34. Seidna Isa ga’id bi allim be massal akhar

Al gissa di ti guul chunu?

1. Fi chunu Isa ga’id yi kalim wakit hu hakal gissas deel?

   Hu kalam fi malakut Allah (34:1).

2. Be nizba le Isa, chunu yachbah le terab hanal hachaab?

   Terab hana hachaab al nadum yi teriba fi zeerita da yachbah le malakut Allah (34:1).

3. Al terab hana hachaab da yabga chunu wakit hu yakubur?

   Al terab hana hachaab da yabga kabiir ziada min achjar al akhariin hana jinene, hatta al tuyur yagodu fooga (34:2).

4. Al tawara bi sawi chunu kan al mara khalbatata fil dagig?

   Hu yi ziid fil dagig (34:3).

5. Chunu al rajil da sawa fi wakit al hu ligia khazin fi zeere wahid?

   Hu bigi farhan bilhain wa macha baa kullu chey al inda le achan yagdar yichtari al zeere da (34:4).

6. Chunu al taajir da sawa wakit hu ligia lu’luwa al asli?

   Hu baa kullu chey al inda le achan yichtari al lu’luwa di (34:5).

7. Kikef rajil al diin da salla?

   Hu chakar Allah be kadar hu ma muznib misil rujal al akhariin (34:7).

8. Kikef siid al meri da salla?

   Hu talab min Allah le yarhama achan hu kaan rajil muznib (34:9).

9. Rajil al weenu Allah ja’ala saleeh?

   Isa gaal kadar Allah ja’al siid al meri da rajil saleeh (34:10).

Al gissa di maanataha lena chunu?

1. Be tarikha al weenu malakut Allah bachbah le terab hana hachaab?

   Malakut Allah yi kun sakhayar wakit hu yabada, lakin baaden yabga kabiir ziada min mamlakat al akhariin hana dunia kulluhum.

2. Kikef malakut Allah bachbah lel tawara?

   Malakut Allah ti chatit fi dunia kullu.

3. Be tarikha al weenu malakut Allah yi kun misil al khazin al mulabbat fil zeere?

   Malakut Allah da muhim bilhain lahaddi nadum wajiib yi kun jahiz le yi biy kullu chey al inda le achan yalga wa yafara baaden.

4. Fikir khata al weenu nas wahidiin induhum fi chey al yi khus yatu al Allah bagbala?

   Nas wahidiin fakkaro kadar Allah yagbalahum achan humma ga’idiin yi sawu amal al saleeh. Isa haka al gissa hana rujal al itneen le achan yi sahih mufamahum al khata.

5. Mala nas al simio gissa hana rujal al itneen dol yagdaro yi ajubu min yatu nadum al Allah yagbala?

   Al nas hana zaman da ga’idiin yi fakkuru kadar siyadal meri dol kaano nas hana cheytan wa kadar chuyukh al diin dol bas kaano salihiin. Humma ma fihimo kadar ayyi nadum muznib wa kadar Allah yagbal illa nas al mutuwadiin wa al ga’idiin yi’tarufu kadar humma muznibiin.

Zibdet al kalam

Isa al Masih haka khamsa gusas le yi wadeeh wala yi fassir kadar malakut Allah da yachbah le chunu. Gusas hana terab al hachaab wal tawara dol wassafo kadar malakut Allah da yabda sakhayar, lakin le gidam yakbur wa yabga kabiir ziada min mamlakat al akhariin kulluhum, lahaddi yamala dunia wala al ard kullu. Al gusas hanal khizin wal lu’luwa yi wassufu kadar malakut Allah khiima ziada min kullu chey, achan da wajiib al nas yi tchakumu kullu chey al induhum le yaksobo, wal gissa hana rujal al itneen al ga’idiin yi sallu ti wassif kadar Allah yagbal illa nas al bi tubu min zunubuhum. Allah ma yagbal nas al mustakbiriin wa mutakiliin amaluhum al saleeh badal ma yi tubu min zunubuhum.