24. Yahya barrad Issa barrud al mamudia

Al gissa di ti guul chunu?

1. Yahya sakhan ween?

   Hu aach fi sahara, ba’id min nas al akhariin (24:1).

2. Rissala al weenu Yahya gaddamaha le chaab?

   Yahya gaal le nas yi tubu, achan malakut Allah garrab (24:2).

3. Kikef al nas raddo wakit humma simiyo rissala hana Yahya?

   Nas wahidiin tabo min zunubuhum wa Yahya barradahum barrud al mamudia. Lakin, katiir min chuyukh al diin al joo le Yahya ma tabo min zunubuhum (24:3).

4. Be chunu Yahya massal chuyukh al diin al ma tabo min zunubuhum?

   Hu massalahum be dabaayib al induhum sam (24:4).

5. Kikef Yahya radda fi wakit chuyukh al diin sa’alo hal inta bas al Masih?

   Yahya gaal lehum kadar hu ma al Masih, lakin al Masih jayi waraya (24:5).

6. Be isim al weenu Yahya nada Isa wakit al Isa jaa leya?

   Yahya nada Isa Hamal Allah al yi murga zunub hana nas dunia kullu (24:6).

7. Mala Yahya ma dawar yi barrid Isa barrud mamudia?

   Yahya gaal kadar hu ma yagdar yi barrid Isa barrud mamudia, lakin Isa bas yagdar yi barrida (24:7).

8. Chunu al nazal wa ga’id fi Isa baad Yahya barrada barrud mamudia?

   Wakit Yahya barrad Isa barrud mamudia, Ruh Allah nazal misil hamam wa jaa ga’id fi Isa (24:8).

9. Chunu al Allah gaala fi Isa wakit al hu hajja min al sama?

   Allah gaal: inta ibni. Ana ni hibbak wa radian beek katiir (24:8).

10. Chunu Allah gaala le Yahya fi nadum al Ruh nal Khudus yanzil fooga?

    Allah gaal le Yahya kadar nadum al Ruh al Khudus yi dalli fooga da yi kun Ibn Allah (24:9).

Al gissa di maanataha lena chunu?

1. Fi fikirku mala Yahya bachar fi sahara badal yi bachir fi hille?

   Ankun Yahya dawar yi bachir kalam hana Allah le nas al dayiriin yasamo. Nas chiya bas aychiin fi sahara, fi chan da, al nas assoro gulubuhum gabul le yamchu achan yassamo Yahya. Katiir min nas al joo le Yahya dawaro yassamo al kalam da be hagiga.

2. Yahya gaal le nas khalli yi tubu, achan malakut Allah garrab. Mala rissala hagga bigat sahila ke da?

   Al rissala hana Yahya akkid kaanat sahila bilhain. Lakin, hu gaal le nas kullu chey al humma kaano muhtajiin le ya’arfu fil wakit da. Da maanata al Masih garrib yi jahiz malakuta. Lazim al nas yi tubu min zunubuhum kan humma dayiriin yi ichu fi malakut da.

3. Fi fikirku mala chuyukh al diin dol joo le Yahya?

   uyukh al diin dol ma joo le Yahya achan yi tubu min zunubuhum. Ankun humma fatacho le ya’arfu mala nas al akhariin ga’idiin yamchu leya. Wala ankun humma bigo hassudiin achan al nas ga’idiin yamchu le Yahya min badal al yeju lehum humma. Anina ma na’arfu kadar Yahya ma fakkar be kadar al chuyukh dol ga’idiin yeju be fikir al adil, achan hu nadahum dabaayib al induhum sam. Hatta alyom, nas wahidiin ga’idiin yassamo kalam be fikir al ma adil.

4. Kikef Yahya wassaf kadar hu rajil mutawadi?

   Yahya gaal be kachuma kadar hu ma al Masih wa gaal kadar hu ma tamma yi hil habil hana na’al hanal Masih. Battan hu gaal le Isa kadar hu ma gadir le yi barrida barrud mamudia. Yahya da bigi massal lena. Hu kaan nabi kabiir, lakin hu irif kadar al Masih akbar minna.

5. Kikef Isa yagdar yi kun fi nafs al wakit al Masih wal hamal Allah?

   Al Masih da nadum al wahid al kamil ma aznab. Achan ke da, hu bigi al wahid al gadir le yi kun dahiye kamila le Allah. Be tarikha al di, akhabo fi sabab al zunub hana kullu al bi amunu beya.

6. Mala al Ab, al Ibn wa Ruh al Khudus zaharo sawa fi wakit al Isa barrad barrud mamudia?

   Fi wakit al Isa barrad barrud mamudia, hu sawa chey al Allah al Ab dawara le yi sawi. Ruh al Khudus khaadat Isa le ti jahiza achan yi sawi khidime hanal Masih wa yi kun Hamal Allah. Be tarikha al di, Allah khadam le yi najji al nas min zunubuhum le achan yabgo ma’aya fi malakuta.

Zibdet al kalam

Yahya gaal le nas yi tubu wa yi jahuzu nufusuhum le malakut Allah. Katiir min al nas joo leya wa tabo min zunubuhum. Isa kulu jaa le achan Yahya yi barrida barrud mamudia, hatta kan Isa abadan ma aznab kulu. Allah kalam min al sama le yi guul kadar Isa, Ibna, ajaba. Wa Ruh al Khudus jaat misil al hamam le ti wassif kadar hi ga’ide maa Isa.