41. Rəmwa reduđi Yesu eŋəɽañ

Frame 41-01

ŋen ṯruwa đaɽu Yesu iđuɽi, nələŋ nəliyauḏ isi yero yəbandia ŋen ləlwaɽəṯi pilaṯus ṯa," igi gəɽëwen, Yesu, gaṯa gënəŋu giđi aŋətođe eŋəɽaiñ eñoman ñəɽijin. ŋen ŋaŋəra ṯa eđa gəneŋ aŋəṯəni ëli ŋen ŋanṯa ṯaləmis ayerṯe yələbaica aŋəno əllëɽəŋu na liđi alwaɽe ta gënəŋu gaṯođo eŋəɽañ."

Frame 41-02

Pilaṯus nəŋaṯa," mər ṯruwa đəmaṯan ŋen ŋanṯa ađənwane đəl." Nəṯia ləkase lwandra lëɽəi đel nəñwa na naŋəɽi truwa ŋen ŋanṯa ađənwane ŋano ṯa eđa aŋerṯe gənaŋ galəbaica.

Frame 41-03

iliga yesu gǝɽǝnu eđel eloman lǝđǝmiñǝniano, na al yawuḏ yero yǝnǝinia ŋen ṯa yaɽe nḏel eloman lakǝl. na ulaldiṯano bǝrni bǝrnia eloman lǝđǝmiñǝniano, liji ɽrlda ləṯuɽəđaini ṯa aɽe nḏel đəyesu, ṯa alǝmẽcuëđe aŋano yelëɽəŋu ŋelaŋa ŋəmwađa gain̄əla.

Frame 41-04

Taltal, alo yafo yətəsenu. Na məliayəka iđi đawađialo đəməñiṯəlo rëmwa elo. Na nəyiđwađe lwandra ildi laɽəno nḏel đoba na nəywəɽaŋe. Truwa iđi đafo đənwana đela nəyagəđe aŋəno na nəyëɽiṯe eđuđa garno eđa gaiyo.

Frame 41-05

ŋen liji ɽrlda ldrəmaṯo nḏel đoba, məliayəka nayəlaṯi ṯa," ñerṯe ñagađəñalo. Yesu gero ëli. Gënəŋu gatođo eŋəɽaiñ, ŋen ŋarno gəlwaɽo! nwanəđur eđel na ñasəiđi." Liji ɽlda lənwanđe eđel na ləsici alo isi aŋəno yefo yəɽəneu isi Yesu. Lerṯe ləfiđia aŋəno!

Frame 41-06

Na məlaiyəka nəđaṯi Liji ṯa," mbər na ñəlwaɽəṯi ṯaləmis ṯa ,' Yesu gatođo eŋəɽaiñ na giđi aŋəndəbarđəṯe alo yəjalil.'''

Frame 41-07

Liji lafo luṯəđəinu ŋəđañəŋa na đəŋəra nano. Lënəŋulu lələləñëṯe ṯaləmis nano ŋenŋa ŋəŋəra.

Frame 41-08

ŋen liji ləfo eđađ labəla ṯa aləlwaɽəṯe ṯaləmis ŋen ŋəŋəra, na Yesu nəŋələmiñiṯi, na ləmakwuđəñitialo. Yesu naŋaṯa," ñerṯe ñagəđəñalo. Mbər na ñalwaɽəṯi ṯaləmis yëləɽəñi ṯa aɽe alo yəjalil.Lənəŋulu liđi aləñəsaici ṯu."

Đumëđinia egađam-Gə-Maṯṯa 27:62-28:15; Margus 16:1-11; Luka 24:1-12; Yuanna 20:1-18

open-licensed biblical content

Moro: Open Bible Stories

Source

41. Rəmwa reduđi Yesu eŋəɽañ