leđa ildi lǝbǝrǝŋiđa ŋen iŋi ŋiđi aŋela.
eŋen iŋi ŋǝfo ŋǝfo eleđa lisrayil, Rǝmwa rǝđëwǝđiṭǝlo leđa ildi lǝbǝrǝŋiđia ŋen iŋi ŋiđi aŋela . Leđa ildi lǝbǝrǝŋiđia ŋen iŋi ŋiđi aŋela lafo lerṭo ole geṭo irǝmwa nṭia lǝrǝŋǝcu leđa ɽrǝmwa ole.
Eliya gafo gaɽo eđa igi gǝbǝrǝŋǝiđa ŋen iŋi ŋiđi aŋela ilga Ahǝb gǝɽo elǝŋ eŋǝlǝŋ ŋisrayil .Ahǝb gafo gaɽo eđa gǝcia gǝnǝŋu gafo gabǝɽa lađa nano ṭa alǝguđǝñiṭi rǝmwa alo iri rǝbiayëno rǝbǝrnia balial .Eliya nǝŋǝlǝɽiṭi Ahǝb , " Rǝmwa raber riđi arǝđënǝṭe irǝnuŋ gǝŋǝlǝŋe ŋisrayil na ŋǝuđu ŋiđi aŋerṭe nǝŋǝña com ilia ndǝ egǝlǝwëɽo ṭia."orn ŋen iŋi nǝŋiđi Ahǝb gǝciano kaiñ.
Rǝmwa ndrǝlǝwɽiṭ̱i Eilia ṯa aŋǝɽe ndwldaŋ eđǝpǝrnda ŋen ŋǝnǝṯa aŋǝlǝbijicini Ahǝb igi gwonaṯa gǝmǝɽǝña.Ilǝndiṯano na eregǝno jeica jeica ndǝfia nǝmǝrëbṯia eđe na ragif. Ahǝb na t̰urri đǝlǝɽǝŋǝu lafo lamǝninia. orn nǝlerṯe lǝmǝfiđiṯia . ŋërǝwaṯa ŋafo ŋǝntu alo naṯia ebǝralda nǝiyaiye pređ.
Naṯia Iliya nǝŋǝɽe irǝnuŋ gǝleđa lǝɽo ëuwar . Uji gǝiniyǝu na lamiya lǝɽǝŋu irǝnuŋ igai ŋasa eŋen gafo gafo ṯuwǝiñ ŋǝbǝndađia ŋen ŋǝnṯa rǝmwa rǝđǝnia rǝfo rero na ŋǝraṯa nǝŋǝnde alo. Orn lǝnǝŋulu ndǝrǝmowǝṯe Eliya , na rǝmwa rǝlǝnaje ŋen ŋanṯa ŋasa eŋen aŋerṯe ŋǝbǝndǝđia . Nderṯe ŋasa eŋǝrǝwaṯa pređ .Eliya nǝŋǝɽe ṯu nǝṯëliya nǝwaiña .
Ndǝ nǝtǝlǝŋe nǝgaṯo nǝɽijien na gǝṯǝbëđiano , rǝmwa nǝŋǝlǝwɽiṯi Eliya ṯa aŋoɽǝbǝṯe irǝnuŋ gǝ-aŋǝlǝŋe ŋisrayil na nǝŋǝlǝwɽiṯi Ahǝb ṯa rǝmwa riđi ǝŋǝđǝne ṯǝŋ . ŋen Ahǝb gǝsǝicu Eliya nǝŋǝṯa,"Fǝtǝwai agafǝu, ya eđa gǝmama ŋen ŋeicia!" Eliya nǝŋǝmǝɽiti eŋen, "agǝnëŋa agǝɽo eđa gǝmama ŋen ŋeicia ! agǝgǝŋiṯu yahweh ,Rǝmwa iri rǝɽo đeṯam na nuguđiñiṯi belil alo . mǝŋ leđa pređ nëŋǝlǝŋe ŋe-israyil ŋǝleyeṯa naiyen ye-karmel ."
