27. Sual hana alim fi diin al yahuudia

Al gissa di ti guul chunu?

1. Al alim fi diin al yahuudia, sahi ke dawar ya’arif kikaf talga haya al abadiya?

   La, hu dawar bas yi wassif kadar Isa ma ga’id yanti ta’alim al adil (27:1).

2. Fi chey al Isa gaala da be ween al rajil da yalga jawab fi suala?

   Isa sa’al al rajil le yi chiif chey al maktub fi chaariyat Allah (27:1).

3. Fi chey al Isa gaala da, chunu al yahassal le rajil da kan hu sawa chey al chaariat Allah ti guul leya yi sawi?

   Isa gaal kadar al rajil da yalga haya al abadiya kan hu sawa chey al chaariyat ti guul leya yi sawi (27:2).

4. Mala al rajil da sa’al Isa yatu jaari?

   Al rajil da dawar yi wassif lel nas kadar hu ga’id yi sawa achia al adile bilhain (27:3).

5. Mala Isa haka al gissa le rajil da?

   Isa haka al gissa le rajil da achan yi rud fi sual al yi khuss yatu jaara (27:4).

6. Chunu al rajil diin wal lawi sawo wakit al humma chaafo rajil al taaban?

   Rajil diin wal lawi kulluhum baro rajil al taaban wa ma sa’ado (27:6, 27:7).

7. Mala bigi ajiib kadar al samari sa’ad yahudi al taaban?

   Al samariin wal yahuud dol humma aada (27:8).

8. Min al rujal dol al ween biga rahim maa rajil al taaban da?

   Al samari da weheeda bas wassaf rahama le rajil al taaban da (27:11).

9. Isa gaal lel alim hana diin al yahuudia kadar hu yi sawi chunu?

   Isa gaal lel alim hana diin al yahuudia le yi kun rahim le nas al muhtajiin, misil al samari sawa fil gissa di le yahudi al taaban (27:11).

Al gissa di maanataha lena chunu?

1. Mala bigi ajiib achan Isa sa’ala lel alim hana diin al yahuudia fi chey al maktub fi khanun hana Allah?

   Al rajil da inda ma’arifa katiira fi diin al yahuudia ziada min nas al akhariin al fi Israiil kulluhum. Hu ga’id ragiri da’iman wa ga’id yi dariss al akhariin. Lakin, hu ma fihim adil chey al chaariyat Allah ga’ide ti guula. Achan ke da, Isa bada ga’id yas’ala fi chaariyat Allah le achan yi wassif lel rajil da kadar hu ma fihim adil chey al chaariyat Allah ga’ide ti allima.

2. Fi fikirku mala al rajil da sa’al Isa yatu jaara?

   Al rajil da ya’arfa kadar chaariyat Allah ti guul leya yi hibb jaara misil yi hibb nafsa. Lakin hu ya’arfa kadar battan hu ma ga’id yi hibb al akhariin misil al lazim yi sawi. Fi chan da, hu sa’al as’ila fi jaara, achan fi fikira hu ma muhtaj le yi hibb nas akhariin le yi karim chaariyat Allah.

3. Mala Isa ikhtar achan yi hajji le rajil da fi rajil diin wal lawi?

   Al yahuud ga’idiin yi chufu rujal al diin wal lawiin misil nas al salihiin bilhain fi Israiil. Humma battan ga’idiin yi chufu al ulama hana diin al yahuudia kadar humma yi chabu bilhain le rujal al diin wal lawiin. Achan al ulama dol ga’idiin yaguru wa yi darusu chaariat Allah, al nas fakkaro kadar humma induhum ma’arifa katiira fi Allah, misil al akhariin.

4. Mala al alim hana diin al yahuudia ankun zi’il fi wakit al Isa massal amal hana rajil al diin wal lawi maa amal hanal samari?

   Al alim hana diin al yahuudia ga’id yi chiif rujal al diin wal lawiin misil nas al adiliin, lakin hu ma ga’id yi hibb al samari. Hu fakkar kadar al samariin kulluhum maznubiin. Lakin, fi gissa al Isa hakaha di, al samari da bas bigi nadum wahid al sawa amal al adil lel yahudi al taaban.

5. Fi mustawa al weenu al samari da wassaf rahama le nadum al taaban?

   Al samari da ma sa’ad rajil al taaban da bas, lakin hu sawa chey al ziada min al da. Hu sawa chey katiir le rajil al taaban da ziada min al nadum yi fakkira. Hu dawa awawira, wadda fi beet al difaan wa kaffa gurus hana nadum da kullu.

6. Chunu al gissa ti guula lena fi muhabba hana jaarna?

   Al samari chaaf nadum akhar al muhtaj bilhain. Hatta kan al rajil da kaan ajnabi al min gabila hana chaab al samariin ma bi hibbuhum kulu, hu hanna bilhain. Hu sa’ad al rajil da, hu sawa chey al ziada min al yi sa’ida rajil da. Hu dawa rajil al taaban da misil hu yi dawi nafsa kan hu muhtaj. Chey al da bas yi wassif kikef ti kun jaar maa nadum.

Zibdet al kalam

Al alim hana diin al yahuudia al jaa le Isa ma aman be Isa wa ma fihim chaariyat Allah adil. Lakin, hu dawar yi Isa bas. Isa irif al chey da wa sa’ala le rajil da fi chaariyat Allah. Baad da, hu haka gissa wahida al ga’ide ti wassif kikef tilmiiz hana Allah yi sawi alakha ma’al akhariin. Allah yanti haya al abadiya le nas al bi amunu beya wa yi ti’uh, min yanti le nas al induhum bakanat al kubar fi diin. Fi wakit al samari saakit bas biga rahim maa rajil al taaban da, hu wassaf nafsa misil khadim hana Allah ziada min nas al kubar fi diin hana Israiil.