49. Dərrëiđia Rəmwara eŋen đəmajan
Na məlaiyəka nəđaṯi ŋere iŋi ŋajiba eđa gəɽora ŋəbarnia mariam ṯa ŋiđi aŋəlaŋe iđia gərəmwa. Nəṯia ŋen ŋajiba eđa gəɽora usila gətəɽe nəŋəmanṯu na naŋonḏaice. Gënəŋu naŋələŋe ŋere na nəŋanaice Yesu. ŋen ŋarno ṯia, Yesu gaɽo Rəmwa na aŋəno.
Yesu giđeu aŋwara yəwaiña yibaŋiđa ŋen ṯa gaɽo Rəmwa. gënəŋu gerldo nəŋau, gaṯuri đəbera, gəgiđi leđa lumma, gəməñacu leđa iɽldia nano, a nəŋiđi ragifi đenəŋ na lemme laɽijan ləɽeṯe aciəba gwaiña eleđa ndređ eređa đenəŋ.
Yesu com gafo gaɽo eđa goɽa gəbarəŋiđia ŋen, na gaɽwata eŋələŋe ŋen ŋanṯa gənəŋu gaɽo eđia gərəmwa. Gənəŋu garəŋiđu ṯa ñabwiṯi leđa ŋen ŋarno ñagifua ntəmana enalo.
Nəŋərəŋiđi com ṯa aləbwiṯər Rəmwara ləgəmañaṯor ŋen ŋomən,đwala đëlɽəŋa com.
Yesu nəŋaṯa ŋələŋe ŋərəmwa ŋoɽa ŋeməñaṯo laŋge pređ ildi lefo eləbate. ŋen iŋi ŋafo ŋope ṯa leđa pređ laŋələŋ ŋərəmwa. Ṯa ŋanḏi eŋələŋ ŋərəmwa, ŋen ŋaŋəra ṯa ñabərni eŋen ŋeicia.
Yesu gaṯa ṯa leđa lwaiña ildi liđ alməŋənṯi na alëbrəni, orn ləmaṯan laber liđi aləbərani. Gënəŋu gaṯa ṯa leđa larno đuđa đeŋəra. Laŋənṯo ŋen ŋərəmwa ŋeŋəra na labərni. ləmat̄an larno đuđa đepəɽaŋəno đəfo eđađ,ŋəlwa ŋəŋəlŋe ŋərəmwa ŋaber ŋaləŋa. Leđa ildi laneđo ole ŋərəmwa igi geɽwata Iyesu na gaber giđi aŋənḏi eŋələŋe.
Yesu gaṯa Rəmwa rabwa leđala ildi lebəđia ŋen ŋeicia kaiñ. Ronaṯa ŋələŋgađaici ŋen ŋeicia na aŋəliđi laɽo ñere ñələɽəŋu.
Yesu galwaɽətəndr ṯa Rəmwa raber ronaṯa ŋeicia. ŋen aḏam na awa liđeu ŋen ŋeicia, nəŋande đələŋa pređ . garno ŋen ŋiđenu, leđa pređ liđu ŋen ŋeicia na labəiđo ano Rəmwa. Nəṯia, leđa pređa laɽo aməcu gərəmwa.
Nəṯia rəmwa ndrəubwiṯi leđala pređ eləbate kaiñ ndrađwaṯe iđia gəlëɽəŋu gunto ŋen ŋanṯa eđa gənəŋ gandu ŋen ŋəlëɽəŋu gaber giđ aŋəmandëđəni iŋeicia, orn aŋerṯe đaməṯia đəbəɽəbəte.
ŋen ŋanṯa ŋeicia ŋənəɽəŋa, agiđu mənaŋ na nəɽi ṯa ŋaiye. Rəmwa riđi arəŋaciṯiano, orn ŋaɽi đəjano Iyesu orngerṯa ŋa.ŋen yesu gaɽəñəno iđuɽi, gamo ŋen ŋibuwa ŋenəɽəŋa.
Yesu gero gəbiđia ŋen ŋeicia, orn ŋəme ŋen ŋəbwa na naŋaiye ŋen ŋarno ṯa aŋəɽeṯe điɽəđənia ŋen ŋanṯa aŋəme ŋen ŋeicia ŋənəɽəñi na leđa pređ ildi lefo alo, Rəmwa rəŋgaica ŋeicia pređ na ŋoɽa com.
ŋəmaɽra ŋeŋəra ŋabet ŋiđi aŋəberi. ŋen ŋero ŋənəŋ ṯa iđi ñerṯe Rəmwara đərriđia eŋen.Yesu gunto giđi aŋəwase ŋeicia ŋələɽeŋa. ŋen ŋafo ŋpe ṯa ŋandi ŋen ŋiđia gərəmwa, ŋen ŋanṯa gaiyo iđuɽi ŋen ŋanṯa ŋa,na Rəmwa ndrəmatuđi eŋəɽaiñ təŋ.
Rəmwa raɽwađaṯia ṯa aŋəberi eđa gənŋ igi gantu ŋen ŋəyesu na nəŋiđi geɽo eləŋ. orn gaber giđi aŋaberi eđa igi gero gəbantia ŋen ŋəlëɽəŋu. gerta agwaña laŋge walla agəɽo ŋəbaiyaŋəno,ummia walla ŋere, goɽra walla geta walla alo isi ageṯu. Rəmwa rabwaŋəia na ronaṯa ṯa ŋëndi ŋen ŋəyesu nəṯia giđi aŋafeṯe nano ṯwaiñ.
Rəmwa rəwəneđende ta aləndr ŋen iŋuŋ na alənindr mamuḏiya. Ñagənṯou ŋen đatəm ṯa Yesu gaɽoAlmasiya, iđia gərəmwa gunto? Ñagəndu ŋen đaṯəm ṯa ñagəicia na Rəmwa arəndagəme? ñagəndu ŋen ṯa Yesu gaiyo iđuɽi ŋen ŋanṯa ŋeicia eŋalo?
Ndə ñagənṯu ŋen ŋəyesu na ŋen iŋi gənəŋu giđu, ñagəɽo leđa ildi lantu ŋen ŋərəmwa! Rəmwa rmənde eŋələŋe ŋiɽlda ŋərəmia na ndrəndəɽi eŋələŋe ŋərəmwa arere. Rəmwa ramo ŋen ŋəbəteŋəɽan ŋeicia iŋi ñagibəđia na ndrəndənaice ŋen ŋəmajan,điđia ŋen ŋeŋəra.
Ndə agəndu ŋen ŋərəmwa, Rəmwa ragəđaicaŋa ŋen ŋeicia ŋen ŋanṯa ŋen iŋi Yesu giđu. Ram, Rémwa raɽiŋa ṯa ŋaɽeṯe eđa gefo nano twaiñ gerṯa aməcu.
Ndə agəɽo eđa gərəmwa na ebai gəyesu eləŋe, agiđi ŋandi ŋen iŋi Yesu gəbërəŋiđia.Garno agəndo ŋen ŋərəmwa, iɽlda iđi ayəŋirḏaice. Orn Rəmwa raɽo đonaṯa na riđi aŋəgiđiace ŋen ŋeicia. Riđi aŋənaice ŋəma ṯa ñabwañđe ŋeiciaŋa.
Rəmwa raṯa ñaṯəurṯia, ñaləŋaṯe ŋen ŋələɽəŋu, ñamukwuđəñiṯialo na ñalwaɽəṯi leđa ŋen iŋi rənəŋu reṯənde.ŋen iŋi pređ ŋandəmađaṯa ṯa ñerṯe đərəiđia eŋen ñaŋəlaga.
Đumëđənia ig-njil: Rumiya 3:21-26, 5:1-11; Yuanna 3:16; Margus 16:16; Kolosi 1:13-14; 2 kərunđus 5:17-21; 1 Yuanna 1:5-10