35. Gissa hana abu al hanun

Al gissa di ti guul chunu?

1. Mala chuyukh al diin nang-nango ambeenatuhum foog Isa?

   Achan Isa al Masih ja’al nas al meri wal maznubiin misil rufugana(35:2).

2. Mala wiled al sakhayar chal kharar le yi gabbil beet abu?

   Walad al sakhayar da gurusa kamal wa biga ji’an bilhain lahaddi dawar yakul akil hana khanazir. Hu ittazakar kadar al khudam hana abu ayichin haya afdal minna (35:5, 35:6).

3. Chunu walad al sakhayar dawara kadar abu yi sawi leya fi wakit al hu yi gabbil fi beet abu?

   Walad da kadar abu yaj’ala misil wahid min al khudam dol, wa ma yi chifa misil walada battan (35:6, 35:8).

4. Chunu al abu sawa wakit al hu chafa walada al sakhayar?

   Wakit al abu chafa walada da, hu hanna bilhain wa jara leya, hadana wa habba (35:7).

5. Chunu al walad al sakhayar da gaala le abu wakit abu laga?

   Walad al sakhayar da gaal le abu kadar hu khiti le abu wa le Allah, achan ke da khalli abu ma yaj’ala misil walada (35:8).

6. Mala al abu marag barra le walada al bikir?

   Al abu marag le walada al bikir achan hu aba ma yadukhul dakhal wa yafra be jeyi hana akhu al sakhayar (35:11).

7. Mala walad al bikir da zi’il min abu?

   Walad al bikir da zi’il min abu achan hu fakkar kadar abu ga’id yaamal maa akhu al sakhayar afdal minna. Walad al bikir da fakkar kadar abu wajiib yi karima ziada min akhu al sakhayar achan hu ga’id beet wa ga’id yakhadim le abu wakit akhu al sakhayar macha ba’id min al beet wa waddar al maal (35:12).

8. Mala al wajiib da kaan al abu wa walada al bikir yafaro?

   Al abu gaal le walada al bikir kadar wajiib humma yafaro achan akhu al sakhayar gabbal lehum hay. Da kaan wakit al humma yafaro wa ma wakit hana za’al fi chey al fat (35:13).

Al gissa di maanataha lena chunu?

1. Mala walad al sakhayar talab min abu warasa hagga wakit al abu lissa hay?

   Munkin walad al sakhayar da kaan tama’an fi maal hana abu bas wa ma lammaya be charaf hana abu (35:3).

2. Fi fikirku mala al abu khassad le yanti al warasa lel walad al sakhayar wakit al hu lissa ga’id hay?

   Ankun al abu da habba iyala ziada min amuala (35:3).

3. Kikef walad al sakhayar da bigi massal le nas al ga’idiin yajeru ba’id min Allah wa yi ichu hasab chahwatuhum?

   Fi nas katiriin misil walad al sakhayar da, humma yi dooru yi ichu hasab chahwatuhum fi badal al yi ichu hasab muradat hana Allah.

4. Fi fikirku hal al abu da yihtamin walada al sakhayar wakit al hu gabbal fil beet?

   Nas katiriin ga’idiin yi fakkuru kadar wajiib al abu yi turda walada al sakhayar da achan hu khalla abu wa macha. Lakin, al abu fil gissa di biga rahim, misil Allah al Ab kulu rahim. Hu lissa ga’id yi hibb walada wa gibila bel farha wakit al hu gabbal fi beet abu.

5. Nas al aznabo wa hassa dayiriin yi gabbulu le Allah, kikef humma yagdaro yi fakkuru kadar Allah yagbalahum?

   Isa al Masih gaala al gissa di le nas al maznubiin al ga’idiin yeju le Allah. Hu dayir khalli humma ya’arfu kadar hu yagbalahum kan humma gabbalo leya.

6. Fi fikirku mala nas wahidiin min al mu’miniin dol yi dooru kadar « gabbilin le Allah » yi kun gasi le nas al maznubiin?

   Wahidiin min al mu’miniin ga’idiin yi fakkuru kadar le Allah yagbal nas al maznubiin wa ma yi akhibuhum. Fil gissa al di, Isa wassaf kadar Allah ma yi akhib nas al maznubiin fi wakit al humma yi gabbulu leya wa yas’alo al musama le yakhfir lehum.

Zibdet al kalam

Chuyukh al diin dol khadamo nufusuhum har bilhain le achan yi kunu radiin le Allah. Humma kaano za’alaniin chedid kadar Isa yaj’al nas al meri wal muznibiin misil rufugana fi wakit al humma joo le yassamo taalima. Khalas Isa al Masih haka al gissa di le yi wassif lehum mala Allah kaan radian fi wakit al maznubiin ga’idiin yi gabbulu leya. Al ab fil gissa di ga’id yi massil Allah al Ab. Walad al bikir da yi massil chuyukh al diin. Walad al sakhayar da yi massil al maznubiin al ga’idiin yi gabbulu le Allah. Isa dawar khalli chuyukh al diin dol ya’arfu kadar da chey wajiib le nafaro fi gabbilin hanal maznubiin le Allah.