22. ŋen ŋəđələŋənia đə Yuana
Iliga lǝpǝnde, Rǝmwa raɽwatǝṯu leđa ǝllëɽǝŋu malaiyeka na inabiya. Orn ndǝ nǝṯǝliaŋ nǝŋgaṯo 400 rənëŋu rero rəlɽwaɽëṯia. Taltal malaiyəka naŋela ŋəɽwataŋa ŋə-Rəmwa naŋeṯa alkana nano yoɽra yebərni Skariya. Sakariya na wasen gəlëɽəŋu, Ilisibađ, lənëŋulu laɽo leđa lɽrəmwa, orn gənëŋu gero gəɽəwađaṯia gəbərṯa ñere fərfər.
Malaiyəka ndaiṯi Sakariya ṯa, wasalo gəlaɽəŋa giđ aŋerəte ŋere ŋəɽorra. agiđi ŋəmənaici Yuana. Gənəŋu giđ aŋunḏənaini Usilga Gətəɽe, na giđi aŋəṯoɽaṯe leđa ŋen ŋanṯa Missaia!" Sakariya naŋuɽəbiṯi ŋen, ṯa "uji gəlëɽəñi na ñi ñagaɽo leđa loɽra ñagəber ñagiđ ñerte ñere!fəṯau igiđi eləŋeṯe ŋen iŋi ŋiđ aŋəfeṯe?"
Malaiyəka nəŋuɽəbiṯi Sakariya ŋen ṯa, "Rəmwa rađwaṯiñi ṯa eŋanaice ŋen ŋəŋəra ŋəmaijən. Orn ŋen ŋanṯa agero agəbëndia ŋen ŋəlëɽəñi, agiđi ŋabwaiñe ŋəma ŋen ŋere ŋəməlu ŋəŋələŋənia." Taltal, Sakariya naŋəbwaiñe ŋəma. Malaiyəka nḏəməñe nṯia đəge, Sakariya naŋoɽəbaṯe egeɽa na wasen gəlëɽəŋu naŋonḏaice.
Ndə Ilisibađ gonḏaico gerṯo nəbwa đenəgonto, taltal malaiyəka iđeiṯia nḏəməñiṯi eđae leđa lə Isibađ, igi irəŋ gəlëɽəŋu ganṯa Mariyom. Gafo gajəba eđa gəɽorra na gaməđaicənu emaje gëbərni Yusif.Malaiyəka nḏaṯa, "agiđi ŋonḏaicen na ŋaləŋe ŋəɽorra. na aigiđi ŋəmənaici Yesu.Giđi aŋəɽeṯe ŋereŋəɽorra ŋə Rmwa irri roɽra rəməñaṯo laŋge pređ na gəɽənda bəɽəbəte.
Maryom naŋuɽəbiṯi eŋen, " ŋen iŋi ŋiđi ŋəfeṯe ṯau, egə gaicəba eđa gəɽorra?" Malaiyəka nḏəməŋaici ŋen," Usila gatəɽe giđi aŋeṯa nano, na ŋapəɽa ŋə-Rəmwa ŋiđ aŋəɽətəri. Nṯia ŋere ŋiđi aŋətəɽeṯe, iđia gə-Rmwa." Maryom nəŋëndi ŋen na nəŋəŋənṯi ŋen iŋi malaiyəka đəloɽo.
Taltal đəge malaiyəka nḏəlwaɽəṯi Maryom, gənëŋu naŋəɽe na naŋənwana Ilisibađ. Garno taltal garno Ilisibađ gəno đəna ëiñua, đə llisibađ ŋere naŋabərṯe elo egeare gəlëɽəŋuŋ. liji ldməṯe nano ləɽo ŋen iŋi Rəmwa Rriṯəlo. Nṯia đəge Maryom naləɽaŋe Iisibađga nəbwa niɽijin, Maryom naŋoɽəbaṯe egeɽa.
ŋen Ilisibađ gələŋo ŋəta ŋəɽorra đəge, Sakariya na Ilisibađ ndənaici Yuana, ŋen ŋarno malaiyəka đənaicəlo ŋen. Rəmwa ndrəŋgiṯi Sakariya ṯa aŋəɽwate təŋ. Sakariya naŋaṯa, "Rəmwa arənini đamia, ŋen ŋanṯa rənəŋu rələđainu eleđa əllëɽəŋu! ŋa ŋere ŋəllëɽəñi, agiđi ŋanaicini nabi i-Rəmwa irri roɽra rəməñaṯo laŋga pređ igi giđi aŋərəŋaici leđa ŋen ṯa lənëŋulu liđi aləme đəŋgađaicia ŋen eŋen ŋeicia!"
Đumëđinia egađam Gə-Luka 1