49. Ahad al jedid be Allah

Al gissa di ti guul chunu?

1. Kikef Mariam bigat khalbane be Isa?

   Hi ma chaafat rajil, lakin Ruh al Khudus bas nazal fooga wa hi bigat khalbane (49:1).

2. Chunu al Isa gaal fooga kadar hu ahsan min kullu chey akhar fi dunia?

   Hu gaal kadar ti kun fi malakut Allah da ahsan min kullu chey akhar fi dunia (49:5).

3. Be nizba le Isa yatu al misil turab al bantij?

   Nas al gibilo injiil al yi khuss Isa dol bas misil turab al bantij wa Allah yi najjihum (49:6).

4. Chunu al Allah yi sawi le nas al maznubiin achan hu yi hibbuhum bilhain?

   Hu yi door yakfir lehum zunubuhum wa yi sawihum yabgo iyala (49:7).

5. Kikef Allah wassaf kadar hu yi hibb kullu nas al fi dunia?

   Hu anta Ibna al Wahid achan ma yi akhib nas al yi amunu beya. Khalas, humma yi ichu ma’aya lel abad (49:9).

6. Kikef Isa bigi dahiye kamila le achan yi murga zunubak?

   Abadan Isa ma aznab, lakin hu khalla Allah yi akhiba fi badalak. Hu khassad le yi mut fi badalak (49:11).

7. Chunu al lazim ti sawi le tabga masihi?

   Kan inta aman be Isa wa sadakhta fi chey al hu sawa fi chanak da, inta tabga masihi (49:15).

8. Hal al cheytan ga’id yi liz al masihiin le yaznabo?

   Ayye, cheytan lissa ga’id yi liz al masihiin le yaznabo. Lakin kan inta tuub min zunubak, Allah yi samik (49:17).

9. Kikef tagdar tabga rafig hana Isa al kabiir?

   Tabga rafig hana Isa al kabiir kan inta ga’id ti salli wa tagiri kalama, ta’abud maa masihiin al akhariin wa ti guul le nas chey al Isa sawa foogak (49:18).

Al gissa di maanataha lena chunu?

1. Mala muhim lena bilhain kadar Isa yi kun insani wa battan ilahi?

   Achan Isa da hu insani wa ilahi, hu yagdar yafham su’ubatna wa du’ufna wa yi sa’idna le ni karumu Allah.

2. Mala nagdaro ni amunu kadar Isa hu Allah?

   Hu sawa ajayib al kubar katiir le nas katiiriin. Humma dol wassafo kadar hu Allah. Hu rakh fi ras alme, wagaf al rih, chaffa al mardaniin, tarrad al chawatiin wa lahaddi gawam al mayitiin. Kan hu insani bas da, ma yagdar yi sawi al achia dol.

3. Kikef tagdar ta’arif kadar inta ti kun fi malakut Allah?

   Kan inta aman be Isa wa talab minna al simah fi zunubak, Allah yi najjik wa yi azimak fi malakuta.

4. Inta min nafar turab al ween? -Turab al bantij wala turab gawi al fi derib?

   Inta weheedak bas tagdar ti rud fi su’al da.

5. Hal inta bigit rafig wa wileed hana Allah wala lissak adu hana Allah?

   Inta weheedak bas tagdar ti rud fi su’al da.

6. Hal tagdar ti kaffi deen fi zunubak halalak le Allah wala ti amin be kadar Isa kaffa fi zunubak wakit al hu mat fi salib?

   Inta weheedak bas tagdar ti rud fi su’al da.

7. Chunu al ga’id ti sawi le tabga rafig hana Allah al gawi?

   Inta weheedak bas tagdar ti rud fi su’al da.

Zibdet al kalam

Allah arsal Ibna fi dunia le yi kun fi nafs al wakit insani wa ilahi. Hu sawa ajayib al kubar katiir le yi wassif kadar hu yatu. Achan hu kaan insani da, hu ga’id yafham du’ufna wa su’ubatna. Wa achan hu kaan Ilahi da, hu yagdar yi najjina min zunubna wa yi sawina nabgo rufugan wa iyal hana Allah. Hu allamana fi Allah wa malakuta, wa wassafana kikef ni ichu misil al masihiin. Hu anta fursa le ayyi nadum achan yi tub min zunuba wa yatulub min Allah le yi sami achan Isa mat fooga. Allah dayir kadar ayyi nadum yasma al kalam dda wa yi amin be Isa.