3.ŋawa ŋəraređa alo
̃iliga lwalano, leđa lafo lwaiña eləbate. Na lafo labəđia ŋen ŋeicia na lagera ŋen. Lënəŋulu lafo lecia ndrəmwa ndraɽe ŋen ṯa arəməndađe ləbate ŋauŋa iŋi ŋwaiña ŋerəređa alo
Orn Noa gafo gəđərwaṯu eŋen Rəmwa nəñwaŋ. Gënəŋu gafo gaɽo eđa getəɽe, gefo eleđa ildi leicia. Rəmwa ndrəlwaɽəṯi Noa eŋau iŋi riđi arəđwaṯa. Ndrəlwaɽəṯi Noa ṯa aŋabəđe đəpundri đoɽra.
Rǝmwa ndrəlwaɽəṯi Noa ṯa aŋiđi đəpundria đwalano đarno ñəlwa 140, na đəbərano đarno ñəlwa 23, na đwala đarno ñəlwa 13.5. Noa gafo ganainu ŋen ṯa aŋabəđe đəpundri upəndrga na ṯa aŋiđi alo ëṯriya giɽijin, eŋəna ywaiña, erwa na iuwër yəra yəđəber. Na đǝpundri điđi ađərəmoṯe Noa, eɽia gəlëɽəŋu, na laŋge ŋǝlɽwa pređ ŋəđwala đalo ṯa aləfeṯe ŋobe iliga ildi ŋau ŋiđi aŋeiraređe alo.
Noa naŋəđəñeiđëṯi Rəmwa eŋen. Gënəŋu naŋabəđe đəpundri liđiala liɽijin lëləɽəŋu ŋen ŋarno Rəmwa rəlwaɽəṯəlo.Na đəpundri nađəme nṯəliaŋ nwaiña iliga lađəbəđa, ŋen ŋanṯa đafo đoɽra kaiñ. Noa naŋəlwaɽəṯi leđa ŋenǝŋa ŋonṯoṯo iŋau iŋi ŋiđ aŋela ŋəraređa alo na naŋəlwaɽəṯi ṯa aloɽəbaṯe Rəmwa nano, orn lënəŋulu lerəṯe laməndəcia ŋen.
Rəmwa ndrəlwaɽəṯi Noa na eɽa gëləɽəŋu cum ṯa alëgəɽəđi ŋəsa ŋwaiña eŋen na ŋəđwala. Ndə laŋge pređ ləfo ŋope đəge, Rəmwa ndreiṯi Noa ṯa fuŋ liga ildi əllëɽəŋu, Wasen , ləđia ndijin na lwasenanda elden ṯa alənṯi iđəpundr -leđa lafo laɽo đengiɽijin pređ.
Nṯia Rəmwa ndrəđwaṯe đwala ŋoɽa pređ đəɽrro na đəɽlda na ndəfia ṯa aɽe iđəpundri Noaŋ nano na aləmaṯi iliga ildi ləŋau iŋi ŋeraređa alo. Rəmwa ndrəđwaṯe đwala ŋoɽa đengəɽijan iđi điđi ađiđəni đəɽəđənia. ŋen lënəŋulu lefo iđəpundr pređ, Rəmwa ŋuŋ pəɽan ndrəlanṯe euër.
Nṯia ŋau ṯaŋəđəno, ṯaŋəđəno na ṯaŋəđəno. ŋau naŋəđəne ñoman ndređia marldwan na uləŋgi marldwan ŋero ŋəđrwa! ŋau naŋətari alo. Laŋge pređ ildi ləfo alo ŋawa ŋafo ŋatarǝlo, na eyien isi ywala yəđaŋǝṯo elo com.
Na laŋge pređ ildi lafo alo yonḏəṯo ldaiye, illi leđa na đwala iđi đefo iđəpundr. Na đəpundr ṯađəlalo nəŋau na nëđərǝmoṯe laŋge pređ ildi ləfo iđəpundr ṯa ŋau aŋerəṯe ŋəlaba.
Ndə ŋau ŋəđru đəge iŋi ŋəđənia, đəpundri ṯađəlalo nəŋau eđəpe nubwa đenəŋ, na iliga ildai ŋau ṯaŋurwaiđu. Orn eloman əlnəŋ đəpundri nḏəmëñəniano aiyen eđəpe, Orn ŋawa ŋafo ŋatëru alo məldin. Ndə nubwa naɽəjaiđo egorb niɽijin təŋ, aiyen ṯaiyəsëinu ŋəɽwa.
Ndə ñoman ñaɽəjaiđo egorb ndređa marldwan, Noa naŋəđwaṯe uɽəfia gəbarnia labəɽəiluŋ ṯa aŋənwanəđe gaɽe ŋau ŋurweiđu. Na labǝɽilu nǝloɽəbǝđe iliga leɽaco lorba marldwan ŋen lənina alo yuđu, orn lderṯe ləfiđia.
Tǝŋ Noa nǝŋǝđwaṯe uɽəfia gəbarnia bəldugr. yənëŋu naiyerəṯe yǝfiđiṯa alo yonṯoṯo kwai kwai, nṯia naiyoɽəbaṯe Noa nano. Ndə ñoman ñəbɽo đenñəɽijan gënəŋu naŋəđwaṯe bəldugr təŋ, na yënəŋu nəyoɽəbəđia yapo đəṯai nëiñua đuɽi gə-Seiṯun! ŋawa ŋafo ŋuruwaiđia na ŋaiña ŋafo ŋobəđa təŋ!
Orn Noah nəŋəɽaŋe ñoman đennəlonṯo na naŋəđwaṯe bəldugr eñoman iñi ñeɽaico orəba gəɽijin. Eloman ildai, lənëŋuŋu naŋəfiđi alo nəŋuməñiniano. ŋawa ŋafo ŋabaiya!
Ndə nubwa nəbɽo nəɽijan Rəmwa ndreiṯi Noa ṯa," məño leđala leɽa gəlaɽəŋa na đwala pređ ṯa ñaṯəđe alo yəđəpundr. Erṯər ñere ñwaiña na ñere ñəlorba na ñonḏəjaice labatiya." Nṯia Noa na eɽa gëləɽəŋu ldəməñe alo yiđəpundr.
ŋen Noa geməño iđəpundr, gënəŋu nəŋabəđe ađuna na nəŋiđi đəɽəđənia đəŋoɽa ŋəđwala iđi đəđəɽəđənia. Rəmwa rafo raŋərəṯu đəɽəđənia nano na nəŋabuŋṯi Noa na leđa ləlëɽəŋu.
Rəmwa ndraṯa, "igalwaɽo đaṯəm ṯa egaber igiđi ñabuŋe ləbate təŋ ŋenŋa ŋeicia iŋi leđa liđu, walla ñegere ləbate ŋauŋa iŋi ŋəraređa alo, garno leđa lefo leicia iliga leɽo ñere ñera."
Nṯia Rəmwa ndrëɽi đərəndella đəbaŋiđia ŋen ŋanṯa ŋaməla ŋəđərreiđia ŋen. ñoman pređ đərəndella đaŋənu elambala, Rəmwa narələŋəđini eŋen iŋi rënəŋu rəgaso leđala lëləɽəŋu.
Ɖumëđǝnia eg-ađam gəđətođalo 6-8