21. Rəmwa ndrəkase ŋen ŋə-Missaia
Eŋen ŋananoŋ Rəmwa ndrəɽi ŋen ṯa arəđwaṯe Missaia. Ɖəkasa ŋen ŋə-Missaia đananoŋ đeṯo an ađam na Awa. Rəmwa ndrəkase ŋen ṯa eđələŋe đawa eđa giđ aŋələŋəni igi giđ aŋgere rəmwa reicia ŋəsia nda. rəmwa reicia ŋəsia irri rəgəbəṯu Awa alo fəŋu seṯan. Ɖəkasa ŋen ŋə-Massaia ŋenŋanṯa Massaia giđ ŋəđame ŋabəɽa ŋəseṯan ṯrṯrəiñ.
Rəmwa ndrəkase ŋen Abramga ṯa ŋəɽo ŋəleđa pređ lalo liđi aləme đəbuŋṯia iŋuŋ. Ɖəbuŋṯia iđi điđi ađunḏəjaini ndə Massaia giđ aŋela iliga ildi liđ alela.Gənəŋu giđi aŋiđi ŋen ŋobaŋəno eleđa ləŋəɽwa ɽetəɽeteo ṯa alëbərni.
Rəmwa ndrəkase ŋen Musaga ṯa iliga ildi liđ alela rənëŋu riđi artuđi eđa igi gəɽwata eŋen iŋi ŋiđi aŋela garno Musa.Fəŋen ɲomən ŋəđəkasa ŋen ŋə Massaia igi giđi aŋela iliga lətafər.
Rəmwa ndrəkase ŋen eləŋ Ḏauḏga ṯa eđa gənəŋ eđələŋe đələɽəŋa giđi aŋirli leđa ŋen ŋarnoeləŋ eleđa lɽrəmwa bəɽəbəte.ŋenŋanṯa Missaia giđi aŋəɽeṯe eđa gənəŋ eđələŋe đə Ḏauḏ.
Anabi Irmaiyaga, Rəmwa ndrəkase ŋen ṯa riđi ariđi đərreiđia ŋen đəmaijən,orn gerṯa garno đərreiđia iđi liđu leđala Lisrayil alo ye Sina. iđərreiđia ŋen đəmaijən, Rəmwa riđi arwarəđaṯe ŋen ŋëləɽəŋu enare nəleđa, liđ aləŋeṯe Rəmwa pəɽan, liđi aləɽeṯe leđa əllëɽəŋu, na Rəmwa riđi arələŋgađeici ŋen eŋen ŋeicia. Missaia giđi aŋətođe ŋenəŋa ŋəđərreiđia ŋen đəmaijən.
Inabi i-Rəmwa yaṯa com ṯa Missaia giđ aŋəɽeṯe Nabi, alkana na eləŋ.Anabi fəŋuŋ eđa igi gəna ŋen ŋə-Rmwa na ṯəŋərəŋaicu leđa.Missaia igi Rəmwa rakaso ŋen ṯa riđ armađwaṯa gəɽo Nabi yerəjađaṯo.
Elkkana i-Rəmwa eleđa Lisrayil yəbəṯa Rəmwa điɽəđənia ŋenŋanṯa leđa garno đəmələđina đəŋen ŋəbwa lənənainia ŋenŋanṯa ŋen eŋen ŋeicia.Ekana com yaṯaṯueṯia Rəmwa eŋen ŋəleđa.Missaia giđi aŋəɽeṯe yerəjađaṯo isi iđi ayənaiđe etam gəlëɽəŋu gərəjađaṯo garno điɽəđənia i-Rmwa.
Eləŋ fuŋu eđa gənəŋ igi gəbrldia ŋələŋe na ṯaŋakəme leđa. Missaia giđiaŋəɽeṯe eləŋ gerəjađṯo igi giđ aŋəɽaŋe nalkurs yeṯen Ḏ.auḏ.Gənəŋuŋ giđ aŋgəme alo pređ bəɽəbəte, nagiđi aŋakəme ŋenŋa ŋeŋəra na ŋiđi ŋen ŋəđərwaṯu.
