5. Ɖəgasa ŋen đəŋere
ŋen nṯəliaŋ nəŋgaṯo ređ Ibrayim na Sarai ldrəmaṯe irnuŋ gə-kannan, Lënəŋulu lafo lero ləbərṯa ŋere məldin. Nṯia Sarai, wasen gibrayim, naŋəmalwaɽəṯi ṯa," ŋen ŋarno Rəmwa rero rəñəŋgiṯa ṯa lagaberṯa ñere na ṯia điñiđi egaɽo eđa goɽra ṯa ləgaberṯa ñere, lagerəṯo eđa igi gəndəđuɽəđənṯia,fəŋu, Ajra. ŋen ŋaŋəra ṯa ŋamame ñaldəgerṯe ŋere."
Nṯia Ibrayim naŋəme Ajra. Ajra naŋələŋe ŋere ŋəɽorra, na Ibrayim naŋəmanəji ṯa Isamyil. Orn Sarai naŋge ŋen ŋə-Ajra. ŋen Ismayil gerəṯo nṯəliaŋ ređniɽijin, Rəmwa ndrəməlwaɽəṯi təŋ.
Rəmwa ndraṯa, egaɽo Rəmwa roɽra. "Lagiđi alerṯe đərreiđia eŋen." Nṯia Ibraiym naŋëraṯe ndrianalo eləbate. Rəmwa ndrəiṯi Ibrayim ṯa, "agiđi ŋaɽeṯe papa gəleđa lwaiña. Igiđi eŋanaice na leđa lëləɽəŋa alo yəkanan garno laŋge elden na igiđi eɽeṯe Rəmwa pəɽəbəte. ŋen ŋarəjađaṯo ṯa ŋuɽëđi leđa lɽrwa eleđa leɽa gëləɽəŋa."
"wasalo gëləɽəŋa, Sarai, giđi aŋerəṯe ŋere_ giđi aŋəɽeṯe iđia gəđəgia ŋen. Giđi aŋəmanici Isag. Ñagiđi ñerṯe lëga đərrëiđia eŋen, na giđi aŋəɽeṯe eləŋ gəŋoɽa ɽetəɽeteo. Igiđi ñiđi Ismail goɽra eŋələŋ, com, nṯia đərrëiđia eŋen điđi ađəfeṯe Esaga." Nṯia Rəmwa ndrəriđi irəŋ gibraiym ndrəmanici ṯa Ibraiym, ŋen ŋənənu ṯia" papa gəleđa lwaiña."ndrəmwa com ndrəriđi irəŋ Sarai ndrəmanici ṯa sarra, ŋen ŋənənu ṯia" eləŋ gənələŋ."
Iliga lakəl Ibraiym nəŋuɽəiđi leđa lɽrwaŋ pređ egeɽa gëləɽəŋu. Ndə itəliaŋ gəboɽo gonto, iliga Ibraiym gerṯo nəṯilia ndređia ređ na sarra gerṯo nəṯilia ndređia đenəŋ na marldwan, sarra naŋələŋëṯi Ibraiym ŋere ŋəɽoraŋ. Lënəŋulu ləmanici ṯa Esag ŋen ŋarno rəmwa rəlwaɽəṯəlo ṯa aliđi.
ŋen Esag gəɽo ummia gəta, Rəmwa ndriḏəici Ibraiym eđonaṯa đëləɽəŋu ndraṯa, " mëŋ Esag, ummia gëləɽəŋa gonṯo na ɽəñəma ṯa aŋəɽeṯe đəɽəđənia đëləɽəñi." Təŋ Ibraiym naŋəđəñiđaṯi rəmwa eŋen na naŋətoɽəđaṯe ŋen ṯa aŋiđi đəɽəđənia iđiaga gëləɽəŋu.
ŋen Ibraiym na Esag ləbəṯa alo yəđəɽəđina, Esag nəŋeɽəđe," papa, lagerṯo oṯe gəđəɽəđinia, orn lɽruma luŋga?" Ibraiym naŋəmuɽəbiṯi eŋen ṯa," Rəmwa riđi arndənaici lɽruma ildi leɽo đəɽəđənia, ŋere ŋələɽəñe."
̱ŋen ɽrəmaṯo alo isi iđəɽəđənia, Ibraiym nəŋəgagase ummia gëləɽəŋu Esag na nəŋəmandri ađuna eđəpe iđəɽəđənia. Gafo gonaṯa gəɽəña ummia gẽləɽəŋu ŋen rəmwa rəlwaɽəṯəma ṯa," đəruŋ, ŋerəṯe agəɽəña ummia! Đəñəđi egaləŋeṯo ŋen ŋanṯa agëđəṉ̃iñe ŋen ŋanṯa agero agərəmoṯwa ummia gëləɽəŋa gonṯo ŋen ŋanṯa ñi."
iliga lobəlanno Ibraiym naŋənwane ɽruma ləkasino alo nano. Rəmwa raɽo ɽruma ṯa aŋəɽeṯe đəɽəđənia đesag. Nṯia Ibraiym naŋəniđe ɽruma leɽo đəɽəđənia nəŋəreṯe nano kaiñ.
Nṯia Rəmwa ndraiṯi Ibraiym ṯa, "garno agaŋənṯu ŋen ṯa ŋañənaice laŋge pređ, cum ummia gëləɽəŋa, igaɽo ŋen ṯa igiđi iŋabuŋṯi. đələŋia đəlëɽəŋa điđi ađwañəṯe đeməñaṯo roppa relo. ŋen ŋanṯa agənaṯəñe, leđa pređ ildi lefo eləbate liđi aləbuŋənṯi ŋen ŋanṯa ŋa,"
Đumëđənia ig-ađam gəđetođalo: 16:22