14. Taab fi sahara

Al gissa di ti guul chunu?

1. Mala Allah gaal le nas khalli yintahu ma’al kananiin marawahit?

   Achan al kananiin dol ga’idiin ya’abudu al asnaam wa ga’idiin yi sawu chey katiir al ma adil. Allah ya’arfa kadar kan al israiiliin aacho ma’al kananiin, humma yamchu yakhudu ma’ahum wa battan yabodo ya’abudu al asnaam (14:2, 14:3).

2. Chunu al nas al achara dol gaalo fi balaad wa chaab hana Kanaa?

   Humma gaalo kadar al balaad da adil, lakin al nas kaano tuwal wa urad. Humma gaalo kadar al israiiliin ma yagdaro yi nassuru fooguhum (14:5).

3. Chunu al Yochua wa Kaleb gaalo fil chaab hana Kanaa?

   Humma gaalo kadar al nas dol induhum gudra bilhain, lakin Allah bas yi dawis lel israiiliin le achan yi nassuru fil kananiin (14:6).

4. Kikef al nas dol bigo wakit al simiyo khabar cheen al nas al achara dol jaabo?

   Humma zi’ilo achan achan khallo Massir. Humma battan min jedid ka’id wahid al yi badil Musa wa Harun wa yi gabbiluhum fi Massir (14:7).

5. Kikef Allah radda le nas wakit al dawaro yi gabbulu fi Massir?

   Allah kaan za’alan bilhain min al chaab. Hu wa’adahum kadar humma yataabo fil sahara lahaddi kullu kubarat al minnuhum dol yi mutu. Illa iyaluhum bas yadukhulu fil ard al muwa’ida maa Yochua wa Kaleb al yadukhulu fil balaad kulu achan humma dawaro yi ti’u le Allah (14:8).

6. Chunu al nas sawo wakit al simiyo kadar humma yi mutu fil sahara?

   Humma hajamo al kananiin lakin al kananiin dol nassoro foguhum (14:9, 14:10).

7. Kikef Allah rabba al chaab da fil sahara?

   Hu nazal lehum al khubza wa salwa le yakulu wa antahum alme kulu. Allah rafaz lubasuhum wa naaluhum ma yabgo gadim le muddat arba’in sana (14:11, 14:12).

8. Mala Musa ma gidir yadukhul fil ard al muwa’ida?

   Achan Allah gaal le Musa yi kalim le hajar achan yanti alme le chaab. Lakin Musa khalaf Allah wa darab al hajar bel assa. Be tarikha al di, hu ma karam Allah gidam al chaab. Achan ke da, Allah ma anta izin le yadukhul fil balaad. Hu rikib fi ras al hajar foog wa chaf al ard da min ba’id bas, wa baad da hu mat (14:13, 14:15).

Al gissa di maanataha lena chunu?

1. Be chunu ga’idiin yi chabu al sukhan hana Kanaa min machi hana Yusuf wa usrata?

   Yusuf wa usrata kaano fi Massir fi muddat urbumia (400) sana. Fi wakit al da, nadum ke ma ga’id ba’abud Allah fil Kanaa, wal chaab bigo assiin wa ba’abudu al asnaam.

2. Chunu al ga’id yahassal da’iman le nas al bi ichu fi ussut nas al ga’idiin ba’abudu ilahat al akhariin?

   Allah gaal kadar al israiiliin yabado ya’abudu al asnaam hanal kananiin kan humma ga’idiin yi ichu ma’ahum achan be sahi ke da al nas yabado ya’abudu ilahat hana nas akhariin al mujawirinuhum. Da chey al yi kun be sahi kan humma zawajo maa nas al bi amunu be ilahat al akhariin.

3. Mala Yochua wa Kaleb hajjo le chaab chik min humma al achara al akhariin al wassohum sawa?

   Al mu’akidiin al atnachar dol chafo nafs al ard wa nafs chaab. Lakin, achara min al mu’akidiin dol ma fakkaro be kam marra yi kun gasi le yafchulu al chaab da. Lakin Yochua wa Kaleb fakkaro be kadar al balaad da adil wa be kadar Allah zata yi sa’iduhum. Humma amano kadar Allah yantihum fursa le yi nassuru fil kananiin, hatta kan humma kaano kubar wa gawiin.

4. Mala al chaab dawaro yi gabbulu fi Massir wa yi kun abiid?

   Al nas kafo chedid min al kananiin. Humma fakkaro kadar akher lehum le yi kunu abiid fi Massir min yi mutu. Humma ma khatta baaluhum fi Allah kadar hu yahfazuhum.

5. Allah ta’aba lel israiiliin fil sahara le muddat arba’in sana lahaddi moot hana nas al kubar kullu. Mala rahasahum fi wakit da?

   Allah zi’il min nas al ma dawaro yadukhulu fil ard al muwa’ida. Lakin hu tamam wa’ada al sawaha le Ibrahim le zurriyta ti kun kabiire. Khalas hu ga’id yi ra’is al israiiliin fil sahara wa iyalum bas al yadukhulu fil ard al muwa’ida baad moot hana abahatuhum.

6. Mala Allah akhab Musa chedid achan hu dagga al hajar?

   Musa kaan mas’ul hana Israiil. Hu kaan kachum al kalam beenat Allah wal chaab. Ahan nas kullu bi chufu chey al Musa ga’id bi sawi, Allah azzaba chedid le nas yi kaafu ma yi khalufu. Achan kalam da, Musa ma ligi fursa le yadukhul fil ard al muwa’ida.

Zibdet al kalam

Allah wadda chaab al israiiliin fil ard al muwa’ida, misil al hu wa’adahum. Lakin humma kaafo min al kananiin wa abo ma yadukhulu. Achan ke da, Allah khalahum ti’ibo fil sahara le muddat arba’in sana, lahaddi moot hana nas al kubar kullu. Lakin, hu rabbahum wa rahassahum achan iyaluhum yadkhulu fil balaad da. Hu tamam wa’ada al sawa le Ibrahim. Musa chaaf al ard di, lakin ma dakhal fooga achan hu ma karam Allah. Yochua bas biga al kha’id hana Israiil baad moot hana Musa.