9. Allah naada Musa

Al gissa di ti guul chunu?

1. Mala al massiriin sawo al israiiliin abiid lehum?

   Humma khafo min al israiiliin achan humma bigo katiir bilhain (9:2).

2. Chunu al Allah sawa lel israiiliin fi wakit al humma abiid fi Massir?

   Allah barakahum battan wa humma wildo iyal katiir (9:3).

3. Kikef Farahun fatach le yi wagif al israiiliin achan ma yabgo usra kabiire?

   Farahun ammar le chaaba be katil hana kullu iyal israiiliin al dukura (9:4).

4. Mala mara israiiliye wahide dassata waladaha al sakhayar fil kachakay fi kachum bahar?

   Hi ma dawarat kadar yaktulu sakhiraha. Khalas hi mu’amine kadar ankun nadum yalga fi rass almi fi lubbal kachakay wa yi door yanja (9:6).

5. Yatu al bineye hana Farahun jabata le ti raddi waleed al sakhayar?

   Bineye hana Farahun chalat am al sakhir ti raddi, lakin hi ma ta’arfa kadar al mara di bas am al waleed (9:7).

6. Mala Musa katal al massiri?

   Hu fatach le yi najji israiili al massiri da ga’id yi dugga (9:8, 9:9).

7. Kikef Allah baan le Musa?

   Allah baan le Musa fi lubbal chedara al walla nar lakin ma ga’id yaharikh (9:12).

8. Mala Allah rassal Musa lel israiiliin?

   Allah gaal le Musa achan yamchi yi murga al israiiliin min ubudiye al fi Massir wa yi waddihum fi balaad hana Kanaa (9:13).

9. Chunu al Allah gaala le yi oori usuma?

   Allah gaal le Musa kadar usuma ANA HU AL GA’ID wala ANA AL GA’ID (9:14).

10. Mala Allah rassal Harun le yi awin Musa?

    Achan Musa gaal kadar hu ma ga’id yi hajji adil, khalas Allah rassal leya akhu Harun le achan yi sa’ida (9:15).

Al gissa di maanataha lena chunu?

1. Allah bas rassal al israiiliin fi Massir. Wa mala humma ti’ibo hinak?

   Allah rassal al israiiliin fi Massir achan yi najjihum min al juu (8:12). Lakin baaden al massiriin bado yi tayubuhum wa abadohum. Lakin Allah da’iman barakahum hatta fi wakit taabuhum fil Massir.

2. Mala al walideen hana Musa khalafo kharar hana Farahun al ammar be katil hana kullu awlad al israiiliin?

   Al walideen hana Musa dol ya’arfu kadar katil hana sakhiruhum da chey al hawan. Khalas abo ma yi tabukhu kalam hanal Farahun. Humma labbado Musa le mudda tawiila, wa khatto fil chokhol wahid misil al kachakay wa lazzo fil bahar achan yanja. Be ke da, humma anto le Musa fursa achan yi najji al israiiliin min al ubudiye fil Massir.

3. Be kikef am Musa gidirat ti rabbi?

   Allah anta fursa le bineye hana Farahun achan hi talga Musa wa ti chila misil wileedaha. Badeen, Allah khallaha hi chalat am Musa zata bas le ti fakkir fooga wa ti raddi. Be tarikha al di, Allah barak am Musa di achan hi abbat ma tabakhat kharar hana Farahun wa sawat chey al wajiib.

4. Chunu al kaan le Musa wakit al hu fatach le yi najji nadum wahid al israiili da?

   Musa katal rajil massiri wahid le yi najji al israiili. Lakin baaden hu jara min Massir achan Farahun ma yaktula. Wakit al Musa yagdar yi sa’id fooga al israiiliin dol da lissa ma jaa. Wa Allah ma yi door kadar Musa yi najjihum be gudurta halalta. Fi badal da, Allah rassal Musa fi sahara yamman yabga jahiz achan yi rassila le yi najji al israiiliin.

5. Chunu al Allah gaal le Musafi chey al yi khuss usuma?

   Allah gaal usuma Yahwah da maanata ANA HU AL GA’ID. kalam da maanata gaal Allah ga’id da’iman wa bala musaada hana nadum akhar. Hu battan gaal kadar hu Allah hana jududa Ibrahim, Isaakha wa Yakhub. Maanata battan gaal hu bas Allah al wahid al nas abado miyat siniin gubbal Musa. Wa hu bas nafs al Allah al akkad ma’ahum wa’ad al mu’akhir.

6. Kikef Musa kaan wakit al Allah oora le yamchi fi Massir?

   Musa khaaf wa ma dawar yamchi. Hatta kan hu kibir fi lubbal usra hana malik al Massir kulu, hu ma mut’akkid kadar hu yagdar yi sawi chey al Allah ammara le yi sawi da. Lakin Allah kaan zain ma’aya wa rassala maa Harun le achan yi sa’ida.

Zibdet al kalam

Hatta wakit al israiiliin taabaniin fi ubudiye al fi Massir zata, Allah ga’id yi barikuhum. Hu ga’id yi jahiz Musa le yafzahum, min lissa Musa zata walad sakhayar. Hu jahaz chokhol al kaan le Musa achan yi lum ma’aya fi sahara wa yi rassila le achan yamchi yafzaa al israiiliin. Allah gaal le Musa kadar hu bas Yahwah, Allah hanahum wa Allah al wa’ad le jududuhum kadar hu ga’id yi barikuhum wa yantihum balaad hana Kanaa.