39.ŋen ŋəđirənṯacia đi-Yesu

Naṯia uləŋano gafo gaɽo.Ṯruwa naŋəbɽe Yesuga egeɽa gelɽəŋ goɽra gəkaana ŋen ŋanṯa aŋəmegeɽəđe.Boṯrus ṯaŋəmaiyətateṯo alo nuwaltaŋ ilëɽwəŋ.ŋen Yesu gəmamaiyənu egeɽa,Boṯrus naŋəṯađəni ndëur gəbana sia

Leđa ləkanna nalənji Yesu iđirənṯacia alo egeɽa.Lanəŋulu nalnaeđe ŋen ŋwaiña ŋəpiano ŋəɽo ŋəɽuwain iŋu.Orn naṯia,ŋəɽwata eŋen naŋerəṯe ŋəɽuwaṯa elorb,naṯia nələŋ nəkanna nanerəṯe nəfiđia ŋen ŋənəŋ ŋəfo məna iŋu.Orn Yesu naŋerəṯe gəlwaɽa ŋen ŋənəŋ.

Orn đəge,eləŋ gəkanna igi goɽra naŋəseici Yesu siano naŋəmaiṯi ṯa,"lwaɽəṯənde,aganəŋa agaɽo Aləmasiya,iđia gə-Rəmwa iri rəmṯowa?"

Yesu naŋaṯa,"egaɽo,na ñiagiđi ñiañəseici egəɽaŋalo eŋələŋe ŋə-Rəmwa na igiruw elo."Eləŋ goɽra gəkanna naŋuɽi erenia ŋenəŋa ŋeɽiano na lanəŋulu nalɽrijiṯi nələŋe ole nəmaṯan nalaṯa,"ñiagaber ñiagonaṯa ŋen ŋənəŋ təŋ ṯa aŋəlwaɽini!Ñiagano ñiaŋ bɽan gəlwaɽo ṯa ganəŋu gaɽo iđia gə-Rəmwa.Đakəmiya eđalo điđi ađəɽeṯe ṯau?"

ŋen nələŋ nəkanna nuɽəbəjiṯo eləŋ ole igi goɽra,"Lanəŋulu ləmakəme ŋəɽañiŋa!"Lanəŋulu ləmatatëri isi,ləmaṯabṯe nano,lëmapi ,na ləmananace ŋen ŋubwa.

Ndə Buṯrus gafo gəđaṯurṯia alo eɽia ndëur,ibai naŋəmanuwane gənəŋ gəɽbwa naŋəmaiṯi ṯa,"Aganəŋa com ñiagafo Yesuga!"Orn Buṯrus naŋəmablaje.Naṯoa ŋere ŋomən ŋəɽbwa naŋəlwaɽe ŋen ŋəɽuwaṯo,Orn Buṯrus naŋəmablaje təŋ.Orn iliga lənṯurṯu,leđa naləmaiṯi ṯa,"Ñiagaləŋeṯo ŋen ṯa aganəŋ ñiagafo Yesuga ŋen ŋanṯa ñiageṯo alo i-Jalil."

Orn Buṯrus naŋəlwaɽe đeṯəmđa, naŋaṯa, "Rəmwa riđi arəñiaboŋe ndə egələŋeṯo maje igi!" Nataltal, Đwaṯa nađare, na Yesu naŋəređe alo naŋənwane Buṯrus.

Naṯia Buṯrus naŋəbɽe aləsoŋ na naŋare kaiñ. Iliga lopəlano, Yauđa,igi gəneiđəma, naŋəseci ŋen ṯa nələŋ nəkanna nalwaɽo eŋen ṯa Yesu aŋaiye. Yauđa naŋəɽeṯe giruwano kaiñ na ganəŋu naŋəbɽe ndëur na naŋəɽiñini bɽan.

Ilwaldiṯano gomən ram, Nələŋ nəkanna naləmamaṯa Yesu Pilaṯus nañua, ŋələŋe iŋi ŋəleđa ləɽo Roma. Lanəŋulu ldəđaṯurṯi ŋen ŋənəŋ iŋi ŋəfo məna ṯa liđi alɽəmaɽeiñe. Pilaṯus naŋeɽəđe Yesu ṯa, Aganəŋa agaɽo eləŋ giliyauḏ?"

Yesu naŋəluɽeibiṯe eŋen ṯa, "ñiagalwaɽo ṯia, orn ŋələŋe ŋəlaɽiñi gerəṯa ŋalo. Ndə ŋen ŋəfo ŋəɽo ṯia, ləbai əllëɽiñi gabanṯa ṯa labəđeiđiñi. Egeṯo alo ṯa elwaɽe đeṯəmđa đə-Rəmwa. Leđa pređ ildi ləbwa đeṯəmđa na ṯalno ŋen ŋəlaɽiñi. "Pilaṯus naŋəmaiṯi ṯa, "đeṯəm đaɽo uwande?"

ŋen ləɽəñiađaṯo đəɽwata eđen Yesuŋəla,Pilaṯus naŋəbɽe leđa nano ndëur naŋəleiṯi ṯa,"egero igəfiđia məna emaje igi."Orn nələŋe nəkanna narəjiace ole nalaṯa,"arirəm iđuɽi!"Pilaṯus naŋəluɽibiṯi eŋen naŋaṯa,"ganəŋu gero ŋen ŋənəŋ ŋəfo məna."Orn lanəŋulu naɽrjiace ole kaiñ.Naṯia Pilaṯus naŋəlwaɽe iliga liɽijin naŋaṯa,"Gaəŋu gero ŋen ŋəfo məna!"

Pilaṯus naŋəđiñiṯi leđa ṯa liđi alinṯaini, naṯia ganəŋu naŋonaṯe ŋen ṯa aŋəlnaje ṯruwa ṯa aləri Yesu iđuɽi. Ṯrruwa đəroma naləɽi Yesu đar đəŋələŋ na naləmari rri nenda rarəno ləbərneṯe ləŋələŋe. Lanəŋulu naləmađaməje eŋen nalaṯa ṯa, "Səcur, eləŋ gal Yawuḏ!"

Đumëđinia egađam gə-Maṯṯa 26:57-27:26; Markos 14:53-15:15; Luka 22:54-23:25; Yuanna 18:12-19:16