Yesu gaɽo Al-masiya igi ŋen ŋəfo ŋəlwaɽənu iŋu
ŋen Rəmwa riđu alo,laŋge pređ lafo lafo ŋobe.ŋen ŋeica ŋafo ŋero ŋeṯo alo.Aḏam na Awa lafo labwuđəiya,na lanəŋulu lafo ləbwa Rəmara.Đuma đafo đero walla ŋəɽeiñ.Fəŋeniŋi Rəmwa rəfo ronaṯa alo ṯa aiyəfeṯe
Orn seṯan naiyənṯi irəmwa reica alo igri ŋen ŋanṯa ayəgibṯi Awa alo.Orn ŋu na Ađam ldiđi ŋen ŋeica ŋgiya Rəmwa.ŋen ŋanṯa lanəŋulu lafo liđu ŋen ŋeica,naṯia leđa pređ leləpade ṯalumiṯu na ṯalaiyo
ŋen ŋanṯa Aḏam na Awa liđu ŋen ŋeica,naṯia ŋen ŋəmaṯan məldin naŋəleđənṯi.Lanəŋulu nalerəṯe amëcu Rəmwara.Garəno ŋen ŋiđənu ṯia,leđa pređ liđi ṯaləŋənu ŋeiciaŋa nano na com ṯa alɽeṯe amëcu gə-Rəmwa.Đəɽəbəđia eŋen eđen Rəmwara đafo đəgirnu ŋenəŋa ŋeica.Orn Rəmwa regëɽu ŋen ṯa aroɽəbaje đəɽəbəđia eŋen.
Orn Rəmwa narəgase ŋen ṯa eđa gənəŋ eleđa ləpappanda l-Awa giđi aŋəbɽwi aŋəpwuɽi alɽəntiya nda,na ṯa Seṯan yiđi ayəmase əlɽwa.ŋen ŋanṯa ṯa Seṯan yiđi ayəɽeiñe Aləmasiya,orn Rəmwa riđi arəmaduđi təŋ gəməṯo,naṯia Masiya giđi aŋəđame ŋabɽa ŋəseṯa bəɽəbəte.Ndə nṯəliaŋ nəbəɽo nwaiñ đəge,Rəmwa naraŋeiđi Yesu ṯa gaɽo Aləmasiya.
ŋen Rəmwa rəməndađo labade pređ ŋawəŋa iŋi ŋəređa alo,Ranəŋu narənaeđe đəpundri ṯa ađəbri leđa ildi ləndu ŋen ŋəlaɽiŋu,na məldin ŋen ŋafo ŋunainia leđa nano ṯa aləməntađi ŋen ŋanṯa ŋeica eŋen,orn Rəmwa narəneiđe Yesu ṯa aŋəbri leđa pređ ildi ləndu ŋen ŋəlaɽiŋu.
Garəno nṯəliyaŋ ntređia ređ,leđa ləkanna ṯaləməñiađaṯo nëñua iđiɽiđiniya đə-Rəmwa eleđa ṯa aŋaŋeiđi đagəme iđi lanəŋulu ləfo lonaṯa iŋəceia eŋen.Orn điɽəđiniya iđi đaber điđ ađəŋgeici ŋen ŋeica.Yesu gaɽo eđa goɽra eŋen ŋaləkanun,ganəŋu ganeiđo điɽəđənia ŋu bɽan ŋen ŋanṯa aŋgeici ŋen pređ ŋəleđa eləbade.Yesu gafo gaɽo irəŋeiđi gəŋəra ŋenŋanṯa gaŋgeicu ŋen ŋəđagəmiya eŋen ŋeica pređ iŋi leđa ləfo liđu.
Rəmwa nareiṯi Ibrayimṯa,"Leđa pređ lalo liđi aləbuŋəjini ŋen ŋanṯa ŋa."Yesu gafo gaɽo leđa l-Ibrayim.Leđa pređ lalo labuŋəjinu iŋu,ŋen ŋanṯa leđa pređ ildi landu ŋen ŋə-Rəmwa lanəŋulu labərnu iŋeica eŋen,na lanəŋulu nalɽeṯe usila gəleđa l-Ibrayim.
