15. Đəgasa ŋen ŋələbate
Liga naŋərəmaṯe đəge ildi ləleđa Lisrayil ṯa aɽrəmaṯe alo yəkanan eləbate ildi ləfo ləgasainu. Jasua naŋəđwaṯe leđa ləɽəjian ildi leŋaməɽa irənuŋ galo yə-Jarigo galo yəleđa ləkanan igi gəfo guɽəjinu nano uḏaga nano gonṯoṯo kaiñ. Irənuŋ galo yəjarigo wuji gafo gənəŋ gəɽo alaiñ gəbarnia Riab ganəŋu naŋələbəje leđa leŋaməɽa na naŋəlamađaṯe ṯa aləmñe. Ganəŋu giđu ṯia ŋen ŋanṯa gantu ŋen ŋə-Rəmwa. Lanəŋulu ləgaiye ŋen elɽo ṯa liđi alɽrəmoṯe Riab na eɽa gəllaɽiŋu ndə leđa Lisrail liđ aləgere alo irənuŋ gə-Jarigo.
Leđa Lisrayil ldəṯəpđe đəparndano đurḏun ṯa alənṯi eləpade ildi ləfo laɽəcinu.Rəmwa ndraiṯi Jasua ṯa,"aŋafi leđa nëñua ildi ləɽo kanna."Ndə leđa ləkanna ləṯəmaiđiya eđəparnda đurḏun,ŋawa naŋəđuri iŋi ŋəfo ŋiruwa naṯia Israyil nyəṯəbđe alo yonṯoṯo.
Ndə ŋen leđa ləṯəpđo đəparnda alo Đurḏun,Rəmwa ndrəlwëɽiti Jasua eŋen iŋi riđi arəmaŋəji ndə ləpənṯia irnuŋ gə-Jarigo igi gerǝṯo ŋabɽa ŋwaiña.Orn leđa ldənaṯe Rəmwa.ŋen ŋarəno Rəmwa rəlwaɽəṯəlo ṯa aliđi,Ṯruwa na kanna ləbɽe laɽəđaṯe irnuŋ elɽto gə-Jarigo eloman ildəi ñoman đenəlonto.
Orn eñoman đenəñəɽəjan,Israyil nayəmñe nayaɽəđaṯe irnuŋ eɽto iliga ildi leɽaco ñoman đenəgəɽəjan.ŋen ləbɽo ṯa alaɽəđaṯe irnuŋ elɽto iliga ildi lənṯurṯu,Ṯruwa nḏërace ole,naṯia kanna nđëri rəl.
Orn uḏa galo yə-Jerigo ṯuwaiñ nəŋiɽi! orn leđa lisrayil ndəgere laŋge pređ lirnuŋ gakəl ŋen ŋarəno Rəmwa rəlwaɽëṯəlo.Lanəŋulu ldəŋgiṯi Riab jiaŋjiaŋ na eɽe gəlaɽiŋu,igi ganəŋu gəfo gəleđa Lisrayil. Ndə leđa ləno ŋen ildi ləfo alo yirənuŋ gə-kannan ṯa leđa lisrayil lagero alo yə-Jarigo,lanəŋulu lafo lađəñialo alo ṯa aŋgace leđa lisrayil liđi alëndi com.
Rəmwa ndrəlwaɽəṯi leđa lisrayil ṯa alerṯe ləpđia đeɽəbəđia eŋen đənəŋ đəđauṯaralo leđala ildi ləpënu ŋəɽto alo e-Kanaan.Orn leđa ləmaṯan eleđa lə-Kanaan,ildi lanəjino ṯa Gibonait,ldəgəpṯi Jasua alo ldəmëiṯi ṯa lanəŋulu laleđa nwaldaŋ gerṯa la-kanaan. Lanəŋulu ndeɽəđe Jasua ṯa aleɽəbəđenda eŋen ŋəđrayiđia ŋen ŋəđauṯaralo. Josua na leđa Lisrayil lderṯe ləbeɽəđia Rəmwa ṯa leđa lə-Gebonit leṯo ŋga.Naṯia Jasua ldəraiđinda ŋen ŋəđauṯaralo.
Orn leđa lisrayil lafo laceino ndə ləfiđu ŋen ṯa leđa lə-Gabonit lagəpəṯəlo alo,orn lanəŋulu ldərəmoṯe đəraiđia ŋen đəđəuṯaralo iđi ləfo liđunda ŋen ŋanṯa ŋen ŋafo ŋagəsənu Rəmwa nëñua.Iliga lopəlano,Eləŋ gənəŋ gəleđa lalo yə-Kanaan,ildi ləɽo Amorit,naŋəne ṯa leđa lə-Gabonit liđu đəraiđia ŋen đəđauṯaralo leđala Lisrayil,ganəŋu naŋəraiđi Ṯruwa əɽo ləbrano ṯa aləndi Gabonit.Leđa lə-Gabonit ndəṯwaiđe đeɽəđiađa ṯa Jasua aŋəlamađaṯe.
Naṯia Jasua naŋərreiđi Ṯruwa đəlɽto li-Srayil na ṯa lanəŋulu alerənde uləŋgələŋ alɽrəmaṯe alo yəleđa lə-Gabonit.Naṯia ilwalɽiṯano rəm lanəŋulu ldəgirđi leđa lə-Amorit na naləndi .
Rəmwa narəpəđeiđi Israyil eloman indei.Nariđi leđa l-Amorit lɽređo nano na narəđwaṯe ŋotəđ ŋoɽra ṯa aŋəɽəñe leđa lwaiña l-Amorit.
Naṯia com Rəmwa ndriđi ađəñina ṯa ayəđuri aten elambal ŋenŋanṯa Israyil ayerəṯe liga ləprano ṯa ayəđame leđa lamorit.Eloman ildei,Israyil niyəđame ëpwa ŋenəŋa ŋə-Rəmwa.
ŋen Rəmwa rəđamo Ṯruwa đakəl,leđa nalɽəraeđe ŋəɽwa ŋwaiña ŋəmaṯan ŋəleđa lalo yə-kanaan ṯa ayëndi Israyil.Naṯia Jasua na leđa lisrayil ləlëndi na ləldëđame.
Ndə liga ləbɽo đəge idi ləđəpwaiñəđia,Rəmwa narənace leđa iuwər pređ l-Israyil alo esen eləpade ildi ranəŋu rəfo rəgaiyənda ŋen.Naṯia Rəmwa narənace leđa lisrayil đəwuṯaralo erəɽe pređ.
ŋen Jasua goɽra inṯəlia,ganəŋu naŋundəđəji leđa elɽto pređ ildi l-Israyil.Orn Jasua naŋələŋəđaji leđa eŋen ṯa aləndi ŋen na ṯa aləđəñiëđəṯi đəraiđia eŋen iđi Rəmwa riđu leđala l-Israyil nayien yə-Saiḏun. Leđa ləgaiye ŋen ṯa liđi aləfeṯe eđwonaṯa đə-Rəmwa na ṯa altateṯe ŋen ranəŋu rənajəlo.
Đumëđəniya Egađam:Gə-Jasua1-24