42. Isa al Masih gabbal ila sama

Al gissa di ti guul chunu?

1. Al talamiiz al itneen kaano bi hajju fi chunu wakit humma machin le hille al mujawir maa hillituhum?

   Humma kaano bi hajju fi chey al hassal le Isa. Al awiin galan hu ba’as min al moot lakin al talamiiz kaano lissahum mubarjiliin (42:1).

2. Wakit al talamiiz machin fi derib, chunu fikiruhum fil nadum al sa’alahum al su’al da?

   Al talamiiz fakkaro kadar nadum al ga’id bi hajji ma’ahum da, deef fi hille wa ma ya’arif chey al hassal fi madinat al khudus (42:2).

3. 1. Chunu chey al Isa fannada le talamiiz al itneen? 3. Qu’est-ce que Jésus a expliqué aux deux disciples?

   Isa fannad lehum chey al maktub fi kalam hana Allah al yi khus al Masih: kikef hu yataab wa yi mut, wa yaba’as baad talata yom (42:3).

4. Mata al talamiiz al itneen dol irifo Isa?

   Humma irifo Isa fi wakit al hu kassar al khubza ma’ahum (42:4).

5. Kikef Isa akkad lel talamiiz fi khudsi kadar hu ma dul?

   Isa wassaf lehum ideena wa rijileena wa battan akal min al hutay (42:5).

6. Chunu rissala al anbia gaalo kadar al talamiiz hana Isa yi bachuru beya?

   Al talamiiz yi bachuru le kullu aalam le yi tubu min zunubuhum achan Allah yakhfir lehum zunubuhum. Humma hajju le nas hana dunia kullu, yabdo min madinat al khudus (42:8).

7. Wakit Isa ba’as min al moot, kam adad al nas al chafo fi nafs al wakit?

   Aktar min khumsumiya (500) nas chafo Isa al Masih fi nafs al wakit (42:9).

8. Isa ammar chunu le talamiiza achan yi sawu?

   Isa gaal lehum yi sawu nas yabgo talamiiz fi kullu ummam, wa yi barruduhum barrud mamudia wa allumuhum le yi karumu kullu chey al hu ammarahum (42:10).

9. Baad al ba’as be arba’in yom, Isa macha ween?

   Isa gabbal fi sama wa jalas fi nus al yemin hana Allah le yahkim fi kullu chey (42:11).

Al gissa di maanataha lena chunu?

1. Fi fikirku mala al talamiiz al itneen ma sadakho kadar Isa ba’as min al moot?

   Humma fakkaro kadar Isa kaan al Masih, khalas biga lehum gasi bilhain wakit al hu mat. Ankun humma ma dawaro yi sadukhu kalam hanal awiin achan kan Isa ma gamma battan da yabga lehum gassi ziada.

2. Fi fikirku mala talamiiz al itneen dol ma irifo Isa?

   Ankun Isa zata ma dawar kadar humma ya’arfu. Ankun hu dawar kadar humma yi amunu fi kalam al katabo al anbia fooga fi kalam Allah gubal al hu ma yi bayin nafsa lehum. Min wakit al Isa gabbal fil sama, al nas ma gidiro yi chufu wa lazim yi amunu beya be sabab chey al kalam Allah yi guul fi chana hu.

3. Mala al talamiiz fi madinat al khudus ma amano kadar Isa hay wakit al hu zahar lehum awal marra baad al hu ba’as min al moot?

   Isa gaal le talamiiz kadar hu yaba’as baad talata yom. Mara wahida chafata hu hay fil khabur wa khabarat al talamiiz. Wa talamiiz al itneen al chafo Isa fi derib dol gaalo lehum kadar Isa hay. Be da kulu, wakit zahar lehum fi lubbal beet dakhal da, humma fakkaro kadar hu da dul. Chey al ajiib da humma ma amano kadar hu hay, hatta be ta’akidad al kutar dol kulu. Humma bas amano wa fihimo adil da baad al Isa fannad lehum chey al maktub fooga fi kalam Allah. Al nas yi amunu wakit al humma yassamo kalama.

4. Chunu al nas lazim yi sawu achan Allah yakhfir lehum zunubuhum?

   Al nas wajiib yi tubu min zunubuhum le achan Allah yakhfir lehum zunubuhum. Da maanata wajiib humma yi khayiru affakuhum fi nufussuhum wa yi’tarufu kadar humma maznubiin, yi khayiru affakuhum fi Allah wa yi’tarufu kadar Isa mat achan yakhfir lehum zunubuhum.

5. Yatu humma al nas al wajiib lel talamiiz hana Isa al Masih yi bachuru lehum?

   Anina wajiib ni bachuru kalam Allah le kullu gabayil fi kullu makan.

6. Lahaddi mata talamiiz hana Isa al Masih wajiib yi charu rissalta?

   Anina wajiib nistamurru wa ni bachuru rissala wala kalam hana Allah lahaddi wakit al yi kun fi talamiiz al yi tabukhu wassayat Isa al Masih min kullu gabayil.

7. Kikef Isa al Masih yi sa’id talamiiza le yi bachuru be kalama?

   Isa al Masih rassal Ruh al Khudus achan yanti le talamiiza gudura le yagdaro yi bachuru le kullu nas fi ayyi bakan.

8. Chunu al Isa ga’id yi sawi wakit al talamiiza yi bachuru rissalta?

   Isa al Masih ga’id fi sama wa ga’id yahkim foog kullu chey fi nus al yemin hana Allah. Chey da bi chajji talamiiza achan humma ya’arfu kadar hu yantihum fursa le yi sawu chey al hu ammara. Hu yaj’al nas yi amunu beya wa yabgo leya talamiiz min kullu gabayil.

Zibdet al kalam

Al talamiiz ma fihimo kadar al Masih da wajiib yi mut fi chan zunub hana nas. Khalas, humma bigo kaslaniin bilhain sabab moot hana Isa lahaddi biga lehum gasi le yi amunu kadar hu ba’as min al maytin- hatta fi wakit al ligo ta’akidad katiir kadar hu hay. Be da kulu, fi muddat arba’in yom, Isa zahar hay le talamiiz kutar le achan yi akkid lehum be kalam Allah kadar hu da bas al Masih wa hu gamma min al moot. Hu rassal lehum Ruh al Khudus le yantihum gudura le yi bachuru le nas hana dunia kullu le yi tubu, yi amunu beya wa yi tabukhu kullu chey al hu ammarahum. Fi wakit al da, hu jalis fi nus yemin hana Allah wa ga’id yahkim fi kullu chey.