ŋen Rəmwa rəlwaɽəṯu Ibrayim ṯa aŋənaeđe iđia gəlaɽiŋu,Isag, iđiɽəđinia,Rəmwa narənaeđe lɽruma ṯa aŋiyiđini điɽiđinia ṯa aŋəraṯe eŋen ŋidia,Isag.Laŋgər pređ ŋen ŋarəjiađaṯo ṯa alaiyər eŋen ŋeica! Orn Rəmwa ranaiđo Yesu,lɽruma lɽ-Rəmwa aŋaiye ŋen ŋanṯa ŋen ŋanṯa aŋiđi điɽiđəniya inandr.
Ndə Rəmwa rəđuwaṯo ŋəɽaiñ ŋəđəbɽwa alo Yəmasir,Ranəŋu narəlwəɽiṯi leđa Lisrayil ṯa aləɽeiñe lɽruma lɽrəjiađaṯo na ṯa alaruṯi ŋifini ŋəlaɽiŋu isëur erte.ŋen Rəmwa rənwano ŋifini,ranəŋu narəməñiađaṯe egeɽa gakəl na narerəṯe rəɽeiña ñere ñǝɽo ŋəɽwa iñi ñərrwa.ŋen iŋi ŋiđənu ŋanəjinu ṯa Alffisa.
Yesu gaɽo lɽruma aləffisa isëndr.Ganəŋu gafo gađərwëṯu eŋen na gero ŋen nano ŋeica na ganəŋu naŋəɽiñini iliga ildi laməđia gəđəŋəra nano galəffisa.Ndə eđa gənəŋ gəntu ŋen ŋi-Yesu,ŋəfini ŋi-Yesu ŋapɽəma iŋeica,na eđagəme đə-Rəmwa ađerəṯe đəməntiya.
Rəmwa riđu đəreiđia eŋen leđala l-Israyil,ildi ləfo aləsoŋ.Orn Rəmwa nariđi đərreiđia eŋen đəmajin iđi đəleđa pređ.ŋen ŋanṯa ŋen iŋi ŋəđərreiđia eŋen ŋəmajein,leđa pređ lalo laraṯo eŋen ŋə-Rəmwa ṯa aləndi ŋen ŋi-Yesu.
Musa gafo gaɽo alənabiya yoɽra isi yeɽwato eŋen ŋə-Rəmwa.Orn Yesu ganəŋu gaməñiaṯəlo pređ.Ganəŋu gaɽo Rəmwa,naṯia laŋge pređ ildi gəliđiya na iŋi gəɽwata ŋafo ŋaɽo ŋəmaɽia na ŋəɽwada ŋə-Rəmwa.Fəŋen iŋi ṯa Yesu ganijinu ole gə-Rəmwa.
Rəmwa narəgase ŋen eləŋga Ḏauḏ ŋen ŋanṯa eđa gənəŋ eđələŋe giđi aŋirindi ŋələŋe eleđa əɽ-Rəmwa bəɽəbəte.ŋen ŋanṯa Yesu gaɽo iđia gə-Rəmwa na Masiya,ganəŋu gafo aləsoŋ eleđa lə-Ḏauḏ ganəŋu igi gəbərndiya leđa bəɽəbəte.
Ḏauḏ gafo gaɽo eləŋ g-Israyil,orn Yesu gaɽo eləŋ gelo na alo pređ! ganəŋu giđi aŋoɽəbəđia təŋ na aŋagəme ŋələŋe pređ ŋəlaɽiŋu đəṯruwəṯađa ŋen na đawṯaralo,bəɽəbəte.
Đumëđinia egađam:Gə-Gəđətođa 1-3,6,14;Ɖəməñia 12,20;2 Samuel 7; Ibranin 3:1-6,4:14-5:10,7:1-8:13,9:11-10:18;Ruiya 21