50. Isa yanzil min sama

Al gissa di ti guul chunu?

1. Be nizba le Isa, mata al kumala hana dunia teji?

   Hu gaal kadar talamiiza yi bachuru khabar seme hana malakut Allah le nas kullu chaab hana duania, badeen al kumala teji (50:2).

2. Hal al khudam hana Isa, yi rahissuhum adil fi dunia?

   La, Isa gaal kadar nas al ma’arufiin al fi dunia dol yi ta’ibuhum wa yaktuluhum fi chana (50:3).

3. Chunu al adu sawa fi zeere al rajil wahid tarab fooga terab al adil?

   Adu hagga jaa tarab terab al hawan achan yi talif al zeere da (50:5).

4. Wakit al kimala hana dunia teji, chunu al mala’ika hana Allah yi sawu le kullu nas al bigo hana cheytan wa ma hana Allah?

   Mala’ika hagga yi lummu nas al bigo hana cheytan wa yi dussuhum fi nar al hami chedid fi bakan al yataabo bilhain (50:10).

5. Wakit al kumala hana dunia teji, chunu al yahassal lel nas al salihiin wa al tabo Allah?

   Humma yi raru misil al chamis fi malakut Allah abuhum (50:10).

6. Wakit al yanzil, chunu al yahassal le ayyi masihi al mat?

   Humma yi ba’usu min al maytin wa yi lummu maa Isa fi sama (50:11).

7. Chunu al Isa yanti le kullu nas al amano beya?

   Hu yantihum al taaj, wa humma yamluku maa Allah illal abad wa yalgo salama al kamila (50:13).

8. Fi ween Allah yi dis kullu nas al ma amano be Isa?

   Hu yi dissuhum fi nar al jahannam, fi bakan al humma yatabo lel abad wa yantacho da’iman fi nar al abadan ma yi mut (50:14).

9. Chunu al yahassal le cheytan wakit al Isa yanzil?

   Isa yi dammira cheytan be mamlakata wa yi dissa fi nar al jahannam fi bakan al hu yintacha lel abad (50:15).

10. Chunu al yahassal le ard al di fi wakit al Isa yanzil?

    Allah yi dammir al sama wal ard al haliyan wa yakhlig sama jedid wa ard jedida al yi kunu tamamiin.

Al gissa di maanataha lena chunu?

1. Hal battan anina ni chulu ham achan Isa ma gabbal fil ard min muddat takhriban urbumia sana?

   La, anina lazim ma ni chulu ham. Isa wa’ad kadar hu yi gabbil fi kumala hana dunia wa yahfiz wa’ada.

2. Chunu al lazim masihiin yi sawu wakit al humma ga’idiin yarjo gabbilin hana Isa?

   Anina lazim ni ichu be haal al saleeh al yi charif Isa wa yi hajji fi malakuta le nas al akhariin.

3. Chunu Isa al masih dawar yi guula wakit al hu gaal: « al zuraa nijido khalas lel gaatan »?

   Hu dawar yi guul kadar fi ayyi wakit, nas katiriin fi dunia ga’idiin jahiziin le yi amunu be Isa.

4. Hal lazim ni khallu al izzab yadarana le ni hajji fi Isa lel nas?

   La, al nas katalo Isa, wa hu gaal kadar humma battan yi azzubu wa yaktulu khudama. Isa dayir minnina kadar nabgo aminiin misil hu kaan amin le Allah.

5. Mala al fasaala maliyane fi dunia?

   Achan Isa gaal kadar al cheytan khatta nas al fasiliin fi dunia, sawa-sawa misil al adul yi tarib al terab al hawan fi zeere hana nadum wahid. Al nas dol yakuburu ma’al mu’miniin, lakin al mala’ika hana Allah yeju yi faruguhum fi yom hana charia.

6. Mala Isa yantina al taaj?

   Hu yanti al taaj le kullu nas al amano beya misil ichara al yi wassif kadar yahkumu ma’aya lel abad. Chey da lazim yi chajjina fi haya al di.

7. Hal Allah da’iman yanti fursa le achan al cheer wa cheytan yi kunu fi dunia?

   La, Allah yazgul cheytan wa ayyi nadum khabis fi jahannam bakan alhumma yataabo lel abad. Hu yi dammir hatta al ard al zunub makhlug foogaha wa yi khalig sama jedid wa ard jedida al yi kunu tamamiin. Fi bakan da bas al mu’miniin yi ichu da’iman maa Allah.

Zibdet al kalam

Chey da kaan takhriban alfeen (2000) sana wakit Isa macha fi sama, lakin hu yi gabbil misil hu oora. Hu ga’id yarja kadar ni jubu al gaatan be hije al fooga le nas hana dunia. Wahidiin yi amunu be Isa, lakin katiriin ma yi amunu beya wa yi tayubu hatta, khudama. Lakin wakit yeji, Isa yi gabbil le yahkim nas al ma amano beya wa yi dissuhum fi nar al jahannam illal abad. Lakin, hu yabini sama jedid wa ard jedida fi bakan al hu yahkim lel abad maa kullu nas al amano beya. Anina ni kunu ma’aya be salama al kamila illal abad.