13. Alakha hana Allah maa Israiil
Al gissa di ti guul chunu?
-
Chunu al Allah gaala kadar al israiiliin yabgo kan humma hafazo wa’ada al ma’ahum?
Humma yabgo khaliin leya, wa yabgo mamlaka hana rujal al diin wa yabgo umma al mukhadassa (13:2).
-
Kikef kaan alama al yi wassif hudur hana Allah fi wakit al hu ga’id yanzil fi ras al jabal?
Kaan be soot al barikh, bel barrakh, be dukhan wa be soot hana burunji al chedid (13:3).
-
Kikef kaan al awal amur al Allah anta lel chaab?
Allah gaal lehum ma ya’abudu ilah akhar (13:4).
-
Chunu al israiiliin lazim yi sawu fi yom al sabi hanal usbuu?
Humma yi khadussu yom al sabi bel raha wal ibada hana Allah (13:5).
-
Chunu al Allah yi sawi le nas kan humma ma ti’o le awamir hagga?
Allah yi akhibuhum kan humma ma ti’o (13:7).
-
Yatu al inda izin le yadukhul fi khemat al ijtimaa fi bakan al Allah ga’id fooga?
Illa rajil al diin al kabiir weheeda bas inda izin le yadukhul fi bakan muhadarat Allah da (13:8).
-
Chunu al dam hanal haywan al dabaho da bi sawi le zunub hana nadum al jaab al haywan da?
Dam hanal haywan yastur zunub hana nadum da wa hu yi kun tahir fi gidam Allah (13:9).
-
Mala al chaab sana’o al sanam le ya’abudu?
Achan Musa ga’ad mudda tawiila fil jabal wal chaab rijo katiir lahaddi ma yagdaro yasburu. Khalas, humma talabo min Harun khalli yasnaa lehum sanam le achan humma yagdaro ya’abudu (13:11).
-
Chunu al Musa sawa wakit al hu dalla min al jabal wa chaf al chaab ga’idiin ya’abudu al sanam?
Hu kassar al lihan at itneen hana hajar al Allah katab fooguhum chaariyata al achara. Baad da hu dammar al sanam wa jabar al chaab le yacharbo alme al mukhalbat beha (13:13, 13:14).
-
Mala Allah sama lel chaab?
Hu samahum achan Musa da’a fooguhum (13:15).
Al gissa di maanataha lena chunu?
-
Mala Allah wadda al chaab fi jabal Siina?
Achan da bas bakan al Allah kalam le Musa fooga be chadara al ti ogid al nar. Hu wa’ada le Musa kadar hu yi murga al chaab da min Massir le achan ya’abudu fil bakan da. Allah tamam wa’ada wa waddahum fi nafs al bakan da.
-
Mala Allah gaal kadar al israiiliin yi kunu mamlaka hana rujal al diin?
Achan rujal al diin ga’idiin yi sa’udu nas al akhariin le ya’abudu Allah. Humma yi allumu le nas chey al Allah gaala. Kullu chaab hana Israiil yi kunu gadiriin le yi sawu al achia dol lel ummam al akhariin kan humma ti’o le Allah.
-
Mala Allah katab al chaariyat al achara dol fil lihan hana hajar?
Achan Allah dawar kadar al nas yi zakkuru chaariyata dol da’iman. Ankun fi chan da bas hu katabahum fil lihan hana hajar al gawi be ideena halala, fi badal al yi kunu fi turab, fi khachaf wala fi warag.
-
Mala Allah gaal lel israiiliin le yabunu al khema fi bakan al humma yagdaro yi lummu ma’aya?
Al israiiliin dol kaano musafiriin lel ard al muwa’ida. Humma ma yagdaro yabunu haykal al yagod fi bakan wahid. Khalas Allah gaal lehum le yi sawu khema khasa al humma yakdaro yi chuluha ma’ahum wa yagdaro yi kuttuha fi bakan wahid wakit al humma yalgo bakan wahid al yagufu fooga.
-
Fi fikirku mala Allah gaal kadar al dam hanal dahiye da yastur zunub hana nadum?
Achan zunub hana nadum yi kun da’iman ga’id, lakin hu yi kun mukhatta. Allah ga’id yi chiif al dam fi badal al zunub wa yajaal al nadum da misil tahir gidama.
-
Mala kaan khas ke le cheytan wakit al chaab sawo al sanam le ya’abudu?
han amur al awal wa al muhim bilhain al Allah antahum da kaan ma ya’abudu ilah akhar illa Allah.
-
Chunu al Allah rassala le nas le achan yi akhibuhum le achan abado al sanam?
Allah rassal lehum waba wahid al katal nas katiriin minnuhum. Fi Massir da, Allah rassal al awbiya lel massiriin. Hassa, Allah yi akhib chaaba zata bel waba achan humma aznabo.
Zibdet al kalam
Allah wadda al israiiliin fi jabal Siina misil hu wa’ada le Musa. Hu dalla fi ras jabal da maa ichara al gawiya wa antahum chaariyat al achara wa khawaniin akhariin achan yi ti’u lehum. Hu gaal lehum kikef yi gaddumu leya dahiye wa kikef yi lummu ma’aya fil khemat al ijtimaa. Lakin wakit al Musa lissa ga’id foog fil jabal maa Allah, al chaab sana’o sanam le ya’abudu. Allah biga zaalan bilhain wa dawar yi dammiruhum. Musa zata biga zaalan bilhain hatta kassar al lihan hanal chaariyat al achara. Lakin Musa da’a Allah foog al chaab wa Allah samahum.