48. Isa hu al Masih al muwa’ad

Al gissa di ti guul chunu?

1. Kikef kaan al dunia wakit Allah kamal be khaligta?

   Kullu chey kaan tamam wa zunub kaan mafi, wala marad aw moot. Adam wa Hawa ga’idiin bi hibbu ambeenatuhum wa bi hibbu Allah (48:1).

2. Mala al nas ga’idiin yi mutu?

   Kullu nas yi mutu achan Adam wa Hawa khito gidam Allah (48:2).

3. Chunu al Allah wa’ada kadar al Masih yi sawi le cheytan?

   Allah wa’ad kadar al Masih yi murga gudura hana cheytan lel abad (48:4).

4. Chunu al dahiye al kahin ga’id yi gaddimaha le Allah tamamata?

   Al dahiye di ti wassif lel nas kadar humma aznabo wa humma wajiib yalgo ikhab hana Allah (48:6).

5. Yatu al Allah gaal kadar yi barika sabab Ibrahim?

   Allah gaal kadar hu yi barik kullu majmu’at hana nas al fi dunia sabab Ibrahim (48:7).

6. Mala ga’idiin ni nadu Isa « hamal hana Allah »?

   Allah anta le Ibrahim kabich le yi gaddima dahiye fi badal wileeda, Isaakha. Be nafs al tarikha, Isa mat fi badalna misil dahiye le zunubna. Achan ke da, bi sammu « hamal hana Allah » (48:8).

7. Be tarikha al weenu Isa ga’id chabi lel hamal hana dahiye?

   Misil al Allah hafaz al yahuud al masso dam hana kabich fi bibaanuhum, hu ma yi akhib nadum al Isa dafag damma fi chaana (48:9, 48:10).

8. Mala Isa kaan nabi al kabiir bilhain min Musa?

   Kullu achia al Isa sawahum wa gaalahum kaano amal wa kalam hana Allah (48:12).

9. Mala Isa yamluk illal abad?

   Isa kaan min zurriyat Daud wa battan hu bas al Masih. Achan ke da, hu yamluk illal abad (48:13).

Al gissa di maanataha lena chunu?

1. Mala al cheer, al taab wal moot joo fi dunia?

   Al nas yi sawu al cheer, yataabo wa yi mutu achan Adam wa Hawa khito le Allah. Humma bigo maznubiin fi chan da, hatta kullu zurriytuhum. Be sabab da, ayyi nadum fi dunia biga muznib.

2. Mala mafi salama ambeenat Allah wa insaan?

   Wakit Adam wa Hawa aznabo, humma wa zurriytuhum bigo aada hana Allah. Fi chan da, mafi salama ambeenat Allah wa insaan.

3. Mala Allah talab al dahiye kan hi ma tagdar ti najji al nas dol min zunubuhum?

   Allah sa’al al dahiye le yi wassif lehum kadar illa Isa wahid bas, al chekh al diin al kamil da, yagdar yi gaddim dahiye al ti murga zunubuhum. Kullu dahiye akhara ma ti najjina, lakin ga’ide ti wassifna kadar anina lazim ni amunu be Isa.

4. Yatu humma al Allah dawar yi najjihum min zunubuhum?

   Allah dawar yi najji al nas hana kullu gabayil. Achan ke da, anina lazim ni balukhu rissala hana Isa le kullu majmu’at hana nas le achan humma yi amunu be Isa wa yanjo.

5. Kikef hamal hana Allah yi murga al ikhab hana Allah le nas al bi amunu beya?

   Isa kaan kamil wa abadan ma aznab. Fi chan da, wakit al hu dafaga damma, hu mat le yi kaffi al ikhab fi sabab zunubna wa ma le hagga hu. Achan ke da, nagdaro nabgo mutaakidiin kadar Allah ma yi akhibna, achan Isa khalas kaffi taman fi zunubna.

6. Kikef nadum yagdar yagbal al ahad al jedid di?

   Al ahad al jedid al Allah sawaha ma’ana di maanataha kadar ayyi nadum al aman be Isa yabga le Allah. Battan ma muhim le tabikh al khanun, da maanata al ahad al gadim, le yanja. Isa khalas tamam al khanun bel kamil. Lazim nadum yi amin beya bas le yanja.

7. Kikef Isa kaan malik wahid al kabiir ziada min malik Daud?

   Al malik Daud hakam fi Israiil bas. Lakin Isa yahkim fil aalam kullu. Khalas, hu da malik al kabiir ziada min jidda, al malik Daud.

Zibdet al kalam

Al dunia kaan kamil wakit al Allah khalaga. Lakin Adam wa Hawa khito le Allah. Be sabab da, humma wa zurriytuhum bigo aada hana Allah. Lakin Allah ikhtar le yi jiib al salama ambeenata hu wa nas. Hu rassal Ibna, Isa, misil kahin al kabiir le yi gaddim nafsa misil hamal hana Allah le yi kun taman fi sabab zunubna. Mafi dahiye akhara al tagdar ti sawi chey al da. Kullu nas al amano be Isa bigo iyal hana Allah wa Allah battan ma yi akhibuhum. Allah dawar kadar nas al min kullu majmu’at hana nas yi amunu be Isa wa yabgo juzu min malakuta wakit al hu yamluk fi aalam kullu be adala wa salama.