25. Cheytan jarrab Isa

Al gissa di ti guul chunu?

1. Mala Isa macha fil sahara?

   Al Ruh al Khudus waddata fil sahara (25:1).

2. Chunu al Isa sawa fi sahara gubal al cheytan jarraba?

   Isa saam le muddat arba’in yom, leel wa nahar gubal al cheytan yi jarriba (25:1).

3. Chunu al cheytan gaala le Isa yi sawi fi awal marra al hu jarraba?

   Cheytan gaal le Isa: « kan inta bas Ibn Allah, chagiliba al hajar da yabga lek khubza taakul! » (25:2).

4. Be nizba le Isa chunu al muhim bilhain min akilin khubza?

   Isa gaal kadar ti ti’ih Allah da muhim bilhain min akilin khubza (25:3).

5. Mala al cheytan gaal kadar Isa ma yin’aadir kan hu natta min foog al haykal?

   Cheytan gaal kadar al mala’ika hana Allah yi laagu Isa wa hu ma yagdar yi wassil al turab zaata (25:4).

6. Mala Isa aba ma yi nut min foog al haykal?

   Isa ma dawar yi jarrib Allah wa Allah kulu ma gaal leya yi nut min foog al haykal (25:5).

7. Cheytan anta le Isa kullu mamlakat hana dunia kan hu yi sawi chey wahid bas. Chunu al chey da?

   Cheytan dawar yanti kullu mamlakat hana dunia le Isa kan hu sajad leya wa abada (25:6).

8. Hal Isa ma sawa wala wahid kulu min zunub al cheytan jarraba le yi sawi?

   Lala, Isa aba ma sawi kullu chey al cheytan jarraba le yi sawi (25:8).

Al gissa di maanataha lena chunu?

1. Fi fikirku mala cheytan jarrab Isa le yi chagilib al hajar khubza?

   Cheytan ya’arfa kadar Isa ji’an bilhain baad saam le muddat arba’in yom leel wa nahar. Cheytan ga’id yi fatich wakit al da’if le achan yi jarriba fooga.

2. Fi fikirku mala Ruh al Khudus waddat Isa fi sahara le yi sum le muddat arba’in yom?

   Allah dawar yi wassif kadar Isa ma yaznib. Le yi wassif al chey da, khalla Isa bigi da’if wa ji’an. Hatta wakit al Isa kaan da’if kulu, hu ma aznab. Hu sawa chey al cheytan gaal leya yi sawi.

3. Mala cheytan gaal kala hana kitab fi wakit al hu gaal le Isa yi nut min foog al haykal?

   Cheytan ya’arfa kalam hanal kitab wa yagdar yagiri. Lakin, hu ma yi oori kalam hana kitab be deriba. Hu ga’’id yanti maana akhar fi kalam hana kitab al Allah ma oora.

4. Hal al cheytan kadab fi wakit al anta le Isa mamlakat hana dunia kullu?

   Isa ma gaal kadar cheytan kadab. Mafi chey al yi wassif be hagiga kadar cheytan ma yagdar yanti le nas maal wa sulta fi dunia da.

5. Kikef cheytan fatach le yi khuch Isa be mamlakat hana dunia al hu anta kullu?

   Achia hana dunia yi kammulu. Lakin Allah wahid bas yagdar yanti maal wa sulta al yagod lel abad fi sama. Isa ikhtar le yarja kadar Allah bas yanti mamlakat hana dunia kullu le achan yagdar yahkim fi sama lel abad.

6. Mala Isa ma gidir ya’abud al cheytan fi mudda gissere bas le achan yalga mamlakat hana dunia da?

   Allah yi door kadar al nas ya’abudu hu weheeda bas. Abadan ma adil le ta’abud cheytan wala chey akhar, hatta kan le mudda gissere kulu. Lazim na’abudu Allah weheeda bas. ga’idiin na’aznubu kan abadna nadum wala chey akhar bala Allah weheeda bas.

Zibdet al kalam

Isa ma yagdar yi mut fi zunub hana nas al akhariin kan hu be nafsa kulu muznib. Achan ke da, Ruh al Khudus wadda Isa fi sahara le achan cheytan yi jarriba. Allah dawar yi wassif le cheytan wal akhariin kullu kadar Isa abadan ma aznab, hatta kan al cheytan be nafsa kulu fatach le yi dakhila fi zunub. Isa kaan da’if, ayan wa ji’an. Bel achia deel kulu, abadan hu ma aznab. Hu aba ma yi sawi chey al cheytan oora le yi sawi. Hu fihim al cheytan fi wakit al hu ga’id yakhadim be kalam hana kitab le achan yi lizza le yi jarrib Allah. Wa Isa ikhtar le ma yagbal kullu al maal wa sulta hana dunia al cheytan anta. Achan da, hu ga’id yarja be amana kadar Allah yi khutta misil malik al kabiir fi dunia. Chey hissil illa baad taab hagga fi sabab zunubna.