20. Đəməñia eŋəwai
Eŋələŋ ŋisraiyil na eŋələŋ ŋalyauḏ ŋulu beređa liđu ŋen ŋeicia rəmwa nəñwa. lenəŋulu lagero đərrëiđia eŋen iđi lefo liđu rəmwara alo isina. Rəmwa ndrəđwaṯe elanabia enəɽəŋu ṯa ayəlwəɽeṯe ta aləgaice ŋen ŋeicia na aləbuŋeṯe təŋ, orn lerṯe lənaṯa.
Nəṯia rəmwa ndrənaice ŋələŋ pređ ŋen ŋəbwa eđəgiṯia leđa ildi lebwañəđəla ṯa aləməndađe. Eŋələŋ ŋələsiria, irnuŋ geɽəga, nəŋəmandəđe ŋələŋ ŋisrayil. Leđa ləsiria ləɽəñe leđa lwaiña eŋələŋ ŋisrayil, ləlarəbaṯe laŋge pređ, na ləludəṯi irnuŋ gəmaṯan.
aləsiria lɽrarəiđi leđa pređ leɽo ŋoɽa, leđa lerṯo laŋge na leđa ildi lerṯo đələŋeṯa na ləməmaṯəlo alo yasiria. đəɽəmini ildi leɽo ŋabəyiaŋəno fəŋulu leṯəđəno eŋələŋ ŋisrayil.
Nəṯia Assərn ləmama leđa ildi lajəbaṯu ṯa aləfeṯe irnuŋvigi ŋələŋ ŋisrayil ŋefo ŋafau. Leđa ildi lajəbaṯu lwaṯe ndrənuŋ ini nefo negëro na ləmame leđa lisrayil ildi lafo leṯəđenu tu. Đələŋia Đisraiyil iđi đimamənu leđala ləjəbaṯo đənṯa leđa ləsamaria.
Leđa ildi leŋələŋ ŋalyauḏia lasəicu ŋotəu đëgəmia iđi leđa leŋələŋ ŋisrayil ŋen lero ləbantia na ləna. Orn məldin talukuđəñiṯu imwa alo isi yəpëno, na cum imwa yeleđa Ləkanan. Rəmwa ndrəđwaṯe elanəbi ta aŋəlwaɽeṯe, na ləneđe lena.
Iliga ndređa neɽo ređ eđəgera ŋələŋ ŋisrayil, rəmwa ndrəđwaṯe Nabugəṯənasr, eləŋ galo yəbabəlonia, ṯa aŋante ŋələŋe ŋalo Yauḏia. Babəlon gafo goṯəṯo eŋələŋ kaiñ. Eləŋ galo Yauḏia nəŋəŋənṯe ŋen ṯa nabugəṯənasr aŋəɽe ebai na taŋəmabəɽo gurus endəliaŋ pređ.
Na inṯəliaŋ neṯa, eləŋ galo Yauđiya nəŋgaji Babylon eŋen. Nəṯia, Babilon geṯo nəŋənṯi na naŋəfeṯe eŋəleŋ alo Yauḏia. Lənëŋulu lendi irnuŋ Gursalim, lgere aləyakal, na larəpe laŋge pređ ildi lefo inəmuđun nirnuŋ na naləyəkal.
Orn ṯa alənaci eləŋ galo Yauḏia ŋen ŋefëbwa, turrwa Đənabugəđənasir nəđəɽəñe ləmmia lənəleŋ ŋuŋ ndasi na ləmiđi girəmaṯu. Nəṯia đəge, ləŋgaici eləŋ ṯa aŋəɽe aŋaiyəṯe egarəŋ alo Yəbabylon
Nabugəđənasir na turrwa đəlëɽəŋu leməme leđa pređ ildi eŋəlŋ ŋalo Yauḏia lələyiṯe alo Yəbabylon, ləṯađi leđa ildi leɽo ŋəpəyaŋəno ṯərṯu ta aliđi ŋəmaɽria inii.Iliga ilia leṯaur ŋen leđa ldərəmwa lelwaɽəicinu ŋenəŋa ŋonṯəṯo kaiñ ṯa aləṯađe aloalo isi eđəgagia ŋenia yebarnia Đəməña eŋəway
Orn ṯia com ndə Rəmwa ranəico leđa ŋen ŋəbwa ləlëɽəŋu ŋen ŋanṯa ŋeicia eŋen ndrələmaṯe alo ëđəmña, rənəŋu rero rajëbənialu na đəgia ŋen ŋulnda. Rəmwa ṯərërəmoṯo leđa ləlëɽəŋu na ṯaŋəlwaɽitəlo alənabiya. Gənəŋu nəgəye ŋena ṯa, ŋen nəṯilaŋ nəŋgaṯo ndređia đənnəɽan,liđi aloɽëbaṯe alo isi yəđəgia ŋen təŋ.
Nəṯia inəṯilaŋ ndređia đennɽəjan, Cyrus, eləŋ gəleđa lalo Yaperisia, gađəmo leđa Ləbabylon, ŋen ŋanṯa ŋələŋe ŋeleđa Ləparsin laməlađiëiđia eŋələŋ ŋəleđa Ləbabylon.Leđa Lisrayil đəñëđi lawərəndəđnia ṯa Alyauḏ na iŋulu lwaiñanano ləfo ildi leɽəŋa alo Yǝbabylon. Orn ləməṯaŋ iŋulu ildi loɽa inṯilaŋ eleđa Lalyauḏ cum ṯaləlëləŋeđinu eləbate ildi Ləyauḏia.
Na ŋələŋ ŋəleđa Ləparsia ŋafo ŋonṯəṯo orn gafo gerṯo ŋəbaiyano eleđa ildi gəgntəlo eđəbwuñəđia. Iliga lobəlano eŋen Cyrus geɽo eləŋ galo Yəparisia, gənëŋu naŋəniđe ole ṯa ndə Alyauḏ yefo yənəŋ yonaṯa yoɽëbaṯa Alyauḏa ṯa aŋəṯađe Paresia na aŋoɽobaṯe alo Yauḏyia. Nəṯia com gənëŋu naŋələnaice gurus ta aləyabeđe eɽa Gərəmwa ṯia! Nəṯia, ŋen nətilaŋ nəŋgaṯo ndređia đennɽijan eđəmiña, leđa lətawur ildi leɽo Alyauḏ loɽəbaṯe irnuŋ Gursalim alo Yauḏyia.
ŋen leđa ldrəmaṯo alo Yursalim, lenëŋulu labəđe aləyakel na laɽəđaṯe eɽo. ŋen ŋarno eđa gefo gerto igi gelənwana, təŋ lenëŋulu ləfeṯe alo isi eđəgia ŋen na ṯaləbuŋëṯu Rəmwa egal yakəl.
Đumëđənia ig-ađam: eleŋe gənəñua 17;24-25;