Leđa lǝŋǝlǝŋe ŋe-israyil pređ ,na leđa ildi lǝbǝrǝŋiđia ŋen iŋi ŋiđi aŋela ŋǝ-balil ilidi lǝɽo eređa mǝrldǝwǝŋ na ndǝređia đenǝŋ neṯo naiyen ye-karmel . Eliya nǝŋǝlǝwǝɽiṯi leđa ṯa , ŋen ŋǝwënde ñǝgǝbǝndicia ŋen ŋǝđǝrǝgiđia ŋǝṯǝɽa eŋalo? ndǝ yahweh gǝɽo rǝmwa, đuɽuđǝnṯǝmar ! ndǝ belil gǝɽo rǝmwa , đuɽuđǝntǝmar!"
Nəṯia Eliya nǝŋǝlǝwǝɽiṯi leđa ildi lǝbǝrëŋiđia ŋen iŋi ŋiđi aŋela ŋǝ-belil ," ɽrǝñǝr ŋǝnḏëri na ñiđi đǝɽǝđënia , orn nerṯe ñǝgəurđǝṯa siya. igiđi ñiđi ṯia com . Rǝmwa iri rǝnanǝđia isiyia rǝɽo rǝđetam ." Ntia leđa lǝɽo kǝna lǝbelil ndǝṯoɽǝđǝṯe đeɽǝđina eđen nṯia lǝrṯe luwǝrǝđǝṯa isiya .
Nṯia leđa lǝ-belil ildi lǝbǝrǝŋiđia ŋen iŋi giđi aŋela ndǝṯǝṯuriti belil, "naṯǝnde ,rǝmwa iri rǝ-baal!"ldǝṯuriṯi rǝmwa ǝren ëđǝñǝđiñin na ṯǝlǝɽëjiecio ole na ṯǝlǝgǝlnu ëŋono esen bǝɽan nǝrǝṯiyiaŋǝna , orn đoɽǝbicia đǝfo đero .
Ndǝ loman lǝɽǝñëđiđia , Eliya nǝŋǝṯoɽǝṯe đǝɽiđinia đǝ-rǝmwa . Nṯia nǝŋǝlǝwëɽiṯi leđa ṯa alǝɽǝjeice ŋǝwua ŋëɽia ređ na ŋǝɽijan iŋi ŋoɽra ëđuna eđepe iđiɽǝđinia ŋen ŋanṯa oṯṯe , eđe na com lǝbǝṯia ildi ëđuna yefǝu nǝɽeṯe ŋǝwu đuri.
Naṯia Eliya nǝŋuṯuriṯi, "yahweh , Rǝmwa iri r-Ibrayim ri-isag na ri-yagub aŋǝciende điñiđi ŋen ṯa agǝɽo Rǝmwa r-Israyil naŋen ṯa agaɽo Rəmwa ibai gəlaɽeŋa. Uɽəbiṯiñe ŋen ŋen ŋanṯa ŋen ŋen leđa aləŋeeṯe ŋen ṯa agaɽo Rəmwa ɽəlaɽeiñi đeṯəm."
Na taltal,sia nayiruwa elambal na nayuɽi eđe, rənduwi, ŋəɽata, na ŋawa iŋi ŋəfo ŋaɽəđaṯo ləmbruwađa eɽo. Ndə leđa ləsëcu ŋen iŋi, lənəŋulu ldəmwuđəñinṯi alo ldaṯa,"Yauwe gaɽo Rəmwa! Yauwe gaɽo Rəmwa!"
Naṯia Iliya naŋaṯa, ŋerəṯe ŋaŋgiṯia eđa gənəŋ eleđa ləŋəɽëuwen ṯa aləmñe!" Naṯia leđa nalagəndi leđa pređ ild ləŋəɽəuwein Yə-Baal na naləɽəñe.
