44. Bitrus wa Yuhanna chaffo al maadur
Al gissa di ti guul chunu?
-
Mala rajil al maadur da kaan ga’id fi baab hanal haykal?
Hu ga’id bas’al sadakha min al nas al jayin fi haykal (44:1).
-
Chunu al Bitrus anta le rajil al maadur badal gurus?
Bitrus gaal khalli yi gum wa yi rukh be usum Isa (44:2).
-
Be nizba le Bitrus, gudura al weenu chaffat rajil al maadur da?
Bitrus gaal kadar rajil al maadur da ma liga afe be gudura hana Bitrus wa Yuhanna, lakin be gudurat Isa (44:4).
-
Chunu al Bitrus gaala kadar wajiib al nas yi sawu?
Hu gaal lehum khalli yi tubu min zunubuhum wa yi gabbulu le Allah le achan Allah yamsah zunubuhum (44:5).
-
Kam adat hana mu’miniin kaano fi madinat al khudus baad bichara hana Bitrus?
Al adat hanal mu’miniin zaad lahaddi takhriban khamsa alif (5000) nafar (44:6).
-
Chunu al masa’il hana yahuud sawo le Bitrus wa Yuhanna baad al humma chaffo al rajil da?
Al masa’il dol wagafohum wa waddohum gidam kahin al kabiir wa khiadad al akhariin (44:7).
-
Be nizba le Bitrus, chunu al tarikha al wahida le nadum yanja?
Bitrus gaal kadar mafi tarikha akhara al nadum yanja beha illa gudurat Isa al Masih (44:8).
-
Mala al chuyukh al yahuud ajabo bilhain kadar Bitrus wa Yuhanna ga’idiin yi hajju maa ta’akid al kabiir?
Bitrus wa Yuhanna kaano rujal aadiin wa ma garo. Humma wajiib ma yagdaro yi hajju be khuwa misil da (44:9).
-
Chunu al masa’il dol gaalo le Bitrus wa Yuhanna gubal ma yi khalluhum yamchu?
Al masa’il dol gaalo lehum yi akhubuhum kan humma battan yi bachuru be Isa lel chaab (44:9).
Al gissa di maanataha lena chunu?
-
Chunu al rajil al maadur da wajiib yi sawi le yalga afe?
Ankun rajil al maadur gidir yi sawi chey le yachfi. Anina ma na’arfu zata kan hu aman be Isa awal wala la. Lakin Bitrus aman kadar Isa yachfi al rajil da, wa Allah chaffa be sabab imana wa abadan ma be sabab iman hanal rajil da.
-
Kikef al chiffa hana rajil al maadur da hassalat?
Rajil al maadur da tawali wa hadir ke bas liga afe. Fi dagiga al uwla, hu ma yagdar yagif be tula wa fi dagiga al tania, hu khalas yagdar yi rukh wa yi natit. Al takhayir da kaan ajiib le nas kullu lahaddi humma al chafo dol bigo bilhain farhaniin wa gibilo bicharat Bitrus.
-
Min yatu jaat khuwa al chaffat rajil al maadur da?
Bitrus chal mas’uliye wa gaal le nas kadar khuwa al tachfi rajil da ma jaye minna wala min Yuhanna. Bel aks, Isa chaffa al rajil achan Bitrus wa Yuhanna amano be Isa. Bitrus wa Yuhanna kaano mutuwadiin bilhain be tarikha al Allah istakhdamahum.
-
Mala Bitrus gaal le jamaa kadar humma katalo Isa?
Al nas ma yagdaro yanjo kan humma ma tabo min zunubuhum. Achan ke da, Bitrus fassara lehum kadar humma aznabo wakit nikiro Isa. Humma ma katalo Isa be nafsuhum, lakin humma dawaro kadar Bilatus yaktula, wa humma kaan mas’uliin hana moota. Humma kaano muhtajiin le yi’tarufu be zunubuhum le achan Allah yi najjihum, khalas Bitrus kaf le guul lehum kadar humma wajiib yi dawussu zunubuhum.
-
Hal iman be Isa wahid min halal al katiir al yi charif Allah?
Bitrus gaal al sahi le chuyukh al diin kadar mafi halal akhar le tanja illa ti amin be Isa. Al amal hanal chuyukh al diin ma bi najji. Mafi ilah akhar al yagdar yi najjihum. Illa Isa weheeda bas al halal.
-
Chunu chuyukh al diin kharraro hasab al sahi al Bitrus wa Yuhanna hajjo be ta’akid al da?
Chuyukh al diin fihimo kadar humma hajjo be ta’akid achan humma kaano maa Isa. Be ilim al ma induhum wa achan ma induhum makatib fi ussut al chaab da ma muhim. Humma tabo Isa wa allomo minna. Achan ke da, humma gidiro yi hajju be ta’akid wa tafsil be usuma.
Zibdet al kalam
Isa talaa fi sama, lakin hu da’iman ga’id yanti al khuwa le talamiiza le achan humma yagdaro yakhadumu fi dunia. Isa chaffa rajil al maadur be khuwa kabiire be wasta hana Bitrus le achan nas katiir yi chufu wa yi amunu be bicharat Bitrus. Isa zata anta fursa le Bitrus wa Yuhanna achan yi hajju be ta’akid lel kubarat hanal yahuud wa ma min machakiluhum. Khalas, humma istamaro be tabchir hana rissalat Isa le kullu nas be khuwa kabiire wal kanisa hana madinat al khudus ga’ide ti ziid da’iman.