37. ŋen Yesu gaiđe aliyaser

Loman ləneŋ, Yesu gano ṯa aliyaser guma kaiñ. Alyasər na lorəba lënəɽəŋu ləɽajan, Mariam na Mađđa, lafo ləɽo rappa rəyesu. ŋen Yesu gano ŋen iŋi, naŋaṯa," đəmwa iđi đabe ŋəɽaiñ, orn đafo ŋen ŋanṯa ŋaɽrwa ŋərəmwa." Yesu gabuwaliya kaiñ, orn naŋəlɽaŋe tu ñoman ñiɽijan.

Orn ndə ñoman ñeŋgaṯo ñiɽijan, Yesu nəŋəlwaɽeṯi ṯaləmais yeləɽəŋu ṯa," aloɽəbaṯər alo yuḏia." " Ya irrəŋaiđia," orn iliga lopəlano lebəɽo leđa lafo lonaṯa ləŋəɽiña!" orn Yesu naŋaṯa," oraiñ igëndr alisyer gandro đəge, orn igabəla ematuđi eŋuriđ."

Na ṯaləmis yəyesu ləməɽobiṯi eŋen," eləŋ, ndə aliyesr gandro, gënəŋu giđi aŋëpiṯi." na Yesu nəŋəlwaɽəṯi təmwar ṯa," liaser gaiyo. Na egaŋəra nano ṯa egafo egero tu, ŋen ŋanṯa ñëndi ŋen ŋəlëɽəñi."

ŋen Yesu gerəmaṯo egeɽa gəliaser, irənuŋ gəlëɽəŋu, orn aliaser gafo gerṯo ñoman marldwan gaiyo. Marəđa gaməiño ṯa alopəđaiđe Yesuga orn naŋaṯa," Ya eləŋ, gəbanṯa agafo ëli ṯa orəiñ gero gəbaiya. orn điñəđi igando ŋen ṯa waŋge ageɽəđo rəmwa riđi araŋanaice."

Yesu nəŋəmeiṯi ṯa," igënəñi igaɽo đətođa na đaməṯia. Eđa genəŋ gëndu ŋen ŋəlëɽəñi ndə gaiyo giđi aŋaməṯe. Na eđa gənəŋ gaməṯia na gëndu ŋen ŋəlëɽəñi gaber giđ aŋaiye kwai kwai bəɽəbəte. Agëndu ŋen iŋi?" Marəđa nəŋəmeiṯi ṯa, " A, ya, eləŋ, igafo igëndu ŋen ṯa aganəŋa agəɽo Almasiya, iđia gərəmwa."

Na Mariam nəŋeṯa alo isi Yesu gafo. Nəŋəwođəñiṯi erəmanəŋ naŋaṯa ṯa," Ya eləŋ, gəbanṯa agafo ëli ṯa oraiñ gero gəbaiya." Yesu naŋaṯa ," ñagëɽu ŋga aliaser?" Lënəŋulu ləmuɽəbiṯi eŋen ṯa,"nḏel.elaŋ ŋanwanəđe." Orn Yesu ṯaŋaro.

Nḏel đoba iđi đafo egal na lwandra lafo laɽaŋo nëiñwa. ŋen Yesu germaṯo nḏel, nəŋəlwaɽeṯi ṯa," ŋgeicr lwandra." Orn Marəđa nəŋaṯa," gənəŋu gaiyo ñoman marldwan. gənəŋu gamwađənu."

Yesu nəŋəmaeiṯi ṯa ṯa," igero igaŋwalwəɽəṯia ṯa ndə agəbendia ŋen ŋəsici ŋaɽwa ŋərəmwa?" ŋen ŋafəṯia ləŋgaice lwandra.

Orn Yesu naŋənwaniđe elo na naŋaṯa, " papa, igaŋërṯiaŋa nano ŋen ŋanṯa aganaṯəñi. Igaliŋeṯo ṯa agaiñənanaṯa jaica jaica,orn egafo igaṯa ṯia ŋen ŋanṯa leđa ildi lwaiña laturwa,lenəŋulu alëndi ŋen ṯa agwađwaṯiñi" Nəṯia Yesu nəŋəlwaɽe olega goɽra nəŋaṯa," liasər miñaŋ!"

Na gënəŋu igi gaiyo nəŋamiña! gënəŋu gakasənu ndernna nəđel. Yesu nəlwaɽəṯi ṯa," miñeicəmarldo ñəmëbəri!" ŋen ŋafəṯia leđa lwaiña igal yawuḏ ildi leṯo na lëndi ŋen ŋəyesu ŋen ŋanṯa giđu aŋwara.

Orn leđa ləɽo ŋwaɽa lal yawuḏ ləge ŋena, na ldaṯa ṯa ləgebəđiar ṯau ṯa aləɽëñer Yesu na Aliaser.

Đumëđənia ig-ñjil: Yuanna 11:1-46