Inabiya yi-Rəmwa yəgəɽu laŋge lwaiña eŋen ŋə-Missaia. Nabi Malake gaɽwato ṯa Nabi yoɽra yiđ ayela ananoŋ ŋen Missaia giməlu geṯo.Nabi Isaiya gaɽwato ṯa Missaia giđ aŋələni eŋere ŋaijəba eđa gaɽorra. Nabi Meka gaṯa ṯa gənəŋuŋ giđ aŋələŋëini Irnuŋ gə-Bitilam.
Anabi Isaiya gaṯa Missaia giđ aŋəfeṯe alo Ijalil, aŋəbəɽe leđano ildi nare enen nəgəro, na aŋələrəŋaici đëbərnia iđədənia na aŋəməñi leđa lëndənu. Gənəŋu gaɽwato ṯa Missaia giđ aŋəgeiđi leđa luma na ildi ləber ləna, ləber ləseiđia ləɽwata walla ləbərlda.
Nabi Isaiya ṯa Missaia giđ aŋgini ŋenəŋa ŋəpiano na aŋəniđəni. Anabi yaɽwato yomən ṯa lənəŋulu ildi leɽəño Missaia liđi ṯaliđu ŋabərnia nano erenega na đappa điđ aŋəmabəlaice. Nabi Sakariya galwaɽo ṯa đappa điđi aŋənaini̱ faḏḏa eređia giɽijin garno ilia yeđabəlaicia đə-Missaia.
Inabiya yaɽwato com eŋen ŋəŋəɽaiñŋəllëɽəŋu ṯa giđ aŋaye ṯau Isaiya gaɽwatoṯa leđa liđi aləmađaṯabəṯe nano ,almađəmaice eŋen ŋen na almëpi.liđi almađowe na gənəŋu aŋay eŋen ŋibwa na ŋoɽra kaiñ, gafo gero gəbəđia ŋen ŋənəŋ ŋəfo məna.
Inabiya yaṯa ṯa missaia giđ aŋəɽeṯe gerəjađaṯo, gero gəbərṯa ŋen ŋeicia giđi aŋaye ṯa aŋəme ŋen ŋəbwa ŋəleđa lomən.ŋen ŋəbwa ŋəlëɽəŋu ŋiđi aŋəma đauṯa aralo I-rəmwa na eleđa.Nṯia ŋenəŋa iŋi, fəđəŋənṯiađaŋen đə- Rmwa ṯa Missaia aŋgəre aŋəno.
Anabiya yaɽwato ṯa Missaia giđ aŋaye nṯia com Rəmwa riđ arəmatuđi eŋəɽaiñ.ŋəɽaiñŋa ŋə-Missaia na đətođađa eŋəɽaiñ đəlëɽəŋu, Rəmwa riđ arəɽəñađaṯa ŋen iŋi rəɽu ṯa arëbəri leđa leicia na artođe ŋenŋa ŋəđǝrreiđia ŋen đǝmajǝn.
Rǝmwa ndrǝmǝñiṯi Inabiya laŋge lwaiñia ŋenŋanṯa Missaia, orn Missaia naŋerṯe geṯo iliga ilddëi Linabiya. ŋen ŋarno nǝṯǝliaŋ nwaiñǝṯu orǝba 400 ŋen ŋǝḏurṯu iŋi inabiya yeɽwato, iliga lakal đuri, Rǝmwa riđi arǝđwaṯa Missaia alo.
Ɖumađənia enađam ini nətəɽe nəđərreiđia eŋen đəram: Ađam gəđətođalo 3:15; 12:1-3; Ađam gəđələləŋəđainia eŋen 18:15; 2 Samwel 7; Irmaiya 31; Isaiya 59:16; Ṯaniel 7; Malake 4:5; Isaiya 7:14; Meka 5:2; Isaiya 9:1-7; 35:3-5; 61;53; Masmur 22:18; 35:19;69:4;41:9; Sakariya 11:12-13; Isaiya 50:6; Masmur 16:10-11