29. Đumëđǝnia đebai igi gero ŋǝbǝiyano

Iliga lǝnǝŋ ,Buṯrus naŋeɽǝđo yesu ,"nǝŋǝmiǝiṯi ṯa ,ya elǝŋ , ñoman ñǝɽo mǝnaw ndǝ orañ gǝñiṯia ŋen ŋeica ṯa imǝŋgǝđëci ŋen? Ñoman đenəgəɽəciana?Yesu naŋaṯa,gerəṯa ñomanđenəŋ nəgəɽəjian,orn ñoman ndređa đenəgəɽəjian na alo đenəŋ nəgəɽəjain!"Na ŋenṯia Yesu gabaŋaiđia ŋen ṯa aləŋgađaiđiar ŋen ŋeica naṯia Yesu naŋəlwaɽəṯi ŋenəŋa ŋəđumëđinia.

Yesu galuwaɽo naŋaṯa,"ŋələŋe ŋə-Rəmwa ŋarno eləŋ gənəŋ igi gerəṯo laŋge ləbaiyəla ṯa aləŋobɽe.Orn ibai gənəŋ elorb nalerəṯe amëcu kwuaiña garno nṯəliaŋ 200,000."

Iliga ləbai lero ləɽwađaṯa ṯa albəɽđe laŋge elden,eləŋ naŋəlaiṯi ṯa,ṯuwer maje igi na eɽia gəlaɽiŋu garəno eđa gəđuɽəđənia ṯa aŋəbəɽəđe amëcu gəlaɽiŋu."'

"Orn ibai naŋiɽiṯi ndrianalo nəlaɽiŋu eləŋia nëñua naŋaṯa,naṯəñe aɽənu đəñiano iñi,ŋen ŋanṯa igiđi eŋabɽe amëcu pređ igi gəlaɽeŋa.Ndə eləŋ gəno ŋen ibai gəluwaɽəṯəma ŋen naŋəmaɽəṯe ŋəbaiyaŋəno,naṯia naŋgere ŋen ŋamëcu gəlëɽiŋu naŋəmaŋgiṯi naŋəɽ."

"Orn ndə ibai gəṯađo alo yeləŋ,ganəŋu naŋəfiđi ləbai ildi ləɽo lorb ləfo lerəṯəlda amëcu garəno nubwa marldon eđəbɽa eđen.Ləbai ləgəɽwađaṯe orba na naŋaṯa, bɽəñe irial isi neŋalonaṯa nano!"

"Ibai igi gəɽo orb naŋəmiɽiṯi erəmanəŋ rəlaɽiŋu naŋaṯa,naṯəñe aɽənu đəñiano iñi,igiđi eŋabəɽe amëcu pređ igi agəñonaṯa nano,'orn garəno ŋen ṯia,ibai naŋəđwaṯe orba alo sijin ildə ndə giđi aŋəpɽəđe amëcu gəlaɽiŋu."

"Na ləbai lǝmaṯǝn elorəb lǝsǝcu ŋen iŋi ŋiđunu ŋoɽra ŋəɽo đinṯëcia.Naləbɽe eləŋe nano na naləmalwaɽəṯi ŋen pređ.

"Na eləŋ naŋundəđi ibai na naŋəmaiṯi ṯa,'ya ibai gabia eŋen! igaŋgiđiṯiaŋa amëcu gəlaɽiñi ŋen ŋanṯa agafo ageɽəđəñe.ŋen ŋarəjiađaṯo ṯa ŋiđi ŋen ŋen ŋarəno igiṯiaŋa.'Eləŋ gafo gajiano na naŋəɽi ibai sijin ŋen ŋanṯa giđi aŋəmabəɽe igamëcu gəlaɽiŋu pređ."

Orn Yesu naŋaṯa,"fəŋen iŋi ŋiđi aŋəfeṯe nupapa gəlaɽiñi elo ndə ñiagero ñiagəŋgađëjia lorəldalada ŋen eŋen ŋeica enare enalo."

đumëđǝnia egađam Gǝ:maṯṯa :18-21:35