8. Allah najja Yusuf wa usrata

Al gissa di ti guul chunu?

1. Kikef Yakhub ga’id bi hiss nafsa maa wileeda Yusuf?

   Yakhub bi hibb wileeda Yusuf min iyala al atnachar kulluhum (8:1).

2. Mala akhuwana le Yusuf kiriho?

   Humma khiriho Yusuf achan abuhum Yakhub bi hibb Yusuf ziada minnuhum, wa achan Yusuf ga’id yahilim kadar hu yeji yahkim fooguhum (8:2).

3. Chunu chey al akhuwan Yusuf dol sawo le achan yintaho minna?

   Akhuwan Yusuf karabo wa bawo misil abiid (8:2). Baad da humma chacho abuhum wa fahamo kadar haywan wahid akal Yusuf (8:3).

4. Mala al massiriin dasso Yusuf fi sijin?

   Mara siid Yusuf al massiri di kadabat wa gaalat kadar Yusuf dawar yargud ma’aha. Rajilaha simi kalamaha wa dassa Yusuf fi sijin (8:5).

5. Chunu al Allah sawa le Yusuf wakit al hu ga’id fi sijin?

   Yusuf ga’id amin giddam Allah, wa achan ke da Allah baraka hatta wakit al hu fi sijin kulu (8:5).

6. Kikef Yusuf marag min al sijin?

   Farahun hilim wa hilima da nadum ma yagdar yi fasira (8:6). Fi wakit al Yusuf oora maana hanal hilim da, Farahun daraja Yusuf wa sawa hu bigi nadum gadiir kullu balaad hana Massir (8:7, 8:8).

7. Mala akhuwan Yusuf dol joo fil Massir?

   Juu kaan chedid wa akil ma induhum fi Kanaa (8:10). Humma joo fil Massir le yi buu akil (8:11).

8. Kikef Yusuf amala akhuwana wakit al humma wissilo giddama fil Massir?

   Awalan Yusuf jarrabahum le yi chiif kadar humma khayaro wala la. Battan hu gaal kadar hu yatu wa wa’adahum le yi chil mas’ulituhum fil Massir (8:12).

9. Dol yatu al bigo atnachar gabayil hana Israiil?

   Allah khayar isim hana Yakhub bigi Israiil. Al zurriya hana iyala al atnachar dol bigo atnachar gabayil hana Israiil (8:15).

Al gissa di maanataha lena chunu?

1. Chunu khalat al Yakhub sawa fi tarbiyat iyala?

   Yakhub habba sakhira wahid ziada min al akhariin. Nafsal khalat al abu Isaakha sawa. Khalas iyal hana Yakhub kiriho le Yusuf wa bawo misil al abiid.

2. Mala Allah ga’id ma Yusuf wakit hu abiid wa masjun?

   Yusuf kaan da’iman le Allah amin, yaman fi wakid al hu taaban fi amal al salihin zata. Khalas Allah baraka le Yusuf wa gabbala fi usrita.

3. Kikef Allah jaala Yusuf yamuruk min al sijin ila mamlakat Massir?

   Allah jaala le Farahun hilim al nadum ma gidir yi fassira. Wa baaden anta le Yusuf ilim al kikef yi fassira wa ya’arif maana hanal hilim da. Be tarikha al di, Allah anta le Yusuf dalil al yamuruk min al sijin wa yamuluk fil Massir.

4. Mala Yusuf ma azzab akhuwana?

   Akhuwana le Yusuf bawo zey abiid. Da yi kun leya wajiib le yaza’al minuhum. Lakin Yusuf chaaf kadar Allah bas rassala fi Massir be chey al hawan al akhuwana sawo da kulu. Allah jaala ke da le yi najji kullu usrat Yusuf. Khalas Yusuf samah akhuwana wa rahamahum.

5. Mala Yakhub macha aach fi Massir?

   Achan Allah nazal al juu al jaab Yakhub wa usrita fil Massir. Allah yi door kadar humma yi kunu usra kabiire hinak fi balaad al kabir.

Zibdet al kalam

Allah jaala achia wahidiin al anina ni guulu hawaniin wa khalli nas yafaalo chey al hawan. Lakin Allah da’iman mufakkir fi kullu chey. Le yajaala kullu chey al yi tabikh gudurata. Hu khalla akhuwan Yusuf yi tchakumu misil abiid le achan yi rassila Yusuf fi Massir. Hu khalla Yusuf dasso fi sijin. Lakin, hatta fil sijin zata Allah ga’id yi barika. Wa baaden Allah anta le Farahun hilim wahid al illa Yusuf bas gidir fassara. Fi chan da Yusuf bigi hakim al taani al inda sulta fil Massir. Fil akhir da, Allah nazal juu fi kullu buldan achan Yakhub wa usrita yeju fil Massir le yi buu akil. Lakin Allah khalas daraja Yusuf fil Massir le yi ra’issuhum fi wakit al juu. Allah da’iman khadam fi haya hana Yusuf wa Yusuf kaan da’iman le Allah amin.