Na ranəŋu narəluwaɽiṯi eləŋ Ap ṯa,"oɽəbaṯo irənuŋ gəlaɽeŋa taltal,ŋen ŋanṯa ŋaw ŋiđi aŋəđəne."Na taltal lduŋga naŋəđaŋəṯe elo elambal lərmiya, na ŋawa naŋədođe ŋəđəniya ŋuwaiña kaiñ. ŋen ŋanṯa Yauwe gaɽəñiađaṯo ŋen ŋəŋəruwaṯa na naŋaŋeiđi ŋen ṯa gaɽo Rəmwa đeṯəm.
Iliga ildi Liliya,Rəmwa narəoṯe eđa gənəŋ gəbərniya Ilisa ṯa aŋəɽeṯe eđa gole gəlaɽiŋu. Rəmwa ndriđi aŋuwara ywaiña egeđa gole Ilisa. Na aŋuwara yənəŋ isi yiđənṯu Naaman, na eđa gənəŋ goɽra eŋen igi gəɽo amëcu, igi gəfo gerəṯo ŋəɽaiñ nano ŋeica kaiñ. Na ganəŋu naŋəne ŋen Ilisa ganəŋu naŋəbɽe na naŋeɽəđe Ilisa ṯa aŋəmaiyəđi. Ilisa naŋeɽəđe Naaman ṯa aŋənṯi iŋau ñoman đenəgəɽəjian eđəparnda Đurḏun.
Naṯia nanoŋ Naaman gafo gaceino ŋen ŋanṯa gəsëicu ŋen ṯa ŋađajəba điñinsi.Orn ganəŋu naŋəme eđəñwa na naŋoɽəṯe iŋau ñoman đenǝgəɽəjian eđəparnda Đurḏun.ŋen gabowoṯo iŋau iliga lənṯurṯu,ganəŋu naŋfiđi aŋəno yəllëɽiŋu yayiđinu! ŋenŋanṯa Rəmwa rafo raiđima.
Rəmwa ndrəđuwaṯe anëbia ywaiña yəmaṯan elorb.Yanəŋulu naiyəlwaɽiṯi leđa ṯa alerəṯe lukwuđəñiṯia ŋombrađ alo na ṯa alaŋaiđi đəđërwëṯa eŋen na ŋəbaiya eleđa ləmaṯan. Orn Ënəbi naiyəərəñiṯe leđa ṯa ndə lero ləđəruwa iđiđia ŋen eŋen ŋeica na ṯa aləđəñeđəṯi Rəmwa eŋen, naṯia Rəmwa riđi arəlagəme eməna egen, na ranəŋu riđi arəlnace ŋen ŋubwa.
Iŋiga ŋəmaṯan,leđa lafo lero ləđiñëđəṯa Rəmwa eŋen.Lanəŋulu lafo labəđia leđa lalənabiya ŋen ŋeica na naləɽəñe.Iliga lənəŋ anëbi Jerimaiya gafo gandənu sijin na naŋgeini ṯa aŋaiyəṯe tu.Na ganəŋu naŋənṯi eŋəɽata alo ilbu,orn eləŋ naŋerəṯe ŋəbaiyano iŋu na naŋəđwaṯe ləbai əllëɽiŋu ṯa aləmabəleđa ilbu ŋen gəmlu gəbaiya.
Na leđa ləɽo Nëbi lafo labegeɽəđia Rəmwa eŋen iliga leđa ləgelo. Lanəŋulu naləgərëñiaṯe leđa ṯa Rəmwa riđi arəlagəme ndə lero loɽəbaṯa aŋəno nano. Na yanəŋulu naləŋəđaci leđa eŋen iŋi Rəmwa rəfo rəgaso leđala e-Masiya igi giđi aŋela.
đumëđənia egađam igi :1gə-ndǝlǝŋ 16:18- 2 ndǝlǝŋ 5; Irǝmiya 38 .