ŋen ŋəđëređia aŋano

Lomanəŋ, Yesu naŋəmame leđa ləđwainu əllëɽəŋu liɽijin, fəŋu Butrus, Yagob, na Yuanna, ( eđa gənəjinu Yuanna gafo gero gəɽia gonto eđaga igi gəmamuṯi Yesu.)lənəŋulu ldəbəṯe nayən ywala bəɽan ṯa alṯurṯi Rəmwa.

Garno Yesu gəfo gaṯaṯurṯia Rəmwa, isiano ilëɽəŋu nayewađo alo yarno ëđəñia na ndərenia nəlëɽəŋu nəbəjəṯe narno arrerre, nəbəjəṯu orəba eđa gero gənəŋ galo igi gaɽəwađaṯia gëbəđia erenia gəbəjo garno ṯia kwai kwai.

Nṯia Musa na nabi Iliya ndələməñiṯi. leđa ildi lafo lafo alo nətəli eređia ređ. lənëŋulu ləɽwate Yesuŋala eŋəɽaiñ ŋəlëɽəŋu, iŋi ŋiđi aŋəfeṯe taltal alo Yursalim.

Garno Musa na Iliya lafo laɽwata Yesuŋala, Buṯrus naŋaiṯi Yesu ṯa, "ŋen ŋaŋəra ṯa alfeṯər ëli. Aliđər ŋutu ŋiɽijin lənəŋ ləlaɽəŋa, lənəŋ lə Musa na lənəŋ lə Iliya." Butrus gafo gajəba ŋen iŋi gënəŋu gaɽəwata.

Garno Buṯrus gafo gəɽwata, đaba nḏəleṯa nnano đwađo alo na ole na ŋela eđaba naŋaṯa, "fuŋuŋ iđia gəlëɽəñi igi igəbwamaiya igəŋərəṯəma nano. naṯəmar." Ləmateṯa liɽijin lafo lađəñalo kaiñ na ldirətəṯi alo.

Nəṯia Yesu naŋələpre naŋaṯa, ñerṯe ñəgađiñalo. tođər." ŋen lənwanəđəno erəte,lënəŋulu ləsəici Yesu gafo gonto.

Yesu na ṯaləmis yəɽijin loɽəbəđe na loɽəbaṯe naiyan. Nəṯia Yesu naŋəlaṯi ṯa, ñerṯe ñagəlwaɽəṯia eđa ŋen ŋənəŋ iŋi ŋiđenu ëli. Igiđi ñaiye iliga lətëfər na igiđi ñeməṯe təŋ.Nəṯia đəge, ñagiđi ñalwaɽəṯe leđa."

Đumëđənia egađam:Gə-Maṯṯa 17:1-9; Margus 9:2-8; Luka 9:28-36