17. Ɖərreiđia eŋen iđi Rəmwa riđu Ḏauḏga

Frame 17-01

Saul naŋəɽeṯe eləŋ gəɽənda eleđa l-Israyil.Ganəŋu gafo gwall na gaŋəra ŋaiyo,ŋenŋarəno lanəŋulu lonaṯa.Saul gafo gaɽo eləŋ gəŋəra inṯəliaŋ nəmaṯan naŋirənti leđa l-Israyil.Orn ganəŋu naŋəɽeṯe maje gəpia eŋen igi gero gəđəñiëđəṯa Rəmwa eŋen,naṯia eloman lənəŋ ,Rəmwa narəoṯe maje gomən ṯa aŋəraṯe eŋələŋe.

Frame 17-02

Rəmwa narəoṯe maje gəta eleđa l-Israyil igi gəbərnia Ḏauḏ ṯa aŋəraṯe eŋələŋ ŋə-Saul.Ḏauḏ gafo gəsiya alo yə-Biṯəlam.Ndə ŋen gəfo gənwana yaŋala yeṯen gəlaɽiŋu,Ḏauḏ naŋəɽəñe đəfi na naŋəđuwe iđi đəfo đəbagəndia yaŋala.Ḏauḏ gafo gaɽo maje gəta eŋen na gaṯəruwëṯu eŋen naŋənti ŋen ŋə-Rəmwa na naŋəđiñëđṯi eŋen.

Frame 17-03

Ḏauḏ naŋəɽeṯe goɽra eŋen ŋəṯur na eleđa loɽra.ŋen Ḏauḏ gəfo gəɽo maje gəta,Gənəŋu labəđu Juliyaḏga igi goɽra gafo aŋəno elo.Juliyaḏ gafo gaɽo Ṯruwa iđi đarəŋayinu ŋope na gafo gonṯoṯo kaiñ na gafo gwala garəno miṯr điɽijin! Orn Rəmwa ndramađaṯe Ḏauḏ ṯa aŋəɽəñe Juliyaḏ ṯa aŋəbri leđa l-Israyil.Iliga ildei đəge,Ḏauḏ naŋəđame ŋabɽa ŋəleđa ləɽo amëcu eleđa l-Israyi orn leđa ləmoɽre.

Frame 17-04

Saul naŋgaje leđa eŋen ŋen ŋanṯa đubwa eđen i-Ḏauḏ.Orn Saul naŋirənṯaji ŋen ŋiga ŋwaiñia ṯa aŋəmaɽəñe,orn Ḏauḏ naŋələbəjeini Saul.orn eloman lənəŋ,Saul ṯaŋgagondo ŋen ṯa aŋəɽəñe Ḏauḏ.Saul naŋəbɽe elwandər ildi Ḏauḏ gəfo gubajinu,orn Saul naŋerəṯe gəmafiđiya.Ḏauḏ gafo gafo ṯwaiñ Saul eđəɽe ṯa gamaɽəñia,orn naŋerəṯe gəmaɽəñia.Naṯia Ḏauḏ naŋəṯəbe erena norb gə-Saul eŋen ṯa aŋəmanaji orn aŋerəṯe gəmaɽəñia ṯa ganəŋu aŋəɽeṯe eləŋ.

Frame 17-05

Nataltal,Saul naŋaiye iliga ləđbwaiñəđia,Orn Ḏauḏ naŋəɽeṯe eləŋ g-Israyil.Ganəŋu gafo gaɽo eləŋ gəŋəra na gubwuniya eleđa.Rəmwa narabuŋəṯi na ndrəmiđi gəbrano iŋəmaɽriya.Ḏauḏ gafo gabwaiñəđo đəbwaiñia đwaiña na naŋəđame amëcu pređ gəleđa l-Israyil.Ḏauḏ naŋəndi alo y-Urəsalim na naŋiđi irənuŋ goɽra.Iliga ləŋələŋe ŋə-Ḏauḏ,Israyil nayonṯəṯe na nayerəṯe laŋge lwaiñia.

Frame 17-06

Ḏauḏ ŋonaṯe ŋen ṯa aŋwađe eɽa gə-Rəmwa ṯa leđa pređ l-Israyil alwukuđəñiṯi Rəmwa alo na ṯa alənaiyəđe điɽiđəniya.Ndə nṯiliaŋ nəbəɽo ndređi eređia mardwan,Leđa lafo lukwuđəñiṯia Rəmwa alo na ṯaləmananijo điɽəđiniya iŋudu ŋalo yəđəraiyəđia ayien nano isi Musa gəfo gwađo.

