26. ŋen Yesu gatođo ŋǝmaɽraŋa ŋǝlǝɽǝŋu

Iliga nǝgađama đirndecia đǝsetan, Yesu nǝŋoɽǝbaṯe eŋǝma ŋusila getǝɽe irǝnuŋ gǝjalil eŋaɽrwa ŋǝusela getaɽe. Alo isi gamǝjetau. Na Yesu gabəndǝicia alo pređ taŋɛriŋicu leđa ŋen. Na leđa pređ lǝɽëwata eŋen ŋǝlǝɽeŋu.

Yesu gabǝɽo irǝnuŋ gǝnasirat alo isi gamǝgǝṯiau iliga gaɽo ŋere ŋǝta. Gënǝŋu gënṯu alo eđǝbuŋǝṯia. Iloman lǝđǝmiñǝnano, nǝŋǝnëini ađam gǝnabi Isaiya. Ṯa aŋëgǝri egađam, ndǝ gabǝlađo ađam ano nëgǝriṯi leđa alo isai.

Yesu neŋëgǝri, "usila gelǝŋ rǝmwa hafǝñi nano, ṯa yerrǝŋici leđa ŋen ŋaŋǝra ildi laɽo ŋǝbai aŋǝno, na ta yelwaɽǝti leđa lëndǝnu ṯa liđ alminǝni, na leđa laŋǝlisi ṯa liđ alǝseiđi. Ṯa emiñe leđa ano ildi lagiyǝnu, na ṯa elwaɽǝṯe leđa itlia gǝđaŋǝranano đǝrǝmwa đeto."

Ndǝ Yesu geɽaŋalo. Na leđa pređ lafo lǝmǝsiecia ṯwaiñ. Na lǝlǝŋeto ṯa ŋen iŋi ganǝŋu gagǝri ŋafo ig-ađam iŋi gǝrǝmwa. Yesu naŋaṯa," ŋen iŋi ŋǝwërđǝnu egađam ŋaɽiñađeinia eñaŋ đeñiđi." Nǝṯia leđa pređ ldirǝwano." ldaṯa, gerṯa fiđia gǝyusǝf?

Orn yesu naŋaṯa, đaɽǝm leđa laber lebaŋǝntia anbi iranuŋ gelǝɽǝŋu. Iliga ildi anabi iliya leđa lwaiña ildi ebaŋgenda laiyo. Orn iliga rɛmwa rero rađǝne anṯǝlia niɽijin na nubwa dǝnŋ gontoi, rǝmwa rero rođwaṯa iliya to aŋamǝđaṯe wuji ŋenǝŋ igi ebaŋgenada laiyo alo Israil. Orn wuji igi ebaŋgen laiyo eleđa lomǝn.

Iliga Yesu geɽwata məlden, "iliga nalabi iliya, leđa lwainña Israil lerṯo ŋǝɽain nano ŋǝđǝteɽe eleđa ildi pređ. Orn iliya gero gelǝteɽe aŋǝno Yeđa igi gegǝro aŋǝno gǝbornia Nǝman, elǝŋ goɽrwa gisrail isi Yeɽo lǝgeia," leđa ildi lafo loɽǝđaṯo elo iŋuŋ.

Na leđa lansiraṯ lamǝmuŋo alo yeđǝpunŋiṯia lǝmaieṯa alo eđeɽe ṯa alǝmǝđođe aŋeɽi allǝmǝɽiñe. Orn Yesu nǝŋǝlomiñe iligano na gaŋgitu alo Yenasiraṯ.

Orn Yesu gabǝɽo alo yerǝnuŋ Gejalil, na leđa lwaiña letǝma nano. larǝpo leđa luma, lajeba rǝmǝniñera na leđa ildi lero lǝsiđia, lero lǝbǝrlda, lena walla lǝɽwaṯa, na Yesu nëŋǝliđi pređ.

Leđa lwaiña lemǝminu Yesu nano ildi lerṯo usila nano geicia. Yesu nǝŋǝlwaɽe naŋaṯa mǝiñor eleđa ildi, na lafo laricija ole, "ndaṯa agaɽo iđia gerǝmwa!" Orn ŋen ŋafo ŋǝjebǝntu leđa talǝnǝnaco rǝmwa dǝmia.

Orn Yesu nǝŋoṯe leđa ređ ildi lëmǝɽateṯa nǝŋǝlënci ṯa Talamis. Na lafo lǝbǝrlda Yesuŋǝla lëlǝŋeṯe ŋen ŋǝlǝɽiŋu pređ.

Đumëđənia ig-ađam: maṯṯa 4:12-25; margus1:14-15, 35-39; 3:13-21; luka 4:14-30, 38-44