35. Đumëđinia đəpapa igi gerəṯo ŋəbaiyano
Eloman lənəŋ,Yesu gafo gabarəŋacia leđa ŋen ildi leḏəmëcia ṯoləba na leđa ləmaṯan ildi liđu ŋen ŋeica ldəraraeđe
Eleđa ləmaṯan ildi leṯo ldəsëci Yesu ləɽaŋa leđala ildi ləceia garno rappa ərrllëɽəŋu, Na lanəŋulu lətođe ləmagiya. Na Yesu naŋəluwəɽiṯi ŋenəŋa ŋəđumëđinia.
"Na maje gafo gənəŋ gerəṯo ñere ñəɽəjian ñəɽorro. Na ŋere iŋi ŋəta naŋeiṯi eṯen ṯa, 'Papa, egonaṯa laŋge əllëɽiñi đeiñiđi!'Naṯia eṯen naŋəlagarənəṯi laŋge ano ntəm."
"Natalta iđia igi gəta naŋərarayiđi laŋge pređ əllëɽiŋu naŋəbɽe alo nuwaldaŋ na naŋgere algurus yəlaɽiŋu eŋe ŋeica."
"Ndə liga ləbɽo đəge, ŋərwaḏa naŋədođe irənuŋ gakəl alo isi iđia gəfo gəbɽəu, na ganəŋu gafo gero gəbərṯa algrus ṯa aŋiliđi ŋəsa. Na ganəŋu naŋənaini ŋəmaɽria iŋi gəfiđu, ṯa aŋəsi əlḏrwa. Ganəŋu gafo gobano na gacoñia ṯaŋonaṯo ŋen ṯa aŋəse acəba igi əlḏur ləusa."
"Ornnaṯia đəge, iđia igi gəta naŋaṯa, Igəbəđia ṯəu? ləbai ləpapa gəlaɽiñi lerəṯ laŋge lwaiña lələsa,na məldi ṯəñaiṯo arra ëli. Igiđi ñoɽəbaṯe papa nano gəlaɽiñi na emeɽəđe ṯa eɽeṯe ibai gəlaɽiŋu."'
"Naṯia iđia igi gəta naŋətođe nagabəla egeɽa gəpapa gəlaɽiŋu. ŋen gəfo nwaldaŋ məldin, papa gəlaɽiŋu naŋəmanwane na naŋəmaɽəṯe ŋəbaiyaŋəno. Naŋobəđaṯe iđia nano naŋəmaiyariđi na naŋəməɽwëṯi ëñua egorb.
"Orn iđia naŋəmaiṯi ṯa, 'Papa, igiđu ŋen ŋəge Rəmwa na ŋa. Egero egərəjiađaṯa ṯa eɽeṯe iđia gəlaɽeŋa."'
"Orn Eṯen naŋəlwaɽəṯi ibai gənəŋ elorb ṯa, mbu taltal na ŋamea ndrenia ini nəŋra na ñialanji ŋere ŋəlaɽiñi! ënjimar ləbɽentəŋia ldoman na nṯəbina nerəmanŋ. Naṯia ñiamaɽiñiṯi ŋənṯri ŋəđwo na aləŋreṯər nano, ŋen ŋanṯa iđia gəlaɽiñi gafo gaiyo, orn điñeiđi gamṯo!ganəŋu gafo gaṯo, điñiđi gafiđənu!"'
"Naṯia leđa lədođe ŋenəŋa ŋəəŋra. Iliga iđia goɽdra gəfo nwaldaŋ, ganəŋu gafo gađaŋa neɽa. Ganəŋu naŋəne ole na leđa ldərṯia naṯia ŋen naŋəmajibinṯi iŋi ŋəbiđiniya."
"Ndə iđia gəno ŋen igi goldɽra ṯa leđa labđia đəŋra nano ŋen ṯa orba goɽəbaṯo egeɽa,ganəŋu naŋeiciṯi ano kaiñ naŋerəṯe gəbənṯia egeɽa. Eṯen gəlaɽiŋu naŋəmeɽəđe đətađa egare ṯa albɽe egeɽa na ṯa aləŋəreṯe nano, orn ganəŋu naŋəneđe."
"Orn iđia gəlaɽiŋu igi goldɽra naŋeiṯi eṯenṯa, 'Inṯliaŋ ini pređ igiđu ŋəmɽria ŋəlaɽeŋa đuwanaṯađa!Egero egəŋađam, na mldin nəŋerəṯe agəñənajia ərlɽto rənŋ ərta ṯa ñiđi đəŋra nano rappara ərlaɽiñi. Orn ndə iđia geṯo gəlaɽeŋa igi gəsaṯaŋa algrus yəlaɽeŋa eŋen ŋeica naŋeṯa egeɽa, namaɽeiñiṯi ŋəmpɽo ŋəŋəra!"'
"Na eṯen naŋəmuɽibiṯi eŋen ṯa, ya iđia gəlaɽiñi, lagafo jaijia, nalaŋge pređ egerəṯəlo lalaɽəŋa. Orn ŋen ŋafo ŋobe ṯa aləŋəreṯər nano, ŋenŋanṯa oralo gafo gaiyo, orn điñiđi gaməṯo.Ganəŋu gafo gaṯo, orn điñiđi gafiđinu!"'
Đumëđənia egađam:Gə-Luka 15:11-32