4. Al alakha hana Allah maa Ibrahim

Al gissa di ti guul chunu?

1. Mala lammin hana nas bakan wahid da chey hawan?

   Allah ammara la Noh wa zurriyta le yamalo min jedid al ard baad tuffan (3:13).

2. Chunu al sabab al khalla nas bano al madina di?

   Humma yi dooru yabunu beet wahid tawiil le yi wasulu sama (4:2). Baad min ulama ma bassibu human yagdaro yawsalo janna. Wahidiin yi dooru ke illa yanzilu min al sama.

3. Mala Allah faraga lukhatuhum?

   Allah farag lukhatuhum al wahida di be lukhat katiira achan le ma yafhamo (4:3). Achan da, humma ma nyagdaro yakhadumu sawa le yabunu al gasir wala yi ichu sawa. Khalas, humma chatato fil ard ayyi nafar be lukhata.

4. Allah gaal yi barik chaab weenu be wasta hana Ibrahim?

   Allah gaal yi barik kullu chaab fil ard be wasta hana Ibrahim wa usrata (4:4).

5. Dar al weenu Allah anta le Ibrahim?

   Allah anta ard al canaan le Ibrahim wa zurriyta (4:5, 4:6). Hu gaal lehum kadar dar da yi kun hanahum da’iman.hu bas alyom ga’idiin yi nadu balaad al Israiil.

6. Mala Ibrahim anta wahid fi achara hana maala le Melchisedek?

   Achan Melchisedek kaan imam hana Allah (4:7). Be kilma akhara, hu ga’id yi haji kalam Allah ga’id yi sa’id nas kikef yi karumu Allah. Ibrahim anta wahid fi achara hana maala le Melchisedek sadakha le Allah. Be tarikha al di, Ibrahim karam Allah.

7. Mala bilhain gasi le Ibrahim le yi sadikh kadar hu balga zurriya katiira?

   Ibrahim wa Sarrah chayabo wa induhum sakhir (4:8). Bala sakhir da ma yagdaro yalgo zurriya katiire.

8. Mala Allah gaal kadar Ibrahim da rajil saleeh?

   Ibrahim wa Sarrah chayabo wa induhum sakhir (4:8). Hu aman kadar hu balga zurriya katiire lakin fi wakit da hu lissa ma inda sakhir.

Al gissa di maanataha lena chunu?

1. Noh kaan rajil saleeh. Mala zurriyta baddo ga’idiin yaznabo?

   Wakit al tuffan, Allah dammara kullu nas al mujurumiin (3:8). Ke da, illa usra hana Noh bas aacho lahaddi malo al ard. Noh karama Allah, lakin hu ma kamil. Hu inda fikir al ma adil hana jududa, Adam wa Hawa. Wa hu nazala fi zurriyta.

2. Mala nas yi dooru yi ichu fi madina?

   Achan zurriya hana Noh bigo farhaniin wa yi dooru nas akhariin yi karumuhum wa yi sakkaruhum. Humma ma dawaro yi karumu kalam Allah. Khalas, humma macho gaado bakan wahid le achan yitkarumu ambeenatuhum (4:1, 4:2).

3. Mala nas alyom yi hajju lukhat chik-chik?

   Achan nas alyom ga’idiin bi hajju lukhat chik-chik achan Allah farag al lukhat hanahum fi Babil (4:3). Allah yi door ayyi nafar hana lukhat al nas bi chiittu fil dunia ya’arfu kikef karumu.

4. Mala Allah wadda Ibrahim fi Canaa?

   Ibrahim ga’id yi karim Allah fi bakan al bi ich fooga. Lakin Allah leya yamcha leya yamchi fi Canaa, al ard al hu dawar yanti leya. Allah dawar kadar zurriyat Ibrahim talga bakan al tagod fooga wa ti karima. Be misil ke, be zurriyat Ibrahim, kullu hanal ard yagdaro ya’arfu kikef yi karumu Allah.

5. Mala Ibrahim anta al aachir min kullu maala le Melchisedek min badal yanti le Allah Tawali?

   Melchisedek kaan awal imam hana Allah. Gubal da, Noh wa nas akhariin al salihiin anto sadakhatuhum le Allah. Lakin hassa, Allah anta le nas al chuyuk al diin achan yi awunu nas le yi karumu Allah wa yi hajju fi badala.

6. Mala wa’ad al Allah sawa be Ibrahim bigi ajiib?

   Allah wa’ad Ibrahim kadar zurriyta tabga katiire misil nujum al fil sama. Nadum ke ma yagdar yi hassib al nujum! Lakin Ibrahim wa Sarrah ma induhum sakhir. Chey da binchaaf gasi le yalgo al zurriya.

Zibdet al kalam

Noh inda zurriya katiira. Lakin kan Noh bigi rajil saleehkullu, zurriyta ma karamat Allah. Humma abo ma yamalo al ard. Badal da, humma bano al madina wa beet al tawiil wa ga’idiin yi fachuru fooga. Khalas Allah barjal lukhatuhum wa faragahum be nafar chik-chik. Lakin Allah ikhtar Ibrahim wa wa’ad le yi barik kullu gabayil be zurriyta. Ibrahim sadikh fi kalam al Allah oora, hatta low kaan ma inda sakhir kulu. Khalas, Allah kaan farhan be Ibrahim wa jaala rajil saleeh.