16. Al bi najju al nas

Al gissa di ti guul chunu?

1. Kikef al israiiliin khalafo Allah?

   Humma ma tabakho chaariyata wa ma tarado al kananiin al fadolo fi balaad da. Be nahya akhara, humma bado ya’abudu al asnaam hanal kananiin dol (16:1).

2. Nafar haya al weenu al israiiliin ga’idiin yi ichu fooga da’iman?

   Humma ga’idiin yi khalufu le Allah, khalas hu ga’id yi akhibuhum wa yi khalli al aadahum yi nassuru fooguhum. Wakit al israiiliin ga’idiin yi tubu, Allah yi rassil lehum nadum wahid le yi najjihum (16:2).

3. Mala Gideonga’id yi dug al geme fi bakan al mulabat?

   Hu ga’id kadar al madianiin yalgo geme hagga da wa yasurgu minna (16:5).

4. Chunu kaan awal chey al Allah gaal le Gideon yi sawi?

   Allah gaal le Gideon khalli yi dammir al madbah al abu ga’id ya’abud al sanam fooga (16:6).

5. Chunu al alamat al itneen al Allah antahum le Gideon le yi wassif kadar hu yi nassir fil madianiin?

   Allah gaal kadar al farwa hana khanam yamballa be nada, wa turab al fi jamba yagod yabis. Lakin fi leel al tani da, Allah sawa al farwa hana khanam di ga’ide yabsa wa turab al fi jamba amballa (16:9).

6. Chunu al Allah sawa wakit al rujal itneen wa talatin alif (32 000) joo le yi dawussu fi nus hanal israiiliin?

   Allah gaal le Gideon khalli yi gabila katiir minnuhum fil buyutuhum. Hu khalla illa tultumia (300) nafar bas (16:10).

7. Kikef rujal al tultumia hana Gideon dol hajjamo al madianiin?

   Humma dasso al kaniit fi burma hana tine. Baad da, humma kassaro al buram kulluhum fi nafs al wakit le yi fajjir al nur zaha wa nafakho al gurun (16:12, 16:13).

8. Kikef Allah sa’ad Gideon le yi hajjim al madianiin?

   Allah barjal al madianiin lahaddi humma hajjamo ambeenatuhum wa katalo nufusuhum (16:14).

9. Chunu al nas sawo be khalag khas al Gideon sanaa min al dahab?

   Al nas bado ya’abudu khalag da misil al sanam (16:16).

10. Mala al nas dol talabo min Allah le yantihum malik wahid?

    Humma dawaro malik wahid kabiir wa gawi, al gadir le khuud al nas fil harib ma’al aadahum (16:18).

Al gissa di maanataha lena chunu?

1. Kullu al israiiliin sawa humma ga’idiin yi fakkuru kadar adil lehum. Hal da maanata kadar humma ti’o le Allah?

   Al israiiliin ma fakkaro le Allah be adil. Achan ke da, humma fakkaro kadar da chey adil le ya’abudu al asnaam, hatta kan Allah gaal kadar ya’abudu illa hu weheeda bas. Be tarikha di, humma khalafo Allah.

2. Kam marra Allah rassal nadum wahid al bi najji al israiiliin wakit al humma tabo min zunubuhum?

   Ayyi wakit al israiiliin ga’idiin yi tubu min zunubuhum wa yatlubu min Allah le yi sa’iduhum, hu yi rassil nadum wahid le yi najjihum. Da hassal katiir marrat.

3. Mala chey da chal zaman katiir lel israiiliin achan yatlubu min Allah le yi najjihum min al madianiin?

   Al madianiin chalo kullu al ma’ach hana israiiliin muddat sabaa sana. Fil akhir, humma sarakho le Allah achan yi najjihum. Ankun humma nissiyo kadar hu yi najjihum. Wala humma sa’alo lel asnaamuhum dol yi najjuhum le muddat sabaa sana da gubal ma yi chulu niye le yatlubu musa’ada hana Allah.

4. Kikef Gideon wassaf nafsa kadar hu ma gadir?

   Wakit hu ga’id yi dug al geme da, Gideon labbat min al madianiin. Hu kassar al madbah hana abu fi leel achan hu ga’id yakaf min al nas. Hatta Allah wassaf leya itneen alama le achan yi hajjim al madianiin. Wa Allah rassala fi bakan ma’askara hanal madianiin le yasmaa askar wahid ga’id yi hajji fi hilim al hu ligia le achan Gideon battan ma yakaf. Be da kulu, Allah istakhdama le yi najji Israiil.

5. Mala Allah jabar Gideon le yaturud kullu al assakir fi buyutuhum, illa al tultumia dol?

   Allah dawar ayyi nadum ya’arif kadar hu bas nassar fil madianiin be musaada al antaha lel israiiliin. Hu ma dawar humma yi fakkuru kadar da guduratuhum halaluhum bas najjatuhum. Fi chan da bas, hu ma dawar kadar Gideon yi hajjim maa assakir katiir.

6. Hal al chaab ihtarafo be kadar Allah rassal nas le yi najjuhum min aadahum?

   Al nas dol ma kaano farhaniin be kadar Allah rassal lehum nas al bi najjuhum bas. Badal ke da, humma dawaro malik wahid misil kullu ummam al akhariin.

Zibdet al kalam

Allah wal chaab ma khayaro. Al israiiliin da’iman ma ti’o le Allah wa ga’idiin ya’abudu al asnaam da’iman. Wa Allah da’iman azzabahum wakit al humma aznabo wa najjahum wakit al humma tabo min zunubuhum. Allah sa’ad Gideon chedid le yi najjihum min al madianiin. Lakin baad da, humma bado ya’abudu al asnaam min jedid. Humma ma ti’o le Allah wa ma dawaro kadar Allah bas yi kun malikuhum. Khalas, fi nihaya humma talabo le Allah be kadar yantihum malik wahid le achan humma yi kunu misil ummam akhariin al ga’idiin ya’abudu al asnaam.