6.

ŋen Ibraiym goɽra đəge egaŋəno, ummia gëləɽəŋu, Isag, gënəŋu gafo goɽra cum. Nṯia Ibraiym nəŋəđwaṯe yəbai gonto eləbate ildi leđa ləfo lëləɽəŋu ṯa aləmama wasen gesag.

Iliga lwalano ñoman ñwaiña alo isi leđa ləfau leɽia gǝleđa li-Ibraiyim, orn Rəmwa ndrəmamaṯe ebai Riab nano. Gënəŋu gaɽo đələŋe đorəba gi-Ibraiyim.

Riab naŋaŋənëṯi ŋen ṯa aŋəṯađe leđa leɽa gëləɽəŋu na ṯa alɽe ibai-ga egeɽa g-Isag. Isag naŋəme taltal ŋen gënəŋu gerəmaṯo.

Ndə liga ləbɽo lwalano đəge, Ibrayim naŋaiye na ŋen pređ iŋi ganəŋu gafo ləgaso Rəmwa-ra ṯa ariđi đərrëiđia eŋen đi-Isag. Rǝmwa ndrəɽi ŋen Ibrayim-ga ṯa giđi aŋerəṯe ñere ñwaiña ñero ñuməđainiya ñepapaŋanda ləpënde, orn wasen gi-Isag, Riab, gaber giđi aŋerṯe ñere.

Nṯia Isag nəŋəṯurṯi Rəmwa eŋen ŋərobeka, na Rəmwa ndrəmiđi konṯaco eŋor. nṯia ñere ñafo ñababərəcəđia iliga ñefo Robekaŋ egare, nṯia Robeka naŋeɽəđe Rəmwa ṯa ŋen ŋawande iŋi ŋəbëđənia.

Rəmwa ndrəlwaɽəṯi Robekaŋ ṯa, "irnuŋ gəɽəjan giđi aŋela eñere ñəɽəjan ñəlëɽəŋa. liđi ṯaləbabərəciđu ŋulu pəɽan na iđia igi goɽra giđi ṯaŋəmađəṯu iđia igi gəta."

ŋen ñere ñərobeka ñeləŋəno đəge, iđia igi goɽra gəməño gore na gerṯo wëla nano, na ləmanaici Isu. Nṯia iđia igi gəta nəŋəməña gantu loɽe lisu, na ləmanaici Yagub.

Đumëđənia Ig-ađam gëđətođa alo :24:1-25:26