamiiz al geribiin ziada maa Isa al Masih. Hu kaan mu’min tamam bel Masih Isa wa biga kha’id fil kanisa. Lakin, hatta Bitrus nikir Isa al Masih wakit al nas tahamo. Mafi mu’min kamil. Al Masih ya’arfa kadar anina ma da’iman ni sawu chey al adil. Misil al Isa habba Bitrus hatta be khata hagga, al masihiin ya’arfu kadar Isa yi samihum wakit al humma yi tubu min zunubuhum.

3. Fi fikirku mala Allah khalla Isa le nas yi tahumu wa yi hakumu?

   Allah ya’arfa kadar al nas yi sawu al cheer wa be sabab da, humma bi sawu muradata. Isa al Masih lazim yi mut le achan Allah yagdar yi sami lel muznibiin. Achan ke da Allah khalla chuyukh al diin wal rumaniin yi tahumu Isa hatta wakit al humma ya’arfu kadar Isa ma inda jerime. Amal al cheer wa hawan ma yadaro Allah le yi tamim khitata wala muradata.

Zibdet al kalam

Fi wakit al karabo Isa wa hakamo, kullu nas al wajiib yi daafu chagalabo fooga wa kalamo didda. Chuyukh al diin raffado al Masih al Allah rassala. Bitrus nikir kadar hu ya’arfa Isa. Wa Bilatus ammara assakira le yi salubu Isa hatta kan hu ya’arfa kadar Isa al Masih ma inda jerime. Lakin Allah khalla al achia al fasiliin dol kulluhum ke hissilo le achan yi tamam khitata. Hu dawar kadar Isa yi mut le achan yanti fursa le Allah achan yakhfir lel muznibiin. Wa Isa kaan jahiz le yi mut achan yi tamim khutat Allah.