47. Bulus wa Sila fi madinat Filibus

Al gissa di ti guul chunu?

1. Yatu Bulus?

   Chauul chal usma al rumani, Bulus, fi wakit al hu ga’id yi chug al ambratoria rumania (47:1).

2. Fi ween Bulus wa Sila ligo Lydia?

   Bulus wa Sila ligo Lydia fi Filibus wakit al humma macho bakan wahid jambal rijil barra min al hille al nas ga’idiin yi lummu fooga le yi sallu (47:2).

3. Chunu al chawatiin anto fursa le bineye al khadima achan ti sawi le siyadaha?

   Al chawatiin antoha fursa le ti guul chey al yi kun fi mustakhbal le nas. Al nas yi kaffu gurus katiir le siyadaha fi chan da (47:3).

4. Mala Bulus liga bachtana min bineye al khadima di?

   Al chawatiin waddoha le ti guul le nas da’iman kadar Bulus wa Sila dol khudam hana Allah al aali (47:4).

5. Chunu al siyadal bineye al khadima di sawo fi wakit al Bulus jabar al chawatiin le yamurgu minnaha?

   Humma zi’ilo chedid fi Bulus wa Sila, achan humma fihimo kadar al bineye di ma tagdar ti hajji le nas fi mustagbaluhum wa al nas ma yeju battan yi kaffu gurus le siyada. Khalas humma waddo Bulus wa Sila gidam al sulta hana rumaniin jalodohum wa dassohum fi sijin (47:6, 47:7).

6. Chunu al hassal fi wakit al zilzal barjal al sijin fi leel?

   Kullu al bibaan hana anfataho wal janazir hana kullu al masajiin angataho. Khalas al haris fi fikira da yahasib al masajiin, dawar yaktul nafsa (47:9, 47:10).

7. Chunu al haris da sa’ala le Bulus wa Sila fi wakit daro le yaktul nafsa?

   Al haris da sa’alahum fi chey al hu yagdar yi sawi le yanja (47:11).

8. Mala Bulus wa Sila barrado barrud mamudia lel haris wa usrata kullu?

   Bulus wa Sila barrodo barrud mamudia lel haris wa usrata kullu achan humma kulluhum amano be Isa (47:12).

9. Chunu al Bulus sawa baad maragohum hu wa Sila min sijin hana Filibus?

   Bulus macha fi mada’in katiira le yi bachir bel injiil al yi khuss Isa. Wa battan hu katab rassa’il katiira le yi allim wa yi chajji mu’miniin al fi kana’is. Wahidiin min rassa’ila dol bigo juzu min Kitab al Mukhadas (47:13, 47:14).

Al gissa di maanataha lena chunu?

1. Mala Bulus wa Sila macho le rijil al fi Filibus?

   Wakit Bulus wa Sila wassalo fi Filibus, humma fatacho bakan wahid al nas yi lummu fooga le achan yassamo kalam al yi khuss Isa. Humma macho le rijil achan da bas bakan al nas yi lummu fooga achan yi sallu le Allah.

2. Mala Lydia kaanat muhtaja le ti amin be Isa kan hi khalas ga’ide ti hibb Allah wa ta’abuda?

   Ankun Lydia ga’ide ti tabi diin hana yahuud. Hi ta’arfa Allah, lakin hi ma ta’arfa Isa. Fi wakit al Bulus wa Sila kalamoha be Isa, hi amanat beya wa barradoha barrud mamudia. Nadum yi amin be Allah bas da ma yakfi. Hu lazim yi amin battan be Isa kadar Allah rassala le achan hu yanja min zunuba.

3. Mala Bulus zi’il bilhain fi cheytan al ga’id yi guul al hagiga fooga hu wa Sila?

   Al chawatiin dol ma adiliin wa humma aada hana Allah. Achan ke da, Bulus ma dawar kadar humma yi hajju fi Allah, hatta kan humma ga’idiin yi guulu al hagiga fi wakit da. Ma yagdar yi kun alakha ambeenat al chawatiin wa khudam hana Allah.

4. Chunu al Bulus wa Sila sawa fi ussut al leel wakit al humma ga’idiin fi sijin?

   Hatta wakit al masa’il jalado Bulus wa Sila wa dassohum fi sijin, humma ga’idiin yi khannu khine hana chukur le Allah. Humma katto baaluhum kullu fi Allah wa gidiro yi khannu khine hana chukur fi wakit hana su’ubat al katiira di.

5. Mala Bulus dara al haris le ma yaktul nafsa?

   Bulus hanna lel haris da. Al haris da khijil bilhain achan hu fakkar kadar al masajiin jaro wa hu dawar yaktul nafsa. Lakin, min yajeru da, Bulus wa Sila ga’idiin fi sijin le achan yagdaro yi hajju lel haris fi chey al yi khuss Isa. Khalas, al haris wa kullu usrata amano.

6. Le yatu Bulus katab rassa’il al bigo juzu min Kitab al Mukhadas?

   Bulus katab kullu al rassa’ila dol lel mu’miniin al fi kana’is hana zaman da. Lakin, Ruh al Khudus khadat Bulus le achan wahidiin min rassa’ila dol yabgo kutub lena alyom, achan chajjuuna wa yi allumuna. Fi chan da, ayyi rissala hana Kitab al Mukhadas indaha jamaa al nafs al wakit min nas hana awal wa nas hana hassa.

Zibdet al kalam

Bulus abadan ma nisi kadar Allah harrara min kattilina le mu’miniin wa anta fursa le yi balikh rissala hana Isa le nas hana majmu’at katiira al mukhtalifa. Achan Allah kaan ma’aya rahim bilhain, Bulus kaan jahiz le yamchi fi ayyi bakan chan Allah wa ga’id yachkur Allah hatta fi wakit al hu taaban. Achan ke da, Allah istakhdam Bulus be khuwa le achan yi bachir lel sukhan hana mada’in katiira fi dunia. Be nahya akhara, Bulus katab rassa’il katiira lel mu’miniin hana mada’in mukhtalifa le yi allimuhum wa yi chajjihum. Katiir min al rassa’il dol bigo juzu min Kitab al Mukhadas wa ga’idiin yi allumuna wa yi chajjuuna lahaddi hassa. Achan ke da, khidime hana machat fi bakanat al hu zata abadan ma chaafahum wa ga’ide tamchi le mudda tawiila baad moota, lahaddi alyom.