Frame 17-07

Orn Rəmwa narəđwaṯe Nađan igi gəɽwata eŋen ŋole gə-Rəmwa Ḏauḏ nano,ŋen ŋanṯa agaɽo maje gonṯoṯo eđbwaiñəđiya,agaber agiđi ŋwađe eɽe gə-Rəmwa,Iđia gəlaɽəŋa giđi aŋwađe.Orn,igiđi iŋapuŋiṯi ŋenəŋa ŋoɽra. orn eđa gənəŋ eleđa ləpapaŋande giđi aŋirəndi ŋələŋe bəɽəbəte!"Orn eđa gənəŋe epapaŋande lə-Ḏauḏ ṯa giđi aŋirəndiđi bəɽəbəte fəŋu Mesiya.Rəmwa rafo raoṯo Mesiya ṯa aŋəbri leđa l-Israyil iŋeica eŋen ŋalo.

Frame 17-08

Ndə Ḏauḏ gəno ole igi,ganəŋu naŋərṯi Rəmwa nano na naŋoɽre ŋen ŋanṯa đəgasađa ŋen ŋoɽra ŋə-Ḏauḏ đame iđi đoɽra iđapuŋəṯia.Ḏauḏ gero gələŋeṯa fənto Rəmwa riđi arəmauiṯi laŋge pređ.Orn ndə ŋiđənu,leđa l-Israyil liđi alṯaṯurṯi liga lwalano kaiñ ŋen Aləmasiya gəmulu nageṯo,garəno nṯəliyaŋ 1,000.

Frame 17-09

Ḏauḏ naŋirənti leđa đəđərwëṯađa na nuwanaṯađa garəno nṯəliaŋ nwaiña,orn rəmwa narəmabuŋəṯi.Naṯia,eđəɽəñiađaṯa đəđəməṯia đəlaɽiŋu ganəŋu naŋiđi ŋen ŋeica kaiñ ŋəge Rəmwa.

Frame 17-10

Eloman lənəŋ,ŋen ṯruwa đə-Ḏauḏ đəfo đəbɽo alo yəđəbañəđia,ganəŋu naŋənwanəđaeđe ndëur egeɽe gəlaɽiŋu naŋənwane wuji gəŋəra ŋaiyo gwësinia.Ganəŋu gafo gabarənia Bađəseba.

Frame 17-11

Gabanṯəṯa aŋerəṯe gənwana,Ḏauḏ naŋəđwaṯe eđa gənəŋ iŋulu ṯa aŋəmamaməṯia wuji.Naŋəmayəntre na naŋəmađowaṯe egeɽa.Iliga lobəlano Beđseba naŋəṯwađiṯi Ḏauḏ ole ṯa ganəŋu gonṯaco.

Frame 17-12

Ebaŋgen gə-Bađseba,maje igi ganəjinu ṯa Uria,ganəŋu gafo gaɽo ṯruwa đəŋəra kaiñ đə-Ḏauḏ.Orn Ḏauḏ naŋundəđia Uria ekəl yəđəbwaiñəđia ṯa aŋəbɽe nəɽe aləfeṯe uwasenga gəlaɽiŋu.Orn Uria naŋəneđe ṯa goɽəbaṯa neɽe ŋen ŋanṯa Ṯruwa đəmaṯan đəfo eđəbwaiñəđia.Naṯia Ḏauḏ naŋoɽəbaje Uria alo eđəbwaiñəđia na ganəŋu naŋəlwaɽəṯi eđa igi gəntu ṯruwa ṯa aŋəmëɽi alo isi leđa lwaiñiađaṯëu ildi lamëcu ṯa aŋəɽiñini.

Frame 17-13

Ndə Uria gəɽëñəno, Ḏauḏ nəŋëme Bađseba. Nəṯia naŋəlëŋe ŋere ŋəḏauḏ. Rəmwa rafo racitu ŋenano iŋi ḏauḏ giđu, nəṯia ndrəđwaṯa anabi Nađan ta aŋəlëɽəṯe Ḏauḏ eŋen iŋi giđu ŋeicia.Nəṯia Ḏauḏ nəŋoɽəbaṯe Rəmwa nano na Rəmwa ndrəmagəcici ŋen ŋeicia. Eđəmñaṯa nəñwa eđëməṯia đəlëɽəŋu, Ḏauḏ nəŋəɽateṯe Rəmwa na nəŋaŋənṯe, com eŋen ŋebwa.

Frame 17-14

Nəṯia ŋen ŋarno đəgëmia đəŋeicia ŋəḏauḏ, ummia gəlëɽəŋu geta nəŋaiye. Đəbwaiñađa đafo eleđa Ləḏauḏ eđəməñađaṯa nəñwa eđəmṯia đəlëɽəŋu, na ŋəma ŋəḏauḏ naŋəɽeṯe ŋofano. Nəṯia Ḏauđ̱ gafo gađəñađaṯo Rəmwa eŋen, Rəmwa ndrəđəñađaṯe ŋen eŋen iŋi ŋəđəgagiya. Nəṯia, Ḏauḏ na Bađəseb lerte ŋere, na ləmanice Salieman

Đumëđinia egađam:1 Samuel 10;15-19;24-31;2 Samuel 5;7;11-12

open-licensed biblical content

Moro: Open Bible Stories

Source

17. Ɖərreiđia eŋen iđi Rəmwa riđu Ḏauḏga