42. ŋen Yesu goɽəbaṯo elo

Frame 42-01

Iloman lakəl đurri Yesu gətođo eŋəɽaiñ, leđa ləɽijan eleđa ildi leɽo ređ labəṯa irnuŋ gənəŋ twaiñ. ŋen ləbrəla, lënəŋulu lafo laɽwataiđia eŋen iŋi ŋiđənṯu Yesu. lënəŋulu lafo lanto ŋen ṯa gaɽo Almasiya, orn ŋəɽəñini. Na wuji nəŋaṯa ṯa gënəŋu gaməṯo ṯəŋ. Lënəŋulu lerṯe laləŋeṯa ŋen iŋi ləbantia.

Frame 42-02

Yesu nəŋəleṯa nano ṯalderldəlda, orn lerṯe lamaliŋeṯa, nəŋəleɽəđe ṯa ŋen ŋəwande ñagoɽwataiđia, na lënəŋulu ləmalwaɽəṯe ŋen pređ iŋi ŋafo ŋiđinu i-Yesu ñomen iñi ñebəɽo. Lënəŋuluvlafo lasaica ŋen ṯa lalwaɽiṯia eđa gajəbaṯo igi gero gələŋeṯa ŋen iŋi ŋefo ŋənu alo Yursalim.

Frame 42-03

Nəṯia Yesu nəŋəlarəŋaice ŋen iŋi Rəmwa rəlwaɽo igal Masiya. Leđa ildi leɽwata eŋen iŋi ŋiđi ŋala laṯa ṯa al Masiya giđ aŋəneini ŋen ŋubwa na aŋəɽəñəni, orn giđ aŋətođe eŋəɽañ eñoman ñəɽijin. ŋen laijomaṯo irnuŋ igi leđ ləɽijan lauweṯa, irëgano gafo gaɽo.

Frame 42-04

Na leđa ildi ləmame Yesu aɽëŋela, gënəŋu nəŋiđi ṯia. ŋen lënəŋulu lefo ṯwaiñ ṯa aləse đəsa đëregano, Yesu nəŋəme đagifi, nəŋabuŋṯi Rəmwa na nəŋgere. Ram ram lënəŋulu lələŋaṯe Yesu. Na iliga ləmatəŋ, gënəŋu nəŋəlwəmiñe isano esen.

Frame 42-05

Nəṯia leđa ildi laɽijan ṯalɽwaṯaiđu," ŋuŋ Yesu! gerṯa nare inëləŋ nubwano ŋen gërrəŋaicinda ŋen ŋərəmwa." Na lënəŋulu ldətwođe taltal ldoɽəbaṯe alo Yursalim. ŋen ldrəmaṯo, lënəŋulu ldəlwaɽəṯi leđa ildi leɽo ređ naɽijan ṯa," Yesu gatwođo! Ñagəsaicəma!"

Frame 42-06

ŋen leđa ildi leɽo ređ naɽijan lɽwataiđia, Yesu əŋələmiñəṯi iligano nəŋaṯa," đauṯəralo ađəndwafeṯe,leđa ildi leɽo ređ naɽijan ldaṯa eŋaṯəɽa usilagi, na Yesu nəŋalaṯi ṯa," ŋen ŋanṯau đekeɽəđia đatwođo eŋaṯəɽa eŋalo? Seicr raŋ rəlëɽəñi na rəmanəña.Usila gero eđe yarno ñi. Gënəŋu aŋəŋiđi ŋen ṯa gerṯa usilagi, nəŋəleɽəđe lalasəni. Na lënəŋulu ldəmanaice ome gəmano gëtəfər, na gënəŋu nəŋase.

Frame 42-07

Yesu nəŋəlwaɽəṯi ṯa," igwalwaɽəṯənde ŋen pređ iŋi ŋəwërđənu iñi aŋəɽiñəđeini egađam gərəmwa." Na gënəŋu nəŋëbəriđi ŋatəɽa eŋen ṯa alliŋeṯe ŋen pređ ŋəwërđənu egađam gərəmwa.naŋəlaṯi ṯa," ŋen ŋəwërđənu ṯia nəṯia ṯa đeṯam al masyia aŋəneini ŋen ŋubwa, aŋaiye na ñoman ñiɽijin aŋətođe eŋəɽañ."

Frame 42-08

" ŋen ŋarno com ŋəwërđənu egađam igi gərəmwa ṯa ṯaləmis iđi ayərəŋəiđe ŋen ṯa leđa pređ alwəɽwaṯe Rəmwa nano na liđi aləgađini ŋen eŋen ŋeicia. Lënəŋulu liđi alërrəŋiđi ŋen alo Yursalim, na leđa ŋəɽwa pređ. Ñagəɽo đaməđaṯa elaŋge ildi."

Frame 42-09

Iliga ñoman ñəɽo eređia marldwan, Yesu naŋəmaiñiṯi enəɽəŋu ñoman ñəwña. lomanəŋ naŋəlemiñiṯi ñoman ndređa đenəŋ iliga lonto! ganəŋuŋ gaŋəcinu ṯaləmisi ŋenŋa ŋwaiña ṯa gënəŋu gaməṯo, na ŋələrəŋaice ŋen ŋəŋələŋ ŋərəmwa.

Frame 42-10

Yesu nəŋəlwaɽeṯi ṯaləmis enəɽəŋu ṯa," iganeinu ŋələŋe pređ elo na alo. ŋen ŋafəṯia mbər alo pređ ñërrəŋaice leđa pređ ŋen na ñəlnanaice mamuḏiya irəŋga gəđaṯa, na giđia na gusila gatəɽe,na ñəlërrəŋaice ŋen ṯa aliđi ŋen pređ igwalwaɽəṯənde. Seicr ləgəfiar jaica alo aiyuməndəđeini."

Frame 42-11

Ndə ñoman ñəŋgaṯo eređia marldwan eđətođa eŋəɽəñ ŋəyesu, nəŋəlwaɽeṯi ṯaləmis əllëɽəŋu ṯa," ɽaŋor alo yursalim ŋen ŋanṯa ṯa papa giđi aŋəndənaice ŋapəɽa ŋusila gatəɽe." Na Yesu nəŋabini elo, na lduŋgwa ldərəlo sano. Yesu nəɽaŋe ndəŋ đəŋaicəba đərəmwa ṯa aŋerəlde laŋge pređ.

Đumëđənia ig-ñijil: Maṯṯa 28:16-20; Mark 16:12-20; Luka 24:13-53; Yuanna 20:19-23; Amal ar rasul 1:1-11

open-licensed biblical content

Moro: Open Bible Stories

Source

42. ŋen Yesu goɽəbaṯo elo