25. ŋen seṯan irənḏëicu Yesu

ŋen ṯia Yesu gəninu mamuḏiya, usila gətëɽe nǝŋəmamaṯe eđəñwa, naŋəɽaŋe ŋorəṯaŋa ëđəñëđəñin na uləŋgələŋ ñoman eređia marldwan. Nəṯia seṯan nëiṯa Yesu nano ṯa aiyəminḏeici.

Nəṯia seṯan ninḏëici Yesu nəyəmaṯi ta̱," ndə agəɽo eđia gərəmwa, rëiđeu ŋwandra iŋi ṯa aŋəɽeṯe aicaba ṯa ŋase!"

Yesu nəŋoɽəbiṯi eŋen,ŋen ŋəwërđənu egole gərəmwa ṯa, leđa laber lonaṯa aicaba ikərəŋ ṯa aləmaṯe!'''

Orn seṯan nəyaɽe Yesu nal yəkel eđəpe na nəymati ta, ndə agəɽo iđia gərəmwa, iɽu ŋa bəɽan, ŋen ŋanṯa ŋen ŋəwërđənu ta̱,' rəmwa riđ arəlwaɽəṯi məlaiyəka ilëɽəŋu ṯa aiyəŋëndeici elo ŋen ŋanṯa ŋerṯe agëpəɽwa rəmanəñara alo eŋwandr.'''

Orn Yesu nəŋuɽəbiṯi seṯan eŋen iŋi ŋəwërđənu egađam. Nəŋaṯa," egole gərəmwa, rəlwaɽəṯia leđa lëləɽəŋu olega gonṯəṯo ṯa, ñerṯe ñagəbərṯəjica eləŋ rəmwa eraluo.'''

Nəṯia seṯan niyəmaŋəice ŋələŋ pređ ŋalo na ŋaɽrwa eŋen na nəyaṯa," igiđi eŋanaice laŋge ildi pređ ndə agukwuđəñiṯiñi alo."

Yesu nəŋuɽəbiṯi eŋen ṯa," ŋgaṯəñe nano ,seṯan! egole gərəmwa rəlwëɽəṯu leđa ŋen ŋonṯəṯo ṯa, ukwuđiñəṯor eləŋ alo igi gaɽo rəmwa erralo na đuɽəđənṯəmar gonto.'''

Yesu gero gənaica seṯan ŋen ŋənəŋ eđərëṯəcia đëləɽəŋu, nəṯia seṯan niyəmaŋgiṯi niɽe. Nəṯia məlaiyəka nəyëṯa Yesu nano niyəmarəmoṯe

Đumëđənia igajil: Maṯṯa 4:1-11; Margus 1:12-13; Luka 4:1-13