47. Isṯəfanus na Filibus
Eđa gafo gənəŋ igi geɽo nda ikənisa iđi đəram gəbernia Isṯəfanus. Gənəŋu gafo galəŋeinu na gafo gwundəjeinu usilaga gətəɽe na đələŋaṯa ŋen nësi. Isṯəfanus giđu aŋwara yəwaiña isi iyəŋgiṯia leđa ṯa aləndi ŋen ŋəyesu.
Iliga lənəŋ, ŋen Isṯəfanus gafo gəbarəŋiđia ŋen ŋəyesu, al yawuḏ yəmaṯan isi yero yəbantia ŋen ŋəyesu taldukuɽəbijəđətu eŋen Isṯəfanus ŋəla. Na lənəŋulu ləciṯano kaiñ na ləgagəbiṯi leđa alo imajma eŋen ŋəisṯəfanus. Lənəŋulu laṯa," ñagano fəŋu gaṯa ṯa ŋen ŋəmusa ŋeicia na ŋərəmwa ŋeicia!" Nələŋe nimajma nëndi Isṯəfanus na ləmaiyəṯe nələŋe nəñwa noɽra na nələŋe nəmaṯan nal yauḏ, na lamo leđa ildi laɽwaṯo ŋaɽəwen eŋen ŋisṯəfanus.
Eləŋ goɽra gəkana nəŋeɽəđe Isṯəfanus ṯa," ŋen iŋi pređ ŋaɽo đaṯəm?"Naṯia Isṯəfanus naŋuɽubiṯi eŋen ŋenŋa iŋi Rəmwa rəfo riđu iliga ildi l-Ibrayim iliga ildi li-Yesu,Na fəṯau leđa lənaṯa Rəmwa eŋen ŋəlaɽiŋu.Orn lanəŋulu nalaṯa,"Ya leđa leɽeno na ləfərndiđiniyalo ildi ləneđo ŋen ŋusila getəɽe,ŋen ŋarəno papanda ildi endalo ñoman pređ laneđo Rəmwa na laɽin̄o alnabiya isi yilaɽŋuŋ . Orn n̄aŋ n̄agiđu ŋen ŋǝnaŋ ŋiecia na lënəŋulu lndiđi ! ñagaɽiño eđa gibaraŋaiđia!"
ŋen leđa loɽra ləkana lano ŋen iŋi , lënəŋulu ldəciṯano ṯalətërnu inënəñia enen na ṯaɽrəjaico ole pəlelo. Ldəmabərəldeđeṯe ndëuwər irnuŋ na ldəmaməndaiye ŋwandraŋa ṯa aləmaɽəñe.
ŋen ŋarno isṯəfanus gəbaiye, gënəŋu ŋəraice ŋwal ano kaiñ," Yesu aŋənṯu usila gəlëɽəñi." Na nəŋwođəñiṯi ndrena alo nəlëɽəŋu na ŋəraice ŋwal alo təŋ," eləŋ, ŋerṯe agalasəkia eŋen ŋeicia liđu." nəṯia nəŋaiye.
̀Ẽđəmwa gəneŋ ganṯa sawul ŋaŋənṯi ŋen iŋi leđa ləɽəñia Istə̱fanus na ṯaləɽrəmoṯo yëir ŋen ldəmandaiyia Isṯəfanus. Iliga lakəl, leđa lwaiña lalo Ursalim ildi lebəṯia leđa ŋen ŋafo mənŋ ildi letatiaṯa Yesu, nəṯia leđa ildi lëndu ŋen ləlandəñaṯe alo yerṯo. Orn eŋen iŋi pređ, ləɽwađaṯe lebərəŋiđia ŋen ŋə-Yesu alo pređ.
Eđa igi geɽo eđa getəteṯa Yesu gebərnia Filibus gaɽo eđa gəneŋ igi gëndu ŋen gelaldəñəṯu alo Ursalim iliga ləđaɽiñia leđa lëndu ŋen ŋə-Yesu. Gënəŋu ŋəɽe alo isameri igal isi garəŋiđu ŋen ŋə-Yesu na leđa lwaiña ildi labərənu. Orn iliga lənəŋ, məliakəya đərəmwa nđəlwaɽəṯe Filibus ṯa aŋəɽe ađađ iđi đefo eđəñwa. ŋen gəbərlda eđađ, Filibus ŋənwane maji igi goɽra galo Yabas gabərəṯo eṯarəmbil ilëɽəŋu isi yemərṯa. Na usila getəɽe galwaɽəṯu Filibus ṯa mbu na ŋalwaɽəṯe maji igia.
ŋen Filibus gobəđaṯo ṯarəmbil nano, gënəŋu ŋəne yabas yabëgəri egađam igi gənabi isaiya gəwërđu. Na maji naŋagəri," liđəma garno đaŋala đëɽənṯu ŋəɽaiñ, na garno đaŋala iđi đəbwaiña ŋəma,gënəŋu gero gəlwaɽa ŋen ŋenəŋ. Eŋen ŋubwa ŋəlëɽəŋu na gero gafiđia ŋen ŋuđərwaṯo iđəskinia."
Na Filibus ŋeɽəđe Abas ṯa," agaliŋeṯo ŋen iŋi agabëgəria?" na Abas naŋaṯa," Ndo. Igaber igiđi ñələŋaṯe ilda ndə eđa gənəŋ gamađaṯəñi. Elaŋ ŋañəɽaŋe eđəɽe ṯwaiñ. Fəŋu isaiya igi gəwërđənṯu walla ŋeđa garto?
Orn Filibus nəŋgirəṯe maji Kabas ŋenano ṯa fəŋu isaiya igi gəwarëđiṯu Yesu. Filibus com ŋəlwaɽəṯe ŋen ŋwaiña ŋəmajin ŋəyesu.
ŋen Filibus na maji Kabas lebərlda, leṯo ŋau nano ŋəmën. Maje Kabas naŋaṯa," nwano! ŋawa ŋëni ëli! Agəber iganeinia mamuḏiya?" Na ŋəlwaɽəṯe maje gəlandəña ṯarəmbil ṯa aŋađuri.
Nəṯia ldirəwiṯi eŋau, na Filibus ŋənaice Yabas mamuḏiya. Ndə labəṯo eŋau, orn usila gətëɽe nəŋabe Filibus naŋwëbaṯe alo erəto isi geməñađaṯu nəñwa eđərəŋaica leđ ŋen ŋəyesu.
Na maje Kabas gabəla egeɽa gənëɽəŋu, gaŋəra nano ŋen ŋanṯa galəŋaṯo Yesu.
Đumëđənia ig-ñjil: Amal ar rasul 6:8-8:5; 